"Қазақ жері" өлеңі Ұзақбаев Есенғали

«Сөз маржан» байқауының «Сөз майталманы» бағыты бойынша «Жамбыл облысы әкімдігінің білім басқармасы Қордай ауданының білім бөлімінің №32 Владимир Маяковский атындағы орта мектебі» КММ 8-сынып оқушысы Ұзақбаев Есенғали

Қазақ жері

Қазақ жері неткен бай, неткен көркем, Көзім шықсын тең келер жерді көрсем! Менделеев кестесінде тұнып тұрған Бар элемент табылады сенен, өлкем!

Солтүстігім - астыққа кенелген жер, Бурабайда айығып, емделген ел. Шалқар көлі, ну орманы сая болған, Көкшетауға ешқандай жетпеген жер.

Оңтүстігім – ерекше шырайлы ол, Көкөнісі, жемісі әрдайым мол. Алматы апортынан айналайын, Дәмі кетпес аузыңнан айтарым – сол!

Батысында елімнің мұнай тұнған, Барша әлем қызығып мойын бұрған. Орал, Ақтау, Атырау қалаларым, Бейне алып тұлғадай қатар тұрған!

Қойнауында киелі Шығысымның, Әкелетін еліне кірісі мың. Түсті металл Алтайдың байлығы ғой, Өскеменім – кенді өлке ырысы мол.

Орталығым Қарағанды көмірімен, Әйгілі ғой әлемге несібімен. Жезқазғаннан табылар небір байлық, Талайды тамсандырған кеңдігімен!

Мен – бақытты баламын сенде туған, Кіндік кесіп, өзіңде кірін жуған. Сүйем сені, Отаным, шексіз сүйген, Ұланыңмын әзірше желік қуған.

Туған жер – Ер түріктің бесігі ғой, Бабаларым қалдырған несібе ғой. Қастерлейік, замандас, бұл даланы, Құлақ асып сөзіме, зейінді қой!