М.Өтемісұлы атындағы облыстық сауықтыру мектеп-интернаты қазақ тілінде оқытатын білім мекемесі. Мектеп-интернат алғаш 1962-1963 оқу жылында 8 жылдық мектеп негізінде Орда  ауданының Орда селосында  ашылған. 1974  жылы 15 қазанда Орал қаласына көшіріліп, Орал облыстық сауықтыру мектеп-интернаты  болып аталды. 1979 жылы азаткер ақын Махамбет Өтемісұлы есімі берілді.

Қазіргі М.Өтемісұлы атындағы облыстық сауықтыру мектеп—интернаты 2012 жылы күрделі жөндеуден өткен, екі ғимаратта орналасқан. Мектеп облыстың барлық аудандарының  туберкулездің  толастау сатысындағы түрлерімен ауыратын балалар мен жасөспірімдерді емдеу орны ретінде уақытша қабылдайды, емдеп, сауықтырып, білім беріп, жан-жақты дамуына қызмет етеді.

Заңды тұлға ретінде мектептің толық атауы Батыс Қазақстан облысы әкімдігі білім басқармасының «М.Өтемісұлы атындағы облыстық сауықтыру мектеп – интернаты» коммуналдық мемлекеттік мекемесі