Педагогтердің ғылыми-əдістемелік құзіреттілігін арттыру»

КІРІСПЕ Қазіргі таңда қоғам назарын білім беру саласына, əсіресе мұғалімнің кəсіби рөліне аударып отыр. «Педагог мəртебесі туралы» заңның қабылдануы мұғалімнің қызметін жүзеге асыруға қолайлы жағдай жасап, оған ерекше құқықтық мəртебе берді. Аталған заң аясында педагогке «шығармашылық бастамаға, авторлық бағдарламалар мен оқыту мен тəрбиелеу əдістерін əзірлеуге жəне қолдануға, білім берудің тиісті деңгейінің мемлекеттік жалпыға міндетті стандартының талаптары сақталған жағдайда оқыту мен тəрбиелеудің жаңа, неғұрлым жетілдірілген əдістерін дамытуға жəне таратуға» заңды түрде мүмкіндік берілген [1]. Сонымен қатар, «педагог-шебер» жəне «педагог-зерттеуші» біліктілік санатына үміткер мұғалімдерден білім беру ұйымында жүзеге асырылатын озық педагогикалық тəжірибелер мен əдістемелік əзірлемелерді енгізу талап етіледі. Олар сондай-ақ Ы. Алтынсарин атындағы Ұлттық білім академиясы жанындағы Республикалық оқу- əдістемелік кеңес бекіткен бағдарламаларды əзірлеуге қатысады немесе білім беру салас