пай-пай, қыздар-ай!

14.12.18

Сабақтың тақырыбы: Пай-пай, қыздар-ай!

Сабақтың мақсаты: ұстаздар мен қыздарға құрмет көрсету, қазақ қыздарына тән адамгершілік пен эстетикалық рухта тәрбие бере отырып, қазақ тілін дамыту, тілге құрметпен қарауға үйрету. Қазақ тіліне тән дыбыстардың айтылу интонациясына көңіл бөлу.

Көрнекілігі: интерактивті тақта, музыка. карточкалар

Жүргізуші:

Құрметті жиналған қауым!

Біздің мектепте дүбірлі той,

Ден қойып тыңдаңыздар, көңілді ғой.

Жырдан шашу шашылсын, күй күмбірлеп,

Қош келдіңіздер, халайық, сергісін бой

«Іске сәт» дей келе байқауға қатысатын аруларымызды ортаға шақырайық.

1. Бекмачева Екатерина

2. Бисенбаева Зарина

3. Загребина Алла

4. Рогова Лилиана

5. Дмитриева Александра

Сайыста бақ сыналар, бап сыналар,

Бас жүлдені өнерлі, тапқыр алар.

Кім өнерлі, кім тапқыр, шешу қиын,

Қазылар алқасы болмаса сынға алар.

Сайысымыздың әділ бағасын беретін қазылар алқасымен таныстырып өтейін.

1. Мектеп директоры: Бактығалиева Аймекен Бактыгалиевна

2. қазақ тілі мен әдебиеті пәні мұғалімі: Габдешова Галия Наримановна

3. 9 сынып оқушысы: Чернухина Милана

Ендігі кезекте сайысымыз 4 бөлімнен тұрады.

1. Өзін-өзі таныстыру

2. Мақал сөздің мәйегі

3. Өз өнерін көрсету

4. Қазақтың ұлттық тағамдары

Қыз сыны, қыз әдебі,

Тал бойы жарасқан, күлкі әдемі.

Сайысқа келген қыздарымыз кезектесіп,

Таныстырып өздерін өтсе дейміз.

Өзін-өзі таныстыру

Қыз емес қыздың аты-қызыл алтын,

Көрінер туған айдай жүзі жарқын.

Үлкеннің алдын орап сөз сөйлемес,

Халықтың сақтай білген ата салтын

Келесі, «Мақал сөздің мәйегі» бөлімін тамашалайық. Алдарыңызға карточка беріледі. Сол карточканы суырып алып мақал-мәтелдің жалғасын жалғастырамыз.

Ал кімнің өнері бар қаншалықты,

Би билеп, ал біреуі ән салыпты.

Бүгінгі сайыста бәйге алуға

Қыздарымыз аянбай-ақ жан салыпты ,–дей келе келесі бөлімімізді тамашалайық.

Өз өнерін көрсету.

Ей, халайық, халайық,

Бар өнерге салайық.

Ас ұсынып, бас тартқан

Жайылып тұр дастарқан.

Дастарқан-ау, дастарқан,

Берекелі дастарқан,

Мерекелі дастарқан– келесі соңғы бөліміміз «қазақтың ұлттық тағамдары» оқушы өзінің дайындаған тағамын неден жасалғандығы, қалай жасалғандығы туралы түсіндіріп кетуі тиіс.

Жеткізбес шегі айтылар саған тілектің,

Сен жүрген жерге келеді менің гүл еккім.

Үйдің де сәні, түздің де сәні өзіңсің,

Сен тіпті үлкен әлемге мынау тірексің.

Ән:

Қазылар алқасы сөз сөйлейді. (Марапаттау кезеңі)

Назарларыңызға көп рахмет!