Қазақ тілі – ұлттық құндылық, шет тілдері – кәсіби даму құралы

Құрметті қонақтар, әріптестер! Бүгінгі маңызды басқосуда сөз сөйлеу – мен үшін үлкен құрмет. (кідіріс)
Бұл форум – тек пікір алмасу алаңы емес, ұлттық рух пен заманауи білімнің тоғысқан маңызды алаңы болды.Бүгінгі таңда жаһандану дәуірінде тіл мәселесі тек қарым-қатынас құралы ғана емес, ұлттың болмысы мен бәсекеге қабілеттілігінің негізгі көрсеткішіне айналып отыр. Осы тұрғыдан алғанда, қазақ тілі – біздің ұлттық құндылығымыз, ал шет тілдері – кәсіби дамуымыздың маңызды құралы.

Қазақ тілі – халқымыздың рухани өзегі, мәдени коды, тарихи жады. Тіл арқылы біз ата-бабамыздың даналығын, салт-дәстүрін, дүниетанымын ұрпақтан-ұрпаққа жеткіземіз. Сондықтан қазақ тілін сақтау мен дамыту – әрбір азаматтың борышы. Тілін құрметтеген ел ғана өзінің тұтастығын сақтап, болашағына нық қадам жасай алады.

Мен Оқушылар сарайының Лингво бөлімінде орыс тілі пәнінің оқытушысы ретінде
күнделікті жұмыс барысында бір маңызды нәрсені байқаймын.

Баланың тілге деген қызығушылығы – оның тұлғалық дамуының алғашқы қадамы. (екпін)

Біздің Лингво бөлімде біз тек грамматика немесе ережені ғана үйретпейміз.
Біз оқушыларға тіл арқылы ойлауды, ұлттық құндылықты сезінуді, және мәдениетке құрметпен қарауды үйретеміз.

Сонымен қатар, қазіргі еңбек нарығы көптілді мамандарды талап етеді. Шет тілдерін меңгеру – жаңа мүмкіндіктерге жол ашады, халықаралық деңгейде білім алуға, тәжірибе алмасуға, кәсіби біліктілікті арттыруға мүмкіндік береді. Әсіресе ағылшын тілі – ғылым мен технологияның, инновацияның тілі ретінде ерекше маңызға ие.

Қазақ тілі – біздің негізіміз, ал шет тілдері – сол негізді нығайта түсетін құрал. Өз ана тілін жетік меңгерген адам ғана өзге тілдерді де терең игере алады.

Бүгінгі жас ұрпақ – ертеңгі ел болашағы. Сондықтан білім беру жүйесінде қазақ тілінің мәртебесін арттыра отырып, шет тілдерін сапалы оқытуға ерекше көңіл бөлу қажет. Бұл – бәсекеге қабілетті, рухани бай, жан-жақты дамыған тұлға қалыптастырудың кепілі.

Қорытындылай келе, Қазақ тілі – тамыр
Шет тілдері – қанат Тамыры жоқ ағаш өспейді, ал қанаты жоқ арман биікке көтерілмейді.Сондықтан біздің мақсатымыз – екі бағытты да тең дамыту. Назарларыңызға рахмет!