Материалдар / ҚАБІЛЕТТІ ОҚУШЫЛАРҒА АРНАЛҒАН ҚАЗАҚ ТІЛІ ПӘНІНЕН ТАПСЫРМАЛАР ТОПТАМАСЫ (4-сынып)

ҚАБІЛЕТТІ ОҚУШЫЛАРҒА АРНАЛҒАН ҚАЗАҚ ТІЛІ ПӘНІНЕН ТАПСЫРМАЛАР ТОПТАМАСЫ (4-сынып)

Материал туралы қысқаша түсінік

Байжуманова Сауле Даутовна

Автор материалды ақылы түрде жариялады. Сатылымнан түскен қаражат авторға автоматты түрде аударылады. Толығырақ

13 Қазан 2022

1516

12 рет жүктелген

Бастауыш сынып Авторлық бағдарлама 4 сынып

770 ₸

Бүгін алсаңыз
+39 бонус беріледі
Бұл не?

Бүгін алсаңыз +39 бонус беріледі Бұл не?

Тегін турнир Мұғалімдер мен Тәрбиешілерге
Дипломдар мен сертификаттарды алып үлгеріңіз!

Бұл бетте материалдың қысқаша нұсқасы ұсынылған. Материалдың толық нұсқасын жүктеп алып, көруге болады

Материалдың толық нұсқасын
жүктеп алып көруге болады

«АҚМОЛА ОБЛЫСЫ БІЛІМ БАСҚАРМАСЫНЫҢ ЦЕЛИНОГРАД АУДАНЫ БОЙЫНША БІЛІМ БӨЛІМІ АҚМЕШІТ АУЫЛЫНЫҢ ЖАЛПЫ ОРТА БІЛІМ БЕРЕТІН МЕКТЕБІ» КОММУНАЛДЫҚ МЕМЛЕКЕТТІК МЕКЕМЕСІ

АВТОРЛЫҚ БАҒДАРЛАМА

ҚАБІЛЕТТІ ОҚУШЫЛАРҒА АРНАЛҒАН

ҚАЗАҚ ТІЛІ ПӘНІНЕН ТАПСЫРМАЛАР ТОПТАМАСЫ

(4-сынып)

Дайындаған : Байжуманова Сауле Даутовна

2022-2023 оқу жылы

ТҮСІНІК ХАТ

Ұсынылып отырған 4- сыныпқа қазақ тілі пәнінен тапсырмалар бастауыш сынып оқушыларының логикалық ойлау дағдыларын дамытуға бағытталған тапсырмалар топтамасы бастауыш сынып мұғалімдеріне көмекші құрал ретінде арналған. Тапсырмаларда шығармашылыққа жетелейтін тапсырмалар қолданылған. Бұл дарынды оқушылардың ой – өрісін, дүниетанымын кеңейтіп, шығармашылық қабілетін арттыруға, алған білімдерін жаңа жағдайда қолдана білуге көмегін тигізеді.

Бұл тапсырмалар бастауыш сынып мұғалімдеріне және сынып жетекшілеріне көмекші құрал, қосымша деректер ретінде сабақ үрдісіне қолдану үшін ұсынылады.

Мақсаты:

Ұлттық жəне жалпы адамзаттық құндылықтар тұрғысынан оқушылардың бойында өздері күнделікті көріп жүрген заттары мен құбылыстарына сүйеніп, жан – жақты қырынан түсінуге, жас ерекшеліктеріне лайықты тұрғыда бақылауға жағдай туғызу. Көмекші құрал арқылы оқушылардың ақыл-ойын дамытып, ізденіске жаттықтыруға болады. Беріліп отырған тапсырмалар, қызықты дәйектемелер оқушылардың ойлануына, өмірмен байланыстыра алуына жағдай жасайтындай деңгейді қамтиды.

Міндеттері:

•оқушылардың білімдерін тереңдете түсу арқылы шығармашылық шеберлікті қалыптастыру;

•деңгейлік тапсырмалар арқылы логикалық ойлауын дамыту;

•жұмыс түрлері арқылы олимпиадаларға қатыстыру;

•ізденімпаздыққа талпындыру.

Өзектілігі:

- Қазақ тілін оқытуда танымдық қызығушылықты, шығармашылықты меңгерту бүгінгі күннің өзекті мәселесі.

- Бастауыш сыныпта оқытылатын қазақ тілі пәні жалпы оқытудың бастапқы курсы болып есептеледі.

