Автор: Ардабаева Салтанат Наухановна

Алматы қаласы, Түрксіб ауданы, «№142 жалпы білім беретін мектеп» КММ

Лауазымы: Көркем еңбек пәнінің мұғалімі

Қашықтықтан оқыту – заман талабы.

Өткен оқу жылының соңғы тоқсаны еліміздегі оқушылар мен педагогтар және ата-аналарымыз үшін өте үлкен сын кезеңі болды.

Төтенше жағдайларға байланысты еліміздегі білім беру жүйесі қашықтықтан оқыту форматына көшті. Осы орайда білім беру жүйесі және ата-аналар тарапынан болса да біраз қиындықтарға ұшырадық. Қашықтықтан оқушыларға қалай сабақ береміз?, Қалай сабақты түсіндіреміз?, Оқушылар қалай қабылдайды? Деген ой - санамыздан шықпады, қатты уайымдадық.

Алайда әрбір мәселенің шешілмейтін түйіні жоқ деген жақсы сөз бар емес пе?. Дегенменде бұл қиындықты шешуге білім жүйесіндегі барлық қызметкерлер білек түрісіп үлкен жауапкершілікпен кірістік. Қазіргі кезде білім алудың ілгері дамуының мүмкіндігі өте үлкен. Заманауи технологиялардың арқасында, яғни интернет желісімен қашықтықтан оқу. Қашықтықтан оқуда мұғалім мен оқушы арасында ақпарат алмасады. Екіншіден осы заманауи телекоммуникация құралдарының көмегімен оқушының жеке танымдылығының қызметі арта түсетінін түсіне бастадық. Осылайша төртінші тоқсан қашықтықтан оқыту жүйесінде аяқталды.

Енді биыл 2020-2021 жаңа оқу жылы бұрын соңды елімізде болмаған жағдайға душар болды. Оқу жылы жаңа форматта басталды, ол қашықтықтан оқыту еді. Негізі педагогтар алдымыздағы өткен 2019-2020 оқу жылының төртінші тоқсанынан бастап осы жаңа оқу жылы басталғанша «Қашықтықтан оқытуды үйренемін» атты онлайн курстарды өттік. Бұл курс 5 модульдан тұрды. Көзделген мақсаты – мұғалімдерге оқушылармен қашықтықтан жұмыс істеудің барлық қырларын үйрету және түсіндіру. Қашықтықтан оқытудың ерекшеліктерін зерттеу (сабақты ұйымдастыру, жоспарлау, оқушыларды қашықтықтан оқытуға ынталандыру). Үй жұмысын қалай орындауға болады, немесе үй тапсырмасын қалай тексеруге болады. Акт құралдары мен қызметтерін зерттеу. Қашықтықтан оқыту форматында ата-анамен жұмыс істеу ерекшеліктері тағы басқа да мәселелер қарастырылады.

Қазіргі уақытта осы алған білімімізбен қашықтықтан білім берудеміз. Мысалы мен әр күнгі көркем еңбек сабағымды дайындағанымды қысқаша айта кетсем: сабағымыздың Ұ.М.Ж. Қ.М.Ж-ға қарап сабақ тақырыбы бойынша мақсаттарын таңдаймын. Сабақтың мақсатына жету үшін тірекконспектіні дұрыс құрастыру қажет. Ол үшін берілген тақырыпқа түсіндірме бейне-баян, сілтемелерді дайындап аламын, слайдтар жасаймын, суреттер, сызбалар дайындап аламын, кітаптағы тапсырмаларды, сұрақтардың бәрін дайындап алып, содан кейін бәрін біріктіре отырып тірекконспект құрастырамын.