"Отаным" өлеңі

Отаным

Кең жазира Отанымның даласы.
Көз тоймайды қандай әсем қарашы.
Саф ауасын, мөлдір суын, орманын,
Қадірлейді әр қазақтың баласы.

Талай ақын жырға қосқан өзіңді.
Тау мен тасың, өзен, көлің, беліңді.
Атыраудан созылған Алтайына,
Ұлан-ғайыр әсем дархан жеріңді.

Мен өзіңе ақтарып жыр арнадым.
Себебі не, бұны біле алмадым?
Сағынышты басу үшін кей-кезде,
Қалам алып жыр жазуды тандадым.

Отан деген қымбат әр бір балаға.
Сол Отанды бақытым деп бағала.
Оны сүю отбасынан басталар,
Ұғынып өс осы сөзді санаға.

Отан деген оттан ыстық мен үшін.
Қорғапп өтем келгенімше өз күшім.
Табиғатың қорғап өтем мәңгілік,
Мәпелеймін таумен тасың, әр құсын.

Жер жаһанның кереметін кезсең де.
Өзге елге қоңыс теуіп көшсеңде.
Ұрпағыңа өз Отаның ұлықтат,
Отаным деп соқсын жүрек өскенде

Маратқызы Ақниет Қостанай облысы, Меңдіқара ауданы Ғ.Жұмабаев атындағы «Боровской мектеп-гимназиясының» 7 сынып оқушысы
Халықаралық «Алаш үміті» байқауының күміс жүлде иегері