Қазақ журналистикасының болашағы — жаңа дәуірдің жауапты сөзі Қазақ журналистикасы — ғасырлардан бері қалыптасқан, халықтың үні мен жүрегінің айнасы. Қазіргі ақпарат ғасырында бұл сала ерекше жаңғыру кезеңіне аяқ басты. Бүгінгі жастар тек ақпаратты тұтынушы ғана емес, оны өндіруші де болуға тырысады. Журналистика бұрынғыдай тек газет-журналда шектелмейді, қазір бұл сала TikTok пен Instagram-да да өмір сүріп жатыр. Болашақ журналистерден талап күшейді. Олар тек сауатты жазып қана қоймай, шынайылықты сақтай білуі тиіс. Жалған ақпарат, фейк жаңалықтардан қорғайтын басты қалқан — әділ журналист болмақ. Осы орайда, жас буынға үлкен жауапкершілік артылып отыр. Қазақ журналистикасының болашағы – көптілді, заманауи технологияны меңгерген, шындықты батыл айта алатын, ел мүддесін бәрінен жоғары қоятын жастардың қолында. Сол болашақтың бір бөлшегі болу – менің де арманым.