Күтілетін нәтиже:

1.Қазақ тілі сабақтарында алған білімдерін тереңдетеді, бекітеді.

2.Өз ойын жүйелі айта білу, сөйлеу қабілеттері артады;

3.Сыни тұрғыдан ойлауға үйренеді.

4.Танымдық деректермен қаруланып өз ойын еркін жеткізіп, ізденгіш, шығармашыл тұлға қалыптасады.

Олимпидалық тапсырмалар дарынды оқушылардың шығармашылық жұмыста өзінің қабілетін іске асыруға дайындығын қалыптастырады. Ал мақсатқа жету оқу бағдарламасын тереңдетіп оқыту және оқушының танымдық белсенділігін дамыту арқылы жүзеге асады.

Жұмыстың бағыттары:• Диагностика – оқушыны тұлға ретінде байқау.
• Қабілеті жоғары және дарынды оқушылармен қосымша жұмыс істеу;
• Сабақтан және сыныптан тыс жұмыстары.

4 – СЫНЫП ОҚУШЫЛАРЫН ОЛИМПИАДАҒА ДАЙЫНДАУҒА АРНАЛҒАН ТАПСЫРМАЛАР ҮЛГІЛЕРІ

тапсырма

Мына мақалдардың сол жақтағы бөлігіне оң жақ бағаннан жалғасын тауып 8 мақал жаз:
1. Білімдіге дүние жарық Ынтымақ ұйымнан
2. Жеті жұрттың тілін біл Ине ілікпейді
3. Туған жердің қадірін Кең жерде келіседі
4. Ынтымақ болмай Жеті түрлі білім біл
5. Еңбексіз іс бітпейді Тірлік болмас
6. Саусақ бірікпей Білімсіздің күні кәріп
7. Теңге тиыннан Шетте жүрсең білерсің
8. Тар жерде табысқан Еріншектің қолы жетпейді

2-тапсырма Мына сөздерден түбір мен қосымшаларды тап:
Аңшылардың, жастарымыз, мұрагерлік.

3-тапсырма Жай сөйлемдерден құрмалас сөйлем жаса:
Көктем келді. Күн әлі жылынбай тұр.
Ауылда балабақша ашылды. Балалар бақшаға барды.
Күз келді. Күн суытты. Жапырақтар сарғайды.

4-тапсырма Мына зат есімді тәуелде: мектеп.

5-тапсырма Сөздерді жұптап, сөз тіркестерін құр:
ашық түлкі адал киім
дені сау қоян тәтті адам
айлакер тағам жаңа табиғат
қорқақ күн ала ағаш

сұлу бұлт биік дос

6 - тапсырма Білім, ғылым, инновация сөздеріне синквейн құрастыр

Білім

Ғылым

Инновация

Сенквейн әдісі:

Тақырып бір сөзбен беріледі (зат есім)
Екі сөзбен сипаттау (сын есім)
Тақырыпқа қатысты үш сөз (етістік)
Төрт сөзден тұратын бір сөйлем
Тақырып мәнін ашатын бір синоним сөз

7- тапсырма

Сөйлемдегі сан есімдерді болжалдық сан есімге айналдыр.

Жаңа оқу жылында мектебімізде 50 ______ кабинеттің барлығы жаңа компьютермен жабдықталған, ғаламтор қосылған.

Google Аудармашы 100 ______тілдердегі сөздерді лезде аударып бере алады.

Қазақстан ғалымдарының әлемдік рейтингтегі басылымдарда 2010 жылы 405______мақаласы жарық көрсе, 2012 жылы 850 ______мақаласы жарық көрді. Оның ішінде 110______мақала Еуразия ұлттық университеті ғалымдарының еңбегі екенін мақтанышпен айта аламын.

8- тапсырма

«Кубизм» стратегиясын пайдаланып, кубтың 6 қабырғасы бойынша өзіңе ұнаған тақырыпта сұрақтар құрастыр.

Түйсік
Зейін
Қабылдау
Қиял
Ес
Ойлау мен сөйлеу

9- тапсырма

1.Электронды кітапхана туралы ақпарат тап/анықтау/

2.Электронды кітапхананың сипаты/суреттеу/

3.Сен қолданатын электронды кітапхана қандай үздік айдарлар бар?

10-тапсырма Қажетті сөздерді қолданып бос орынды толтыр.

