Қоғам өзгеріп жатыр. Уақыт ағысы тоқтаусыз. Технология дамып, ақпарат легі көбейген сайын адам өзін жоғалтып алу қаупіне жиі ұрынады. Қазіргі заманның жастары бір жағынан жаһандық өркениетпен байланыста болса, екінші жағынан өз болмысын сақтау үшін күресуде. Осы сәтте басты сұрақ туындайды: қалайша мен өзімді жоғалтпай, заманмен бірге дамимын?

Бүгінгі күн – бейімделу мен таңдаудың уақыты. Жаңа дүниелерді қабылдай отырып, ұлттық тамырымыздан ажырамау — үлкен жауапкершілік. Өзінің кім екенін ұмытқан адам қай бағытта жүру керегін де білмейді. Сондықтан рухани негізі мықты адам ғана заманды да, қоғамды да дұрыс түсінеді.

Қазақтың болмысы — сабыр мен ардың, намыс пен сананың көрінісі. Бізге берілген рухани байлық тек тарихтың мұрасы емес, ол — қазіргі күні де бағыт беретін шамшырақ. Өзіңді табу дегеніміз — тек ішкі жан дүниеңді түсіну емес, ата-бабаң қалдырған жолды тану, соны заманауи тілмен жалғау. Бұл — өзін жоғалтпай, заманды табудың бірден-бір жолы.

Мен өзіме мынадай сұрақты жиі қоямын: мен кіммін? Бұл сұрақ – қарапайым емес. Бірақ оны қою арқылы мен өзімді шынымен тани бастадым. Өз ойың, өз пікірің, өз ұстанымың болу — қазір науқан емес, қажеттілік. Себебі айнала — әсерге толы. Көптің арасында жоғалып кетпеу үшін өзегің мықты болуы шарт. Сол өзек — сенің ұлттық болмысың, сенімің, ұстанымың.

Заманға сай болу — киім кию, тренд білу, ағылшын білу ғана емес. Заманға сай болу — өзіңнің кім екеніңді ұмытпай, жаңа дүниені сүзгіден өткізе білу. Біз өзімізді жоғалтпай, заманнан да қалыс қалмай алға жылжуымыз керек. Бұл – тек менің емес, барша қазақ жастарының миссиясы.

Уақыт өзгерсе де, адамдық өзгермеуі керек. Менің мақсатым — өзгерген әлемде өзімді жоғалтпау, рухани өзегімді сақтау. Себебі адам өзінің кім екенін ұмытқанда ғана, ол шын мәнінде адасады. Ал өз жолын тапқан адам – қандай заманда да биіктен көрінеді.