"Қайдан келдің, бауырсақ?"

Өткізілген күні:13.12.12.

Бала саны: 2 бала Орынгалиева С. Сапарова А.

Аңғарымы: Психологиялық дамуы тежелген. Жалпы тіл кемістігі – III деңгейі.

Сабақ: Тіл дамыту.

Тақырыбы: «Қайдан келдің, бауырсақ?».

Сабақтың түрі: саяхат сабағы.

Мақсаты:

Білімділігі: Балаларға нан туралы білім беру. Балалардың нан туралы түсінігін ертегі арқылы жеткізе отырып, өлеңнің мазмұнын айтып беруге жаттықтыру.

Түзетушілігі: Баланың тілін, ой- өрісін, ойлау қабілетін, өздігінен жұмыс істей білуге дағдыландыру. Зейін мен есте сақтау қабілеттерін дамыту. Өздігінен қорытынды шығарып, өз ойын еркін айтуға үйрету.

Тәрбиелілігі: Көзімен көргенін есіне ұстап сақтауға, шығармашылық еңбек ете білуге, алғырлыққа, тапқырлыққа, ұйымшылдыққа тәрбиелеу. Үлкендердің еңбегін ардақтап, бағалай білуге тәрбиелеу.

Жаңа сөздер: наубай-нан пісіретін орын; диірмен-ұн тартатын жер; дала-егін өсіретін алқап; диқан-егін өсіретін адамдар; қырман-астықты жинайтын орын.

Көрнекі құралдар: нан туралы әр түрлі суреттер, нанның дастарханға қалай келетіні жайлы, ертегі бойынша суреттер, ИКТ.

Әдіс-тәсілдер; түсіндіру, оқу, әңгімелеу, жаңа сөздер мағынасын түсіндіру.

Сабақтың барысы:

І Ұйымдастыру бөлімі.

Кіріспе сөз

-Балалар бүгін біз сендермен «Қайдан келдің, бауырсақ?» өлеңімен танысамыз.

-Өлең Өтебай Тұрманжановтікі.

-Сендерге мен тамаша бір ертегі айтып берейін сендер мұқият тыңдаңдар, ертегі не жайлы екен.

-Бәріміз мына сиқырлы тақтаға қарайық.

- Ертегінің аты «Бауырсақ пен тышқан».

-Ертеде тауық пен тышқан керемет дос болыпты.

-Бір күні тауық бір уыс бидай тауып алады да, досы тышқанға бидайды үгітіп беруін сұрайды.

-Ал тышқан болса мен үгіте алмаймын дейді.

-Амалсыздан бидайды тауық өзі үгітеді.

-Диірменнен шыққандай мап-майда ұн жасап, одан қамыр илейді.

-Илеген қамырдан енді бауырсақ пысыр дейді- тышқанға.

(Дефектолог бидайдан ұн жасалатынын дәлелдеп, бауырсақ қалай пайда болатынын көрсетеді)

-Әлгі еріншек тышқан өзің пісіре салшы дейді

-Содан тауық бір табақ қылып бауырсақ пісіреді.

-Әлгі табаққа салынған бауырсақты жоғары көтеріп- бауырсақты кім жейді- дейді?

-Мен, мен,-деп тышқан жүгіріп келеді.

-Сонда тауық:

-Бидайды үгітуге де, бауырсақты пісіруғе де ешқандай үлес қосқан жоқсың. Еңбек етсең ерінбей- тояды қарының тіленбей,- дейді де тышқанды үйінен қуып шығады.

-Содан бері тауықтар тышқанды көрсе, үрке қарайды екен.

-Балалар ертегі үнады ма?- иә.

-Ертегі не туралы айтылған?- «бауырсақ» дұрыс

-Ендеше балалар біз бүгін сабақта «Қайдан келдің бауырсақ» өлеңімен танысамыз.

ІІ Жаңа тақырып.

1. Өлеңмен танысу.

• Дастарханда шашылып,

Жатты аппақ бауырсақ,

Бауырсаққа қызығып,

Қарап тұрды көзін сап;

-Қайдан келдің бауырсақ?-

Деп сұрады қуыршақ

-Дүкеннен келдім нан сатқан,-

Деді оған бауырсақ.

-Дүкенге келдің қай жақтан?

-Наубайдан келдім нан жапқан.

-Наубайға келдің қай жақтан?

-Диірменнен келдім ұн тартқан

-Диірменге келдім кең жақтан

Жер- анам менің көсілген,

Диқандар мені өсірген.

Балалар өлеңде не туралы айтылған?

-Бауырсақ туралы.

-Балалар дастарханға бауырсақ қалай келеді?

-Дүкеннен

-«Дүкенге қалай келеді»?

-Наубайдан.

-«Наубайға қайдан келеді?»

-Диірменнен

-«Диірменге қайдан келеді?»

-Диқаннан

-Дұрыс балалар.

2) Суретпен жұмыс.

Балалар сендердің үйлеріңде бауырсақты апаларың мен мамаларын неге пісіраді?

-Пешке от жағып, қазанға май құйып пісіреді.- Дұрыс.

Сергіту сәті: Нан қиқымын шашпаңдар,

Жерде жатса баспаңдар.

Теріп алып қастерлеп,

Торғайларға тастаңдар.

ІІІ Компьютерлік ойын: «Сенсорлық тәрбиелеу»

ІV Көзге арналған жаттығу:

V Ойын: «Қайдан келдің бауырсақ»

Мақсаты: Балалардың ойынға деген қызығушылықтарын арттыру, ойын арқылы сабақты бекіту, ретімен орналастыруға үйрету.

Ойын барысы: Бауырсақ қайдан келгені жайлы барлық суреттерді шығарып бауырсақты домалап бару арқылы ойынды ойнату. Балаларға сұрақ қойып, жауап алу.

ІV Сөйлем құрайық:

-Балалар кәне бәріміз сиқырлық тақтаға қараймыз.

-Сендердің алдарыңда сыйқырлы тақтада карточкалар тұр. Сол карточкаларға қарап сөйлем құрайық.

Ө

Сөйлем құрай алдыңдар.

VІІ Тірек сызбамен жұмыс:

-Тағы сиқырлы тақтаға қарайық?

-Сендердің алдарыңда әртүрлі суреттер тұр

-Қайсысының бауырсаққа қатысы бар.

-Дұрыс қазан

-Қазан не үшін керек?

-Жақсы бауырсақ пісіру үшін

Ал енді келесі суретте баурсаққа қатысы жоқ суретін табайық.

- құмыра. Жақсы.

-Балалар бүгін сабақа өте жақсы қатыстыңдар.

-Қандай өлеңді тыңдадыңдар

-«Қайдан келдің бауырсақ?»

-Өте дұрыс

-Ойынды да ынталы ойнадыңдар.

VІІІ Қорытынды:

-Балалар біраз жұмыс жасадыңдар, енді көздерімізді жұмып демалып алайық.. (Көздерін жұмған кезде мұрындарына нанды жақындатып, сезу қабілеттерін тексеру).

-Балалар сабаққа жақсы қатыстыңдар, енді бауырсақтан ауыз тиіндер. Сабақ аяқталды.