Өшпейтін жарық жұлдыз жарқыраған...

Өшпейтін жарық жұлдыз жарқыраған...

Марал Хасен 1945 жылы қаңтарда Қарағанды облысы, Жаңарқа ауданы, №5 Атасу ауылында дүниеге келген. 1961 жылы сол ауданның орталығындағы Ленин атындағы орта мектепті алтын медальмен бітірген. Еңбек жолын сондағы тұтынушылар қоғамының қоймасында жүкші болып бастаған. 1963 жылғы 8 ақпанда аудандық екі тілде шығатын «Жаңа Арқа» «Новая степь» газеттерінде аудармашы, ұзақ жылдар жауапты хатшы болған. 1974 жылы Жезқазған облыстық «Жезқазған туы» газетінде жауапты хатшының орынбасары болып қызмет еткен. Ақадыр ауданындағы газеттердің алғаш ашушысы- ұйымдастырушысы болып, онда табан аумай он төрт жыл редакторлық қызмет атқарған.

Кейінгі жиырма жылдан бері Қарағандыда тұрады- онда «Орталық Қазақстан » газетінде, өзге де ақпарат құралдарында істеді, Қарағанды облыстық партия комитетіндегі үгіт-насихат бөлімінде баспасөз секторын басқарды.

Журналистік жолы қырық бес жылды қамтиды. Марал Хасен журналистиканың барлық жанрларын дерлік игерген, публицист, саяси шолушы. Кейінгі жылдары тек көркем уадармамен айналысады. «Азия Транзит» альманағында «Әлем әдебиеті» деген айдар ашып, қазақ оқырмандарын жер жүзіндегі мәшһүр қаламгерлердің әйгілі туындыларымен таныстырды. Кейінгі жылдары кезде Республикалық « Аударма» баспасының және «Әлем әдебиеті» мен «Литературный Казахстан» журналдарының белді аудармашысы болған. Қызмет істеген жылдары еңбегі еленіп, марапаттарға бөленіп жүрді.

Нобел сыйлығының лауреаттары: жинақ Светлана Алексиевич Элис Манро 2-кітап 2017жыл.Тәржімелегендер:Марал Хасен, Смайылова Рымбала Кенжебаевна.

Нобел сыйлығының лауреаттарына арналған бұл жинақ, аудармашы публицист Марал Хасеннің осы айдармен 2015 жылы жарық көрген бірінші кітабының жалғасы.Үш шығарма топтастырылған жинақ.

2015жылы Нобель сыйлығы –тұңғыш рет журналиске берілді. Бұл нобелиат орыс тілінде жазатын белорус дерекші-журналисі Светлана Алексиевич. Кәсіби тұрғыда Марал Хасеннің әріптесі С.Алексиевичтің «Соғыстың сұрқы әйелге жат» деген еңбегінің аудармасы нобелиаттарға арналған жинақтың II-кітабын бастап тұр.Бұл шығармада келтірілген деректер кезінде Кеңес Одағы деп аталған алып мемлекеттің әр отбасын шарпыған сұрқия соғыс отының қайғылы сюжетін тәржімашыға бейтарап отырып аударып шығуға мүмкін болмады. Енді ол қазақ оқырмандарын да бей-жай қалдырмасы анық.

Соғыс тақырыбының жантүршігерлік оқиғалары С.Алексиевичтің келесі шығармасы –«Мырышқа айналған қыршындар».Бұл кезеңдегі солақай саясаттың зардабынан жасөспірім бейкүнә қаншама жігіттер мен қыздарды жалмап кеткен соғыс туралы психологиялық жанрдағы шығарма.

2013 жылы 82 жасында нобелиат атағын алған Элс Мунроның «Шат-шадымын» көлеңкелердің биі» деген әңгімесі «Қыздар мен әйелдер» деген романның бір тарауы.Ол роман кейіннен жазушыға айналған кейіпкер туралы жинақ.Канада генерал-губернаторының сыйлығын да иемденген еді.

1963 жылдың 8 ақпанда «Жаңаарқа» , «Новая степь» аудандық газеттеріне корректор болып журналистік еңбек жолын бастаған Марал Хасен, өзінің ғұмыры аяқталған 2016 жылдың тамызына дейін қолынан қаламы түспеген қаламгер. Ал оған дейін мектеп қабырғасында жүріп-ақ , республикалық «Білім жә