Қарым-қатынас

«Қарым-қатынас» тренингі

ЕРЕЖЕ:

1.Құпиялылық

2.Бір-бірімізді тыңдаймыз және сөзді бөлмейміз

3.Белсенді боламыз

4.Бір-бірімізге ренжімейміз

5.«Қазір» және «Осында» принціпі

«Ұлттық сәлемдесу»

Қатысушылар әр түрлі ұлттардың сәлемдесу мимикаларымен немесе тілдерімен сәлемдесуге болады бірақ бір ұлттың сәлемдесу стилі екінші қатысушыда қайталанбауы керек.

«Отбасылық құндылық ағашы»

Мақсаты: отбасы құндылықтарын таныту және дұрыс қалыптастыру.

Нұсқау: Үлкен ағаштың суретін салу керек. Бұл сіздің отбасылық құндылық ағашыңыз. Бірнеше берілген отбасылық құндылықтарды ағаштың тамырына, діңіне, бұтақтарына орналастыру. Тамыры сіздің ең негізгі отбасылық құндылық болып есептеледі, ағаштың діңіне орташа құндылықтарды, ал, бұтақтарына отбасыңызға маңызды бірақ, қатты қолданбайтын, көп көңіл аудармайтын құндылықтарды орналастыру керек. Берілген уақыт 7 - 10 минут.

1. Мықты денсаулық

2. Ағайындарыңа, достарыңа ашық есік

3. Ауызбіршілік

4. Ортақ қызығушылық

5. Бір - біріңіздің жұмысына араласпау

6. Қамқорлық

7. Тәртіп

8. Бос уақытыңызды бірге өткізу

9. Сенімділік

10. Ата - ананың сөзі заң

11. Ата - ана отбасының үлгісі

12. Әлеуметтік жағдай

13. Отбасылық қарым - қатынас

14. Махаббат

15. Мейірімділік

16. Шынайылық

17. Сырт көзге үлгі болу

18. Береке

19. Үлкенге - ізет, кішіге - құрмет

20. Көп бала

Соңында үлкен бәйтерек ағашы шығу керек. Шыққан суретті қорғап шығамыз.

Талқылау : Жаттығу барысында қандай көңіл күйде болдыңыз ? жаттығудан алған әсерініз?

«Түстерді тап» жаттығуы

Мақсаты: Жылдар ойлап тез шешім қабылдауға қалыптастыру.

Нұсқаулық: Жүргізуші сөйлемдер айтады. Сол сөйлемдердің ішінде түсті білдіретін сөздер бар. Қатысушылар айтылған түске сәйкес келетін затты 1,2,3 дегенге дейін көзімен тездетіп тауып алып ұстауы қажет.

1. Орманда ақ қоян жүгіріп жүр.

2. Сары қыздың көйлегі көгілдір екен.

3. Қарбыз сияқты доп тауып алды, бірақ түсі қызыл.

4. Аспанды сүр бұлт басып тұр.

5. Мамамның қап-қара көйлегі бар.

6. Менің алтын түстес алқам бар.

7. Менің ағамның жасыл жейдесі бар.

Талқылау: түстерті табу және жеке жұмыс істеу қиындық тудырды ма?

«Сөйлемді аяқта» жаттығуы

Мақсаты : сөйлемдерді аяқтуына байланысты отбасы мүшелерін қалай қалайтынын анықтау.

Құрал-жабдықтар: қағаз, қалам

Қатысушыларға қағаз қалам беріледі және алдын ала дайындалған сөйлемдерді аяқтау тасырылады.

— Мен өз отбасымды жақсы көрем, себебі….

— Менің отбасым бұл…

— Отбасым бақытты болу үшін…

— Отбасымда зорлық — зомбылыққа жол жоқ, себебі…

— Мен қалар едім отбасымның…

«Иә» жаттығуы

Нұсқаулық: Жүргізушінің қойған сұрақтарының дұрыс бұрыстығына қарамастан ИӘ деп жауап беру керек.

Жүргізуші алдын ала сұрақтар дайындайды. Кейіннен қатысушылар сұрақтарды өздері дайындауы мүмкін. Мысалы

1. Сенде бір миллино теңге бар ма?

2. Саған мұхит ұнай ма?

3. Сен шығармашыл адамсың ба?

4. Сен жыртылған шұлық киесің бе ?

5. Сен біреуді сүйесің бе?

6. Сенің көйлегің кір ме?

7. Сен қолыңды жуған жоқсың?

Талқылау: Ойын қандай әсер қалдырды

Қортынды

Тренинг барысында болған қызықты сәттермен бөлісіп өздерінің алған әсерімен бөліседі. Көңіл күйлерін сурет арқылы жеткізуге болады.