Психологтың ғажайып әлемі.

«Психологтың ғажайып әлемі»

Кәсіби білімімнің арқасында айналама көтеріңкі көңіл күй сыйлау, әріптестерімнің жаңаша қырынынан көрінуіне қолдау көрсету, шығармашылық ой-қиялдарына шабыт беру менің күнделікті жақсы көріп айналысатын ісім. Бұл дегенің керемет қой.

Олай дейтінім қазір мен мектепте психолог бола жүріп, әрбір күн сайын, кездесетін қиыншылықтармен, проблемалармен бетпе-бет кездесіп өз білімімді шыңдау, іздену үстіндемін. Адамдардың риза жүздерін көргенде еңбегімнің, жұмысымның жемісі деп білемін.

Мен неге психолог болуды таңдадым? Иа бұның себебі:

Кішкентай кезімде адамдардың көздерінен көрген мұңды, үлгермей жатқан шаруаларын көргенде қалай көмектессем болады деп кішкентай қолдарыммен, жүгіріп жүріп болысып, кішкентай ғана жүрегіммен жылы сөз айтып мұң басқан көздеріне күлкі, жүздеріне қуаныш кіргізуге тырысатынмын. Отбасыма келіп дастархан басында отырғанда жасаған іс-әрекетімнің бұрыс-дұрысын айтып ой бөлісемін, сол сәтте әкемнің айналайын жарайсың деген сөзіне марқайып қалатын едім. Міне осы бойымдаға қасиет мені осы мамандыққа жетеледі. Бұл қандай мамандық? Психолог деген кім? Не істейді? Несімен ғажайып?Әр бала қайталанбас бір ғажайып әлем,сол зерттелмеген таза құпияға терең үңіліп ,баланың ,баланың ерекше қасиеттерін табу психолог мамандығының ерекшелігі .Шыдамдылық ,мейірімділік ,баламан тең жағдайда сырласу ,баланың мүмкіндігіне сену ,әрқашан ықылас қоя тыңдап баланың бойындағы адами қасиеттерді қалыптастыру арқылы білім шыңына жетелеп ,жақсы нәтижеге қол жеткізуге болады.Мыс: мен баланың қатты жасқаншақ екенін анықтасам оған оның ешкімнен кем емес екендігін,жұртпен бірдей екендігін дәлелдеп ,жігерін ұштап ,өзін-өзі тануға қабілетін жетілдіруге бар мүмкіндігімді жұмсаймын.Ал бала өзімшіл ,қызғаншақ болса ,халқымыздың ұлттық тәрбиесі қонақжайлық ,мәрттік жағдайларына қатысты қызықты әңгіме ,жыр, қазақ би шешендерінің айтқандарын баяндау арқылы оның көпшіл болуына жол ашамын.Мен өзімнің толық адамға айналар тұлғаға жол көрсетер жан болғаныма қуанамын.Қазіргі заманда адамның тұтыну құралдарының дамуы артқанымен адам бойындағы асыл қасиеттердің құндылығы азайып келе жатыр.Күн ұзағына пенделік қым –қуат тірлікпен арпалысқан адам бірсәт жабырқау тартқан жанына рухани қуат іздейді .Сол сәтте оның жағдайын түсініп ,көмек қолын созатын адам психолог қана. Психологпен әңгімелесу сананы сілкіндіріп ,тұнық ойлардың тума көздерін ашары бүгінгі күннің дәлелденген шындық .Адамдар мамандықты жүрегінің қалауы бойынша таңдауы керек .Өйткені адамның болашағы таңдаған мамандығына тікелей байланысты .Өз ісін жақсы көріп үлкен жауапкершілікпен атқарғанда ғана өзін бақытты сезінеді екен .Бала жүрегі –кішкене күй сандық.Сол сандықтың кілтін тауып ,әр баланың жүрегіне жол табу ,бала бойындағы дарынды ашу менің мамандығының ерекшелігі деп білемін. Сондықтандан да эссаны мына өлең жолдарымен аяқтағым келеді

Ісім оңсын десеңіз, Сол істің маманы болыңыз. Даңқым шықсын десеңіз Көпшіліктің адамы болыңыз (Әл- Фараби)