Тақырыбы: Жоба жұмысын орындадым

Дана: – Білесің бе, Алан? Жаңа оқу жылында мектебіміздің елу шақты кабинеті жаңа компьютермен жабдықталып, интернет қосылыпты.

Алан: – Иә, Дана, химия, биология, физика кабинеттері де ..... жабдықталған. Біз де интерактивті тақта арқылы ........ тапсырмалар орындадық.

Дана: – Біз сабақтарда bilimland.kz, itest.kz ....... тапсырмалар, тест орындадық. Сабақ өте қызықты өтті.

Алан: – Мен де бұл сайттардың көмегімен ...... қажетті ақпарат аламын және .......... жүргіземін.

Дана: – Алан, сен үй тапсырмасын орындап отырсың ба?

Алан: – Иә, ағылшын тілі пәнінен мәтінді аударуға онлайн аудармашы қызметін пайдаланып отырмын. Аудармашы интернетке кіру мүмкіндігі бар кез келген қолданушыға қолжетімді. Аудармашы жүйеге қосылған барлық тілдер арасында жеке сөздер мен сөйлемдерді, мәтіндерді және тұтас веб-парақшаларды ............ аударады.

Дана: – Тамаша екен. Қанша тілге аудара алады?

Алан: – Саны 100-ден асатын өзге тілдердің сөздерін лезде аударып бере алады және аудиосын тыңдауға болады.

Дана: – Керемет! Маған бәрінен де .......... ұнайды. Оның «Жаңа кітаптар», «Қазақша кітаптар», «Өлеңдер жинағы» және т.б. ............. бар. Қажетті кітабымды тауып, тапсырыс беремін.

Алан: – Міне, білімдегі инновация дегеніміз – осы.

Қажетті сөздер: жаңа заманауи технологиялармен, айдарлары, зияткерлік, жоба әзірлеу үшін, сайттарынан, зертханалық жұмыстар, қас қағым сәтте, электронды кітапхана.

11-тапсырма Мәтінді оқы. Тапсырмаларды орында

Қайта-қайта

Әбу Насыр әл-Фарабидің жастау кезі болса керек. Бір күні жолаушылап бара жатқан жолдасы бір бума кітапты сақтап қою үшін Әбу Насырға аманат қылып тастап кетеді. Әбу Насыр оны үйіне апарып, сақтап қояды. Қолы босаған сәтте әлгі кітаптардың біреуін алып, көз жүгірте бастайды. Кітап сөздері ұнап, аяғына дейін оқып шығады. Бірақ онша түсіне қоймайды. Қайта оқиды. Сонда да ұғымы жетіңкіремейді. Ақыры кітапты қайта-қайта оқи береді. Сонда ғана жазылған жайлардың мағынасын айқын ұғып, анық түсінген. Осы табандылығының арқасында Әбу Насыр ғылымға бой ұрып, асқан білікті ойшыл болып жетілген екен.

Мәтінге сұрақ қой? ___________________________________________
Мәтіннің түрін белгіле ().

Group 686

Мәтін бойынша жоспар жаз.

------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------

Жоспарға сүйеніп, мәтіннің басын, ортасын және соңын анықта. Әр бөлікті қоршап сыз.

12- тапсырма Мәтінді оқы. Сәйкестендір.

Сиқырлы өзен

Жардың асты ағып жатқан қара қошқыл өзен. Өзеннің үстін жұп-жұқа мөлдір қабық қымтап жауып тұр. Өзен үсті құж-құж қайнаған ұсақ жәндіктердің қара құйыны. Қара қошқыл судың ішінде де алуан түрлі жәндіктер мол екен. Біреуі жыланша иірілген ұзын, екіншісі домалақ, кейбіреуі үшбұрышты жалпақ. Бірақ бәрінің де тұрақты формасы жоқ. Бұлтыңдап сынапша толқып құбыла береді...

Кибер автомобильді арттарынан баяу жүргізіп келеді.

– Ахмет, сіз айтыңызшы бұл неғылған ғажап планета? Көзімізге тірі жәндіктерден басқа ештеме түспей қойды ғой. Мына ағып жатқан суы да жаны бар бірдеңе сияқты. Мен өте қысылып келе жатырмын. Біреу (бәлкім осы планетаның ақылды тұрғыны болуы ғажап емес) екі көзін өңменнен өткізе тесірейіп тұрған тәрізді. Арқам тоңазып, қорқа бастадым.

