Өзіңді тану -өмірді тану

Сабақтыңмақсаты:«Өзін – өзі тану» пәнінен үйренгендерін жинақтап, қорыту.

Міндеттері:

- «Өзін – өзі тану» пәнінен меңгерген білімдерін тиянақтау;

- өз бойларындағы құнды қасиеттерді көрсете білуге жетелеу;

- достық көмекке, ұжымда жұмыс істей алуға тәрбиелеу.

Сабақбарысы:

Ұйымдастырукезеңi.

Тыныштық сәтi.

Нұрға бөлену

Ыңғайланып отырыңыздар! Денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін. Елестетіп көріңіз: күн нұры сіздің төбеңізден өтіп кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойңызды, әр сезіміңізді, эмоцияңыз бен тілек қалауыңызды шайып, жүрегіңіздің хауызын ашты. Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп сәуле шашуда. Қолыңыз тек жақсы ізгі істер істейді және баршаға көмектеседі. Нұр аяқтарыңызға тарады, аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте бірте қарқын және шұғыланы бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын. Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... ғаламның барлық түкпір-түкпіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен нұрмын ».

Осындай Нұр, Махаббат және Тыныштық күйінде отыра тұрыңыз... енді осы нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жәймен көзіңізді ашуға болады.

Рахмет!

Ресурстар:

Үй тапсырмасы.

Өткен тақырыптар бойынша сурет салып келу.

1. Өткен сабақтарда не өтілді?

2. Өзін – өзі тануда қандай құндылықтармен таныстық?

Сабақ барысын талқылау:

Әңгiмелеу (сұхбат).

Н. Абрамцева ізімен «Қолшатыр» әңгімесі.

1. Қолшатыр мен мысық неліктен ойланып қалды?

2. Олар бір – бірін ұға ма?

3. Олардың бір – бірін түсінуі үшін қандай кеңес берер едіңдер?

Дәйек сөз.

Үйренгенің өзіңе жақсы,

Жасағаның елге жақсы.

Халық даналығы.

Шығармашылық жұмыс, топтық жұмыс.

Жазғы демалысты қалай өткізетіндері туралы айтқызу.

Топпен ән айту

Әрқашан күн сөнбесін

Сөзін жазған: Л. Ошанин

Әнін жазған: А. Островский

Күн әдемі, көк әлемі,

Бұл – суреті жас баланың.

Ақ қағазға салған ізі,

Қалдырған бұл сөзі:

Қайырмасы:

Әрқашан күн сөнбесін!

Аспаннан бұлт төнбесін!

Қасымда болсын мамам,

Болайын менде аман.

Үй тапсырмасы.

Өткен тақырыптар бойынша сурет салып келу.

Бағалау

Оқушыларға рахмет айта отырып,сабақ барысында алған жүрекшелерін есептей келе бағалау.