Қылдыбай Қосаяқұлының ерлігі

Батырлық – елдіктің, ерліктің және ұлт рухының символы. Осындай асқақ ұғымдар аясында жас ұрпаққа үлгі боларлық тұлғаларды дәріптеу – біздің парызымыз. Осы орайда мен 9-сынып оқушыларына арнап дәріс сабақ өткізіп, Махамбет Өтемісұлының «Соғыс» атты өлеңін талдау арқылы Қалдыбай Қосаяқұлы батырдың бейнесін ашып көрсеттім. Сабақ барысында өлеңнің тарихи, әдеби және рухани мәніне тоқталдық.

Қалдыбай батыр — елін, жерін қорғау жолында ерлік көрсеткен, Махамбет жырында аты аталған нағыз батыр тұлға. Ол тек майдан даласында ғана емес, ұрпақ тәрбиесінде де үлгі болған. Батырдың бес ұлы әкесінің жолын қуып, көтеріліске бірге қатысқаны – оның әкелік өнегесінің айқын айғағы. Бұл деректер оқушыларға ерекше әсер етті. Сабақ барысында біз Қалдыбай батырдың ерлігі арқылы шынайы батырлық пен елін сүйгендіктің үлгісін көрсеттік. Өлеңді талдау кезінде оқушылар тек тарихи шындықпен танысып қана қоймай, рухани тұрғыдан батырдың өр мінезін, әділдік пен азаттық жолындағы күресін терең сезінді. Жоба аясында оқушыларға Қалдыбай батырдың бейнесі – бүгінгі жас ұрпаққа патриоттық тәрбие берудің айқын құралы екенін түсіндірдім. Әдебиеттегі батыр бейнесі арқылы біз тарихымызды, ерлік дәстүрімізді дәріптей алатынымызды атап өттім. Сабақ соңында оқушылар батырдың ерлігіне байланысты сұрақтар қойып, өз ойларымен бөлісті. Олар өз халқының тарихына деген мақтаныш сезімін білдіріп, Қалдыбай сияқты батырлардың бейнесін жүректерінде сақтайтынын айтты. Бұл мақалада мен өткізген дәріс сабақтың мазмұнын жинақтап отырмын. Жобама дәлел ретінде суреттерді қоса отырып, Қалдыбай батырдың ерлік бейнесін дәріптеуді жалғастырамын.

Авторы: Қызылтөбе лицейінің 9-сынып оқушысы Еркінбаева Ақбота