Қазақ қыздары қандай ойын түрлерін ойнаған?

Умирбекова Аружан

Тараз қаласы

5^А сынып оқушысы

Жетекшісі: Муханова Б.Т.

Қазақ халқының мәдениетінде ойындардың алатын орны ерекше. Қыз балалар да көптеген қызықты және пайдалы ойындар ойнаған. Бұл ойындар олардың ептілігін, шеберлігін және достық қарым-қатынасын дамытқан.

Қазақ қыздары арасында кең тараған ойындардың бірі – «Ақ серек, көк серек». Бұл ойынды қыздар топтасып ойнап, екі топқа бөлініп, бір-бірін өз тобына шақыру арқылы жарысатын. Ойын тез ойлану мен күшті қажет еткендіктен қыздар үшін өте қызықты болған.

«Шекемтас» ойыны. Бұл ойынды кей жерлерде «Бестас» деп те атайды. Өйткені ойынды 5 таспен немесе асықпен ойнайды. Ойын ұсақ моториканы жақсы дамытады. Сондықтан мектеп бағдарламаларына, үйірмелерге енгізсе өте пайдалы болар еді. Ойын жеңіл басталып, соңына қарай күрделене түседі.

«Тоғызқұмалақ ойыны» - ең танымал ұлттық ойындардың бірі. Тапқырлықты қажет етеді. Логикалық ойлау қабілетімізді жақсартады. Жұп болып ойнайтын бұл ойынның арнайы ұяшықтары бар тақтасы және «құмалақ» тастары болады.

«Қыз қуу» – ер балалар мен қыз балалар бірге ойнайтын ұлттық ойындардың бірі. Мұнда атқа мінген қыз бала мен жігіт жарысып, жігіт қызды қуып жетуі керек. Егер жігіт қызды қуып жетсе, оны «қолынан ұстап» жеңіске жетеді, ал қыз озып кетсе, оны қамшымен ұрып, жеңіс қызға беріледі.

«Асық ату» ойыны да қыздар арасында кең тараған. Бұл ойын үшін арнайы асықтар қажет және дәлдікпен атып, асықты құлатуы керек. Асық ату шапшаңдық пен ептілікті дамытқан.

Қазақ қыздарының ойындары тек көңіл көтеру үшін емес, олардың ақыл-ойын дамытып, дене шынықтыруға да септігін тигізген. Бұл ойындар әлі күнге дейін қазақ мәдениетінде сақталып келеді.