Оқушының шығармашылық жұмысы

Бақытова Жанель Ақсай қаласының №7 жалпы орта білім беретін мектебінің 9 сынып оқушысы, оқу екпіндісі. Батыс Қазақстан облысы, Бөрлі ауданында Қызылтал ауылында 2004 жылы 25 қаңтарда дүниеге келген. Әдебиет әлеміне сүйсіне бойлап, рухани азыққа осы әдебиет арқылы сусындап, өз мақсаты мен өмірлік арманына қол жеткізуді көздейтін бұрымдылардың бірі. Ақұштап Бақтыгереева, Фариза Оңғарсынова, Шолпан Қыдырниязова сынды ақын өлеңдерінен нәр алып, болмыстарын пір тұтып келеді.

Ұстазға мың алғыс

Білімімен сусындатқан шәкіртін

Ешқашан да аямаған уақытын

Бас иеміз,барша мұғалім жұртына

Ұстаздықтан таба білген бақытын.

Мектебінің қамын ойлап кеш қайтып,

Ерте тұрып,сабағынан қалмайтын

Өз өмірін кейін қойып, алдымен

Бар білімін шәкіртіне арнайтын.

Өмір бойы оқу оқып, жетіліп,

Шеберлігін ,шабытын да шыңдайтын

Мектебімен қоштасар кей сәтінде

Тентегін де, қиқарын да қимайтын.

Ақсай қаласы,№7 ЖОББМ

9-сынып оқушысы Бақытова Жанель