Ғаббас Жұмабаев атындағы Боровской орта мектебі

Тақырыбы : «Ою түрлері»

Сынып: 1 «А»

Пәні : бейнелеу өнері.

Мұғалім: Абилова А.А.

2013-2014 жыл.

Сабақтың тақырыбы: Ою түрлері

Сабақтың мақсаты:

Білімділік: Оқушыларды ою-өрнек түрлерімен таныстыру.Ою-

өрнекті трафарет арқылы салу және қағаздан ою ойып,

қолды жаттықтырып, оқушылардың шеберлігін ұштау.

Дамытушылық: Оқушылардың есте сақтау, жылдамдық, шапшан-

дық, көрегендік қасиеттерін дамыту.

Тәрбиелік: Эстетикалық тәрбие беру, ұйымшылдыққа, еңбексүйгіш

тікке тәрбиелеу. Жұмыс үстінде ұқыптылыққа, өзінің

және өзгенің уақытын бағалауға үйрету.

Сабақтың түрі: жаңа сабақ

Сабақтың әдісі: сұрақ-жауап, сайыс, ойын.

Пәнаралық байланыс: әдебиеттік оқу, дүниетану.

Сабаққа пайдаланатынқұрал-жабдықтар:

Мұғалім үшін: ұлттық ою-өрнекпен безендірілген әр түрлі пішім-

дегі бұйымдар,трафарет, фотосуреттер, слайдтар,

интериактивті тақта.

Оқушыға үшін: қалың қағаз,қайшы,өшіргіш,бояу түрлері,су құятын ыдыс,қылқалам,палитра,губка(сорғыш), «Қошқармүйіз» оюының үлгісі.

Сабақтың барысы:

1.Ұйымдастыру. Сабаққа қажетті құралдардың әзірлігін тексеру.Қауіпсіздік ережелерін еске түсіру.Оқушыларды үш топқа бөліп отырғызу. Топтардың аттары:1-ші – «Алғырлар», 2-ші – «Сұңқар», 3-ші – «Достар» тобы. Әр топ өз топ басшыларын сайлап алады.

2.Өткен тақырыпқа шолу.Топтарға сыртана ою жапсырылған 4 конверттен үлестіріледі(3мин дайындалады).Конвертте өткен сабақтар бойынша сұрақтар жазылған.Әр дұрыс жауапқа жұлдызша беріледі.(Дұрыс жауаптар слайдтан шығып отырады.)

«Алғырлар» тобына қойылатын сұрақтар:1.Бейнелеу өнеріне қандай құрал-жабдықтар қажет?2.Бояу түрлерін ата.3.Акварель бояуы дегеніміз не? 4.Графика дегеніміз не?

«Сұңқар» тобына қойылатын сұрақтар:1.Негізгі түстерді ата.2.Ахроматикалық түстерді ата.3.Жылы және суық түстерді ата. 4.Хроматикалық түстер дегеніміз не?

«Достар» тобына қойылатын сұрақтар:1.Композиция дегеніміз не?2.Пейзаж дегеніміз не ?3.Натюрморт дегеніміз не?4.Қазақтың атақты суретшісі кім?

3.Жаңа тақырыпты меңгеруге дайындық.

--Ал енді,балалар,конверттің сыртына назар аударайық,не бейнеленген?(ою түрлері) Ендеше бүгінгі біздің тақырыбымыз «Ою түрлері» деп аталады.(Тақырыбы мен мақсаты слайдтан оқылады)

-Балалар, сендер оюларды қайдан көрдіңдер?(Балалар алдын-ала оюланған заттардан ұйымдастырылған көрмедегі заттарды атап шығады) Оюлар бір-біріне ұқсай ма?(Жоқ) Ендеше, оюдың түрлері де, атаулары да өте көп.(Слайдтан тұрмыста қолданылатын заттар көрсетіледі.)

Біздің Қазақстанның алғашқы да атақты суретшіміз Әбілхан

Қастеев «Өнерді қайдан үйрендің?» - деген сауалға:

Таудың бұлағынан,

Қойдың құлағынан,

Апамның киізінен,

Ешкінің мүйізінен, - деп жауап берген болатын.

(слайдтан көрсетіледі) Ою түрлері 4 топқа бөлінеді:

З ооморфтық Өсімдік өрнектері Космогониялық Геометриялық

Жануар тектес аспан денелері

-Ал,енді әр топ қолдарындағы коверттің сыртындағы ою түрлерінің қайсысы қай топқа жататынын дұрыс тапса,әр дұрыс жауапқа бір жұлдызшадан беріледі.

4.Жаңа тақырыпты меңгерту.(Слайдтан көрсетіледі)

Ырғақ-ою элеметтерінің белгілі бір ретпен нақты қашықтықта қайталануы.

Шаршыдағы ою Шеңбердегі ою Жолақтағы ою

Трафарет-бұл салынатын суреттің қағаздан ойылған үлгісі.

5.Оқушылардың өзіндік жұмыстары:

1-тапсырма:«Қошқармүйіз»оюының дөңгелек,ромб,шаршы тәріздес пішіндерге ойылған трафареттер оқушыларға үлестіріледі.Трафаретті таза қағаз бетіне қойып,ойылған жеріне губкамен бояуды бастырған кезде ,шетіне бояуды шығарып жібермеу қажет.

2-тапсырма:Алдарына берілген заттарды ою-өрнекпен әшекейлеулері керек. Екі бүктелген қағаздан оюдың үлгісін ойып алып,заттың бетіне қойып,айналдыра қарындашпен сызып алып,бір түспен бояу.

1 топқа – тақия

2 топқа – табақ (папье-маше)

3 топқа – кесе (папье-маше)

5. Қорытынды: Жұмыстарын аяқтағаннан кейін әр топтан бір оқушы шығып жұмысын қорғайды. Қорғағаннан кейін жұмыстары бағаланып, сабақ бекітіледі.