Түсінік хат Қазіргі заманда жаһандану үдерісі ұлттардың мəдени келбетін, тілдік ерекшелігін сақтауға жаңа талаптар қойып отыр. Əлемдік ақпарат кеңістігіне еркін енген жастардың бойында ұлттық сананы, отансүйгіштік рухты қалыптастыру – бүгінгі білім берудің басты міндеттерінің бірі. Осы тұрғыдан алғанда, қазақ тілін оқыту тек грамматикалық құрылымдарды меңгерту емес, сонымен қатар ұлттық-мəдени құндылықтарды бойға сіңіру, рухани дүниесін байыту құралы болуы тиіс. Қазақ тілі – халқымыздың өткені мен бүгіні, оның рухани коды, мəдени жадын сақтаушы. Сол себепті, тілді оқыту барысында халықтың тарихы, дəстүрі, əдет-ғұрпы, салт-санасы, ұлттық дүниетанымы қатар берілуі қажет. Бұл – студенттердің өз тілін құрметтеуге, мəдени мұраға қызығушылық танытуына, туған жеріне сүйіспеншілікпен қарауына мүмкіндік береді. Авторлық бағдарлама қазақ тілін оқыту арқылы студенттердің тілдік жəне мəдени құзыреттілігін қалыптастыруға бағытталған. Бағдарлама мазмұнында ұлттық ойындар, мақал-мəтелдер, тұрақты тір