Мұғалім мамандық па, әлде өмірлік ұстаным ба?

«Мұғалім – бұл мамандық па, әлде өмірлік ұстаным ма?» деген сұрақ қоғамдағы осы маңызды рөлдің мәні туралы ой әр түрлі. Бұл мәселеге қатысты пікірлер әртүрлі болуы мүмкін, бірақ жалпы айтқанда, мұғалімдік бір-бірімен байланысты және бірін-бірі толықтыратын әрі мамандық, әрі өмірлік ұстаным деп айта аламыз.

Біріншіден, ұстаздық – мамандық. Ол үшін арнайы білім, кәсіби дағдылар мен құзыреттілік қажет. Мұғалім өз пәні бойынша терең білімге, оқыту шеберлігіне, әртүрлі деңгейдегі оқушылармен жұмыс жасай білуге, білімді шәкірт санасына жеткізе білуі ​​тиіс. Сондай-ақ үнемі біліктілігін арттырып, білім саласындағы жаңалықтардың көшбасшысы болуы міндетті. Мұғалім өз еңбегінің жемісін алады, ал оның кәсіби қызметі қоғамның экономикалық жүйесінің бір бөлігі болып табылады.

Дегенмен, ұстаздық та өмірлік ұстанам болып табылады,өйткені ол жай ғана жұмыс емес, ұрпақ жанашыры. Мұғалім –өз ісінің кәсіби шеберлігімен және ұстаздық қасиетімен ғана шәкірт жүрегіне жол тартады.Ұстаздың алдынан дана да, ғалым да, ел басқарған басшы да өткен. Ақын- жазушыларымыз да өз ұстаздарың, еңбектеріне тарих етіп қалдырғандығы осы ұлы есімнің мәртебиесінің жоғары екендігінде.Әл -Фараби өз ұстазың кадірлегені соншалықты Аристотельдің үйіне жақындағанда атынан түсіп, жаяу жүреді екен. «Төрден орын ұстаздыкі» дегендей ежелден-ақ ұстазға деген құрмет ерекше болған.Ал мұндай құрмет нағыз ұстазға ғана лайық.

Оның үстіне, оқыту көптеген адамдар үшін шабыттандыратын өмір жолы болуы мүмкін. "Ұстаздың ықпалы – бұл сәулелену, ол өмір бойы жалғасады",- – Александр Грей айтқандай мұғалім тек пән білім беруші ғана емес, өмірлік құндылықтар мен дағдыларды үйрететін тәлімгер бола алады. Ол шәкірттерін алға қойған мақсаттарына жетіп, армандарын асқақтатуға шабыттандырады, олардың дарындылықтары мен мүмкіндіктерін ашуға көмектесе алады және олардың өзіне деген сенімділігін қалыптастарады.

Демек, ұстаздық жай ғана кәсіп емес. Бұл- кәсіби жауапкершілікті басқалардың өміріне әсер ету миссиясымен біріктіретін өмірлік ұстаным. Ұстаз көптің білім бұлағы, тірегі, шабыты бола алады, оның қоғамның болашағын қалыптастырудағы рөлі баға жетпес байлық. Ұстаз – бұл білімнің бұлағы, даналықтың дәнекері болып,құрметті есім болып қала береді.

Бойыңа қуат, жаныңа жігер беріп, өрге сүйрейтін де,  өміріңе өзек болып төрге сүйрейтін де осы - ұстаздық қызметіммен мақтанамын.