Қарт Каспийдің толқынына тербеліп жатқан әсем қала Ақтауды аралауға бір күнімді арнап, ат

басын бұрдым. Ақтаудың көрікті жерлерін аралап қана қоймай, суретке түсіп,шағын репортаж жасауды жөн көрдім.

Таксиден түсе салысыммен салқын ауаға қорқынышпен қарай бастасам да, қаланың көрікті жерлерін көрсем деген құлшыныс басым еді. үйге заттарымды қояр-қоймастан, қолыма фотоаппаратымды алдым да, апамды ертіп қала аралауға шықтым.

Алдымен Суреттегі Өлкетану мұражайы бірден көзіме түсті. Мұражайда қазақ халқының бүкіл тарихы келушілерге жол тартқан. Мұражай менің білімімнің қосымша көзі болды десем артық айтпаған болар едім.

Ары-бері айналған соң, бірден Н.Жантөрин атындағы облыстық драма театрына жол тарттық. 1 сағаттан кейін «Фариза-Мұқағали» қойылымы көрсетіледі екен, біз драмаға билет алдық. Драма жан-дүниемді рухани жағынан байыта түсті.

Театрдан шығып, сол жаққа жүрсеңіз әдемі қоңыр ғимаратқа көзіңіз түседі. Бұл – Абай мәдени-демалыс кешенінің ғимараты. Мен бұрын мәдени кешенге түрлі концерттерге келгенде ғимараттың іші күрледі жөндеуден өтпеген еді, ал қазір іші сыртына жаңа өң кіріп, соңғы үлгідегі заманауи жабдықтармен жаңартылып,келушілерді өзіне еріксіз баурап алады. Қаламыздың көркеюіне мен ерекше қуанам.

Ал мынау Ақтау қаласында ең қатты ұнаған орын ,жүрегімнен ойып тұрып орын алған ескерткіш

Бар қызықтың көкесі жолдың арғы бетіне өткеннен кейін басталады. Бұл халықтың ең көп шоғырланатын орны- Ақбота саябағы.саябақта көз тартарлық аттракциондар өте көп. Ал мына аттракционның биіктігі 30 метр. Бұл алыстан келе жатырған адамның көзіне бірден түседі.

«Ақтау» ойын-сауық кешеніне асығып барамын. Мұнда кірсеңіз жанға керектінің бәрі бар. Ерекше әсер қалдырғаны тордағы кішкене ғана көжектердің,тасбақалардың тіршілік үшін күресуі..

Теңіз жағалауындағы амфитеатр туралы көр еститінмін. Расымен де, керемет құрылыс екеніне көзім жетті:

Әрі қарай автобусқа мініп, теңіз жағалауындағы үңгірке жол тарттық. Бұл үңгір ел аузында жүрген, халықтың көп шоғырланатын орны екен. Жағалаудың табиғаты ерекше әсер қалдырды, себебі қарт теңіздің жұпар иісі,толқынның тулауы, қалықтап ұшқан құстардың көкте сап түзеуі, менің жаныма тыныштық,бойыма күш-қуат берді.

Сонымен түн ортасына үйге қайтып, тәтті естеліктерді ойлап жатып, ұйқыға кеттім.

Ақтауға жолыңыз түсіп жатса, мен жүрген жолдармен жүріп көріңіз. Сонда сіз де Ақтауға ғашық боласыз!