Өзіңді-өзің бағалау

Өзіңді дұрыс бағалау

Қазіргі заман – ақпараттық заман. Әр адамның әлеуметтік желілерге қолы жетімді. Бұл әрине жақсы, әлемде болып жатырған жаңалықтардан хабардар болу мен ақпарат алмасу үшін пайдасы зор. Осынша көп ақпарат ішінде өзгелердің қол жеткізгендері де көрініс табады. Бұл жақсы көрінуі мүмкін, өзгенің нәтижеге жеткені мотивация рөлін сомдайтын сынды. Алайда бұл көп жағдайда оқырманның өзін өзі бағалауын түсіреді. Ғаламторда 18 жасында алғашқы миллионын тапқандар, зәулім үй алғандар, жылдам әрі қымбат темір тұлпар иелері көп. Осы ақпараттарды тұтынушыда «Мен неге осы адамдар секілді ешқандай нәтижеге жетпедім? Менің қай жерім кем сонда?» - деген сұрақтар туындауы заңдылық. Бұл адамның өзіне өзі сенімсізділігіне алып келеді. Әлбетті бұл жол берілмеуі керек жағдай. Әр адам жеке тұлға, оның жетістікке жетуі өз қолында. Шындығына анық қарасақ, желілердегі миллионер табыскерлердің белгілі бөлігі дұрыс емес нәрсемен айналысып болса, кейбірінің шынымен жолы болған. Көпке топырақ шашқаным емес, өзге адамның өз табысына жету жолындағы іс-әрекеті өз мойнында, одан бөлек дұрыс жолмен, адал еңбекпен табыс тапқандарда жетерлік. Айтқым келгені, қандай жағдай болмасын, адам өзіне өзі сенуі қажет, бағалауы қажет. Өзінің құндылығын өзі көрмейтін адамның бойындағы ерекшелігін өзге де байқағысы келмейді. Сондықтан табысқа жетемін десеңіз, өзгелер менің бағамды білсе десеңіз, ең алдымен өзіңізді өзіңіз бағалап үйреніңіз. Сіздің жетер табысыңыз бүгін ертең келмеуі мүмкін, алайда сіз шын еңбектеніп, жұмыс істесеңіз, ертелі кеш нәпақаңыз келеді.