Қазақ биі "Киіз басу"

І. Ұйымдастыру сәті. 
Сәлеметсіңдер ме, оқушылар! Келген апайлармен қазақша «сәлемдесу» қимылын жасау арқылы амандасайық.

Оқушыларды түгелдеу.

Оқушыларды шаттық шеңберіне тұрғызу.

Сабағымызды бастамас бұрын дене қыздыру жаттығуларын орындап алайық.

Зал ортасындағы ширату сәті  (бас, қол, бел, аяққа арналған жаттығулар)

Қазақ қол қимылдарын қайталау.( айналма, қол сілтеу, сырға, алқа, толқын, құс қанаты, сәндену)

ІІ.Өткенді қайталау

Оқушылар осы уақытқа дейінгі үйренген билеріңді еске түсіріп, билеп беріңдер.

«Айжан қыз», «Спорт», «Барбарики», «Чунга-чанга», «Тарантелла»

Жарайсыңдар! Енді, орнымызға шахмат ретіне тұрайық.

Ойын: «Ойлан тап!» Оқушылар менің қолымдағы киіз үйде жұмбақтар жасырылған. Ол зат немесе сурет болуы мүмкін . Бір-бірден келіп жасырылған жұмбақты шешеміз. Мысалға ол зат болса, сол затқа байланысты би қимылдарын табуымыз керек.

III.Жаңа сабақ. «Киіз басу» биі.

Оқушылар ата-бабамыз баққан малының жүнінен күнделікті тұрмысқа қажетті бұйымдарын жасаған. Интерактивті тақтаға назар аударайық, киізді басу реті көрсетілген.

Ендеше осы киіз басу өнерін біз би арқылы суреттейік.

Қолымызға мынадай сабау аламыз.

Бұл не үшін керек?

Қойдың жүнін сабау үшін .

Біз бүгін бірінші бөлімде осы сабау мен жұмыс жасаймыз .

1. 1-8такт:Аяғымыз қосулы 1-тура 2 позицияға ашамыз тіземіз ішке қарайды; 2- аяқты сыртқа ашып, өкшеге қоямыз. Ашқан аяғымызды тура екінші позицияға қойып, қасына екінші аяғымызды жабамыз. Қолымызда сабау, 5 позицияда .Дәл осылай 4 рет қайталап, ортаға келеміз.

2. 9-12такт: Ортаға келген соң, «сәлемдесу» қимылын жасаймыз.

3. 13-16 такт:аяғымыз қосулы 6 позицияда қолымыздағы сабауды бір-біріне соғып, оң жаққа отырамыз; сол жаққа қайталаймыз. Осы қимылмен жерге отырамыз.

4. 17-20такт: жүн сабағандай оң қолымызбен сабауды жерге ұрамыз, сол қолымыз артта 5 позицияда. Дәл осылай сол қолдан қайталаймыз.

5. 21-24 такт: қолымыз белде иығымызды алдыға артқа қозғап , кішкене шалқаямыз.

6. 25-28 такт: 17-20 такт қайталанады

7. 29-32 такт: 21-24 такт қайталанады

Жарайсыңдар, бүгінгі осы екінші бөлімді келесі сабақта үйренеміз.

IV. Қорытынды бөлім. 

Сонымен оқушылар бүгін біз қандай би үйрендік ?

Жүнді немен сабайды?

Киізден қандай бұйымдар жасауға болады?

Жарайсыңдар, оқушылар!

Сергіту сәті.

V.Оқушыларды бағалау.

VI. Үйге тапсырма

«Киіз басу» биі 1- бөлім қайталау.

Қоштасу