Оқытуда сын тұрғысынан ойлаудың маңызы

КОУЧИНГ-СЕССИЯ ЖОСПАРЫ

Сабақтың тақырыбы: Оқытуда сын тұрғысынан ойлаудың маңызы

Өткізілетін уақыт : 60 минут

Сабақтың мақсаты: Берілген уақыт ішінде мұғалімдерге сын тұрғысынан ойлануға қолдау көрсету, оқытуда сын тұрғысынан ойлаудың маңызын түсіндіру. Іс-тәжірибеде пайдалануларына ықпал жасау.

Күтілетін нәтижелер: Әр мұғалім сын тұрғысынан ойлау қабілетін жетілдіреді, оқытуда сын тұрғысынан ойлаудың маңызын түсінеді.

Түйінді идеялары: Сын тұрғысынан ойлау - Қазақстандағы білім беруді дамыту үшін маңызды болып табылатын қазіргі ең басты педагогикалық түсінік.

Сын тұрғысынан ойлау, «ойлану туралы ойлау» деп сипатталады.

Ұсынылған ресурстар: Мұғалімге арналған нұсқаулық, үлестірме , презентация «Сын тұрғысынан ойлау»,

1. Психологиялық тренинг «Суретте нені байқадыңыз?» http://youtube.com/watch?v=LFJ1sHn7BQo&ebc=ANyPxKrJZ8YH980Kw1XPLMJM2rjEemnzKZb8wX99vNCxGWCWwFIE1roYXKiKyeIKmfzpD8ZoTqEFwKWhcUmsMqBcmFja752oPg

2. Видеоролик «Киви құсы» https://www.youtube.com/watch?v=NpSZa00-3eM,

3. Жақсылықова К.З. «Тренингтік ойындар мен жаттығулар» әдістемелік құрал,

Қолданылған құралдар: ватман, А3 парағы, АКТ, постерлер, стикерлер, маркер,балауыз.

«Оқытуда сын тұрғысынан ойланудың маңызы» тақырыбындағы коучингтің рефлексивті есебі

Мен, Алматы қаласындағы Өрлеу біліктілікті арттыру орталығында «Мектептегі мұғалім көшбасшылығы бағдарламасы» бойынша білім мен білігімді арттыру мақсатында, курстан өттім. Алған теориялық білімімді тәжірибеде қолдану мақсатында, жұмыс жасап жатқан Н.Өмірзақов атындағы орта мектепке қайта оралдым.

Өзгеру күрделі процесс, оны өзімнің болашаққа «өзгеру» жолына қадам басқан тәжірибеме қарай отырып, сенімді түрде айта аламын. Сондықтан да бастапқыда әріптестерімнің қажеттіліктерін білу мақсатында сауалнама алғанды жөн көрдім. Әріптестерімнің қажеттіліктері бойынша «Оқытуда сын тұрғысынан ойланудың маңызы» тақырыбында коучинг өткіздім.

Коучингтағы мақсатым - оқытуда мұғалімдердің сыни ойлау дағдыларын дамыта отырып, оқытуда маңыздылығын түсіндіру. Мұғалімдерге сын тұрғысынан ойлау- «ойлау туралы ойлану» деген сөзді ұғындыру үшін бағдарламаның жеті модулін пайдаландым.

Ортада жағымды ахуал туғызу мақсатында , шеңбер бойымен тұрғызып. бір-бірінің иығына қолын қойып: «Мен сізді ..... киносындағы .... ұқсатамын!» деп айтқыздым. Мұғалімдер жүрекке жылы тиер бұл ойыннан кейін, бір-бірлерімен тығыз байланыс орнатты. Топқа бөлу мақсатында «Сіз нені таңдайсыз?» психологиялық тест алдым. Тест мұғалімдердің өздері туралы мәлімет беретін болғандықтан, өз мінездері туралы бейнеороликті ыждағаттылықпен тамашалады. Нәтижесінде «Ақжарқын», «Байқампаз», «Шығармашыл» атты үш топқа бөлінді. Топ ережесін жасап, топ басшысын сайлап алдық. Бір-бірінің сөзін тыңдап, бір ережеге бағынған ұстаздар бір сіт оқушылар кейпіне енді. Осы тұста бірлескен оқытудың басты талабы орындалғанын байқау қиын емес еді.

Тақырыпты ашу мақсатында «Киви» бейнеролигін көрсетіп, сыни ойлауға итермеледім.

Бейнеролик бойынша мынадай сұрақтар қойдым:

1.Бейнеролик мазмұнынан не байқадыңыздар?

2. Киви құсы арманына қалай жетті?

3.Қалай ойлайсыздар, біз бүгін қандай тақырып төңірегінде сөз қозғамақпыз?

4. Заман талабына сай мұғалім қандай болуы керек деп ойлайсыздар?

Тақырып ашылып, қатысушылармен теориялық біліміммен бөлістім.

Жеке жұмыс жасату барысында «Балауыз шам...» тақырыбында эссе жазғыздым. Балауыз шам туралы эсседе жас ерекшелігіне байланысты әр мұғалімнің ойы әр түрлі өрбіді.

Эссе жазғызудағы мақсатым : сын тұрғысынан ойлау қабілеттерін дамыту, айтылым мен қатар жазылым мәдениетін дамыту.

Топпен бірлестіріп жұмыс жасауда әр топқа суретке қарап, рөльдік ойын көрсету тапсырылды. Бұл тапсырмаға мұғалімдерлің қызығушылығы арта

Әр топ «Жүрегімнен шыққан сөз...» әдісі арқылы жүрек пішінді

шарларды сыйға тартып, бір-бірін бағалады. Бұл жердегі мақсатым: топ аралық бағалауды іске асыру болды.

Кері байланыс ретінде 5 саусақ әдісін алдым.

Бұл жерде қиындық тудырған мәселе кері байланыс жасау кезінде болды. Тек бір екі ауыз сөзбен ойын білдіретін әріптестерім, өз ойларын жеткізуде біршама қиналды. Әр саусаққа жазылған түйіндемелерді ашып айтуда шатасып, ойларын анық жеткізе алмай жатты. «Дұрыс ойлау - дұрыс сөйлей білу дағдысын қалыптастыратынына» мұғалімдердің көзін жеткізуде өздерінің осы олқылықтары арқылы ұғындыруым ұтымды шықты.

Осы коучингтер өткізу барысында сәтті және сәтсіз тұстарым болды.

Сәтті тұсым: Әріптестерімді қызықтыра тыңдата алғаным және сын тұрғысынан ойлаудың не екендігін олардың өз бойларынан өткізе отырып сөйлете алғаным болды. Коучингтен кейін олардың көзқарастары өзгеріп, өз жұмыстарына деген құлшыныстары артты.

Сәтсіз тұсым: Коучингке шақырылған әріптестерім өз уақытында келмей, кешігіп келді. Рөлдік ойын кезінде бір топта мұғалімдерде дағдының болмауына байланысты ойларын толық айта алмады.