Бөлім:

Атыс дайындығы

Педагогтің аты-жөні:

Абдикешов Д.А.

Күні:

Сынып: 10

Қатысушылар саны:

Қатыспағандар саны:

Сабақтың тақырыбы

Пневматикалық мылтықтан ату

Оқу бағдарламасына сәйкес оқыту мақсаттары

1. Пневматикалық мылтықтан ату жаттығулары

Сабақтың мақсаты

Барлық оқушылар:

Пневматикалық қаруды қолдану кезіндегі қауіпсіздік шараларын, пневматикалық қарудан ату тәсілдерін біледі

Оқушылардың басым бөлігі:

Пневматикалық қарудан ату тәсілдерін дұрыс орындайды.

Кейбір оқушылар:

Нысанаға дәл тигізе алады

Құндылықтарға баулу

Қазақстанның қауіпсіздігін қамтамасыз етуге дайын болу

Сабақтың кезеңі/ уақыт

Педагогтің әрекеті

Оқушының әрекеті

Бағалау

Ресур-р

Басы

3'

Амандасу, түгелдеу, оқушылардың сырт көріністерін, құрал-жабдықтардың дұрыс сәйкестігін тексеру.

Взвод командирінің орынбасары оқушыларды сапқа тұрғызады, оқытушыға сабаққа дайындығы жөнінде баяндама жасайды.

Ортасы

5'

Білу

Пневматикалық қаруды қолдану кезіндегі қауіпсіздік шаралары туралы оқушыларға түсіндіремін, оларды қатаң түрде ұстану қажет екенін жеткіземін.

- Пневматикалық қаруды әрдайым сақтықпен пайдаланыңдар.

- Қаруды ату қажет болмаған затқа, әсіресе адамға бағыттамаңдар!

- Қаруды ұңғысын жаттығу нысанасы жаққа бағытталған жағдайда, ал алып жүргенде ұңғысын төмен немесе жоғары қаратып ұстау қажет.

- Ешқашан, тіпті қару оқталмаған болса да, саусақты ағытқыш құйрықшада ұстап тұрмау қажет. Бұл тек жаттығу нысанасын көздегеннен кейін орындалады. Осыған дейін оны сақтандырғыш тоғынында ұстау қажет.

- Қаруды тек атыс шебінде ғана оқтау және соққылық жағдайға келтіру керек.

- Атыс жүргізіліп жатқан аумақты, әсіресе оптикалық көздеуішті пайдаланғанда, бақылаңдар. Топ болып атыс жүргізгенде, топ мүшелерінің ату шебі аумағына (немесе ұшқан оқтың жолына перпендикуляр болатын ұңғы ауызының сызығы) кіріп кетуінен абай болыңдар.

- Бір-біріңе оқталған немесе соққылық жағдайға келтірілген қаруды бермеңдер.

- Оқталған немесе соққылық жағдайға келтірілген қаруды қараусыз қалдырып кетпеңдер.

- Қаруды қараусыз қалдыруға тыйым салынады.

- Егер жаттығу нысанасы аймағында адамдар жүрген болса, қаруға тиіспеңдер (қару оқталмаған болса да).

- Егер атыс жаттығуы жүріп жатпаса (атыс алаңында орын ауыстырғанда) қаруды бүктелген (бекітпесі ашылған) жағдайда, бірақ оқталмаған және соққылық жағдайға келтірілмеген күйде алып жүру қажет.

- Атыс алдында қарудың техникалық күйін, бұрандаларының жақсы бекітілгенін тексеріңдер.

- Оқталған немесе соққылық жағдайға келтірілген қаруды бөлшектемеңдер.

- Қарудың жұмысқа жарамдылығын тексеру, баптау және жөндеу арнайы бөлінген орындарда, қауіпсіздік шараларын ұстана отырып орындалады.

- Пневматикалық қаруды қолдану кезіндегі қауіпсіздік шараларын айтып береді.

Қ/Б

АӘТД оқулығы

3'

Түсіну

Пневматикалық мылтықты оқтап, соққылық жағдайға келтіргенде, жеңіл әрекет ету қажет, оны сілкуге, жұлқып ашуға және тарс жабуға болмайды.

Сұқ саусақты ағытқыш құйрықшасына перпендикуляр қояды. Тек ортаңғы саусақ мылтықтың сабын қармап ұстайды. Басбармақ, төртінші және кіші саусақ мылтық сабында тұрады.

Талқылайды, түсінуге тырысады.

- Пневматикалық қарудан ату тәсілдерін анықтайды.

Қ/Б

АӘТД оқулығы

24'

Қолдану

Тізеге тіреп ату үшін

- оң аяқтың астына төсеме (жастықша) қойып, тізерлеп, ату жазықтығына 50-60 градус қиғаштап, өкшеге отыру;

- оң табанның ұшын жерге тіреу;

- сол аяқты тізеде бүгіп, ату жазықтығында, барынша тік болатындай етіп қою;

- сол шынтақпен сол аяқ тізесіне сүйену;

- оң қолымен мылтық дүмі мойыншасынан ұстап, шынтақты бос төмен түсіру;

- сол қолды, иықты, арқаны еркін ұстау;

- терең тыныс алу;

- жартылай дем шығарып, демді ұстау;

- ағытқыш құйрықшасына қатты қысу (шамамен екі есе);

- көздеу (6 секундтан артық емес);

- ату;

- оқтың тиюін қадағалау;

- дем шығару керек.

Пневматикалық қарудан атуға жаттығу

Тәжірибелік көрсетілім. Тәжірибелік көрсетілімнен кейін кемшіліктерді көрсете және жоя отырып, әр оқушының техниканы қайталауын талап етемін, оқушылар қайталап жасайды.

Пневматикалық қарудан атуға жаттығады.

Қ/Б

АӘТД оқулығы

3'

Жинақтау

- Пневматикалық қаруды қолданғандағы қауіпсіздік шараларын атаңдар.

- Тегіс қарауыл деген не және оның көздеу кезіндегі рөлі қандай?

- Көздеу және шүріппені басу кезіндегі орын алатын қателіктерді атаңдар?

- Тұрып, тізерлеп атқандағы әрекеттер тәртібін көрсетіңдер.

Сұрақтарға жауап беру арқылы диалогқа түседі.

Қ/Б

Аяқталуы

2'

Кері байланыс

Әрбір оқушының және жалпы взводтың іс-әрекетіне талдау жасау. Сабақтың мақсатына жетуін анықтау.

Үйге тапсырма беру §4

Бөлімше командирлері жақсы жұмыс жасаған жас сарбаздар мен бөлімшелерді атап өтеді.