– Тоқташы, Мәриям, сен мынау дүңкілдеген дыбысты естисің бе? Мәриям енді ғана естіді. Расында да бір дүңкілдеген дыбыс алыстан еміс-еміс келіп тұр. Ол оның жүрек соғысымен бір ритмде сияқты. Мәриям шошып кетті. Жүр автомобильге қайтайық...

13- тапсырма «Әр жолдан қайталанып келмейтін әріптерді тап және жаз. Қандай сөйлем пайда болды? Жаз.

у ғ ф і е ф р а л і ы у е м і ф к у е, р і к

_____________________________________________

г а ю м т ч ш г м ю ы ч г ю м д г ю м д

______________________________________________

ғ в л ө ш д л в щ з қ а ө н ғ л л в ғ ө з к д
______________________________________________

с ө о з а ж д ө я ә х ю ң з д ң ә ж ю о д ә

_______________________________________________

м у р ц м ә л щ ц и х а щ н р м о щ р в ц
_______________________________________________

14- тапсырма Қажетті сөздерді пайдаланып, бос орындарға жазу арқылы мәтінді толықтыр.

Тауар айналымы. Ақша.

Адам еңбегінің нәтижесі болып табылатын өнім_________-ға айналады. Себебі, ол өзің ғана емес, басқа адамның ____________-ына арналады. Айырбасқа және сату-сатып алуға бағытталады. Тауардың орташа жұмыс уақытымен анықталады. Осы ___________ деп аталады. Ақша __________ құралы ретінде қызмет етеді. Ақшаның бұл қызметі өндірілетін барлық тауарлардың құнын көрсете алады. Тауар құнының ақшалай көрінісін____________деп атайды.

Қажетті сөздер: құн өлшемі, тауар, тұтыну, баға, нарықтық құны, құн заңы.

15-тапсырма Бес антонимді теріп жаз. Бұл сөздер қай сөз табына жатады?
Түзу сұлу жаңа кең басы жауын
Алыс суық ыстық жас тар ескі
Қатты аяғы әдемі жұмсақ ірі қара

16-тапсырма Сандар арқылы жасырынған сөздерді жаз.
10дық, 40тық, 7ген, 60бай, 5аспап, 6най, 1жан, 3кір, 5ік, 1лік, к2лбай

17-тапсырма Фонетикалық талдау жаса: өнерпаз.

18- тапсырма Қателерін түзетіп жаз: бопе, қыдық, ылгіш, бйдай, қойан, аншы, күрпе, ойнаватыр, қыстар, көпірдер.

19-тапсырма Өтірік өлең ойлап шығар.

___________________________

Бағалау: дұрыс орындалған тапсырмаға – 3 ұпай.

20- тапсырма «20 сөзді есіңде сақта»
Белгі арқылы 1 минутта сөздерді оқып, еске сақтау ұсынылады. Сөздер бірақ рет оқылады. Сөздерді естеріңізге түсіріп жазыңыздар, сөз ретін шатастырмауға тырысыңыз. (бөлек параққа жазылады)

1. шемішке
2. қоян
3. ұя
4. шам
5. жүзім
6. түн
7. тесік
8. сүлгі
9. дәрі
10. қант
11. фантик
12. жаңбыр
13. теледидар
14. жылан
15. қияр
16. күн
17. сәбіз
18. сағат
19. арыстан
20. ұста

Ресми байқаулар тізімі

Республикалық байқауларға қатысып жарамды дипломдар алып санатыңызды көтеріңіз!

Материал іздеу

Сіз үшін 400 000 ұстаздардың еңбегі мен тәжірибесін біріктіріп, ең үлкен материалдар базасын жасадық. Төменде пәніңізді белгілеп, керек материалды алып сабағыңызға қолдана аласыз

Барлығы 663 959 материал жиналған

Ұқсас материалдар

Дайын ҚМЖ. Барлық пәндерден 2024-2025 оқу жылына, жаңа бұйрыққа сай жасалған

Сертификатталған тренер жасаған

01.01.2023

17 863

13 694

ҚР Білім және Ғылым министірлігінің стандарты бойынша жасалған.

Барлық пәндер

Барлық материалдар

Барлық сыныптар

Аттестацияда (ПББ) 100% келетін
тақырыптармен дайындаймыз

Аттестацияда (ПББ) келетін тақырыптар бойынша жасалған тесттермен дайындалып, бізбен бірге тестілеуден оңай өтесіз

Өткен жылы бізбен дайындалған ұстаздар 50/50 жинап рекорд жасады

Толығырақ