«Оқушылардың бойында білімнің шырағын жағу үшін мұғалім білім нәрін бойына сіңіруі қажет»

Эссе

«Оқушылардың бойында білімнің шырағын жағу үшін мұғалім білім нәрін бойына сіңіруі қажет»

Бүгінгі өскелең ұрпақ өмір сүріп отырған уақыт өткен буын заманына мүлдем ұқсамайды. Бұл ерекшелік бала болашағының, оның жаңа ұғымдарды түсінуі мен қабылдай білуіне, бүкіл ғұмыр бойында өзгермелі жағдайларға тез икемделе білу қабілетіне байланысты. Жас ұрпаққа жаңаша білім беру жолында түбегейлі өзгерістер жүріп жатыр. Сондықтан оқушылардың бойына білімнің шырағын жағу үшін мұғалім бойына білім нәрін сіңіруі қажет.

Біріншіден, мұғалім оқушылардың бойына білімнің шырағын жағу үшін сабақты әдіс-тәсілдермен түрлендіріп, қызықты өткізуі қажет.Мұғалім ол оқытушы ғана емес , ол — бағбан. Оқушылар бойына білім шырағын жағуда алдымен өзінің мұғаліміне еліктейді. Мұғалім жауапкершілігі жоғары болып , оқушыға қуаныш сыйлай білсе, шәкірттерінің бойына өзіндегі бар жақсы қасиеттерді ұялата алады. Мен, оқушының сіз мейрімдісіз деген сөзінен қуаттанып, мен үшін шырақ оның жалыны-менің сүйіспеншілікпен берген рухани білімім деп түсінемін. Мұғалім тек оқушыларды үйретіп қоймай , өзі де көп нәрсені үйренеді. Балалар мұғалімге төзімді, қайырымды болуды, өзін де өзгелерді де түсіне  білуді үйретеді. Бұл мұғалім үшін қаншалықты маңызды екенін жеткізу қиын. Балаларды оқыту және өз жемісін көру — мұғалімнің жұмыс бақытының жартысы ғана, ал балаларды оқыту және өзін оқыту, кез-келген сұрақтың жауабын табу, үнемі ізденісте болу, өз жұмысының жаңа қырларын ашу — бұл мұғалім жұмысының нағыз бақыты деп айтуға болады.

Екіншіден, менің ойымша мұғалімге қосымша ізденіс, зерттеу жұмыстарын ұйымдастыру керек.Әрбір баланың бойына сүйіспеншілікпен білім нәрі мен тәрбие беру арқылы біз саналы ұрпақ тәрбиелейміз. Себебі, баланың шырағын жағу үшін қосымша ізденіс, зерттеу жұмыстарын ұйымдастыруда көп ізденемін. Балалардың әрқайсысының бойында өзіне тән ерекшеліктері болады. Мысалы : бір бала дөрекі, біреуі ұялшақ біреуі тұйық, енді біреуі шектен тыс көп сөйлетін. Жақсы мұғалім — ол кез-келген баланың қабілетінің кілтін таба біледі. Бала- шырақ секілді. Мұғалім сол шырақты жағушы. Ұстаз болу ең қиын да жауапкершілігі көп жұмыс. Соған қарамастан балаларға жақсы білім мен тәрбие беруге тырысамын. Оның жанында кеудесінде жаны бар әппақ таза жүректі балаларға тек ізгілікпен сүйіспеншілікпен, жақсылықты, адамгершілігі мол жас ұрпақты тәрбиелеу өз қолымызда деп түсінемін. 

Сөзімді қорытындылай келе, мұғалім адамзат баласының өз ұрпағын, оқыту мен тәрбиелеудегі ең тиімді ізденістерін, тәжірибелерін жалғастырып, тың жолдар іздеп, педагогиканың озық үлгілерін жаңашылдықпен дамытып, болашақтың білім нәрін себушісі болуы қажет. Ол үшін мұғалімнің ерен еңбегі мен төзімділігі, сауаттылығы, еңбексүйгіштігі, мықты ұстанымы керек. Сонда ғана болашақ ұстаз оқушының бойына білімнің шырағын жаға алатын, білім нәрін сіңіре алатын түлға бола алады. (358 сөз)

Целиноград ауданы Қараөткел ауылы №1 жалпы орта білім беретін мектебінің қазақ тілі мен әдебиеті пәнінің мұғалімі Аубакиров Сабыржан Тубекбаевич