Қазақстан- туған өлкем

Қазақстан-туған өлкем!

Балалардың Қазақстан Республикасы туралы білімдерін кеңейтіп, болашақта ел азаматы атына лайықты болуға тәрбиелеу, еліне, жеріне, Отанына деген сүйіспеншілігін арттыру мақсатында өткізілген сабақта еліміздің рәміздері, ұлттық салт-дәстүріне лайықты белгілер көрнекілікке алынып, сұрақ-жауап, түсіндіру, тақпақ, ән-би, көрініс көрсету әдіс-тәсілі қолданылады.

Сабақ еліміздің Әнұранымен басталады.

Тәрбиеші:

Бейбіт таңдар арайланып атады,

Туған жерді аймалайды шапағы.

Байтақ елім Қазақстан,

Ең бақытты балалардың Отаны.

(Елтаңба, Әнұран, Туды қолдарына ұстаған балалар тақпақ оқиды)

Аякөз:

Әнұраным-жан ұраным,

Айтар әнім-сөйлер сөзім.

Туған жерім-сағынарым,

Мәңгі бақи шырқалады,

Әнұраным-менің Қазақстаным!

Даяна:

Туымызға көгілдір,

Бір қарамай өтпейміз.

Сол көк тудың астында,

Көгереміз, көктейміз.

Көркем: Қазақстанның мемлекеттік Елтаңбасында көгілдір түс аясында шаңырақ бейнеленген. Шаңырақты айнала күн сәулесіндей тарап уықтар шашылған. Елтаңбаның төменгі жағында «Қазақстан» деген жазу бар. Қазақстанның Елтаңбасының реңдік бейнесі алтын және көгілдір түсті.

Тәрбиеші: Балалар, сендер сүйікті Отанымыздың қасиетті белгілерін, рәміздерін білесіңдер ме?

Балалар:Елтаңба, Ту, Әнұран!

Көркем: Отанды қорғау парыз!

Би: Батырлар

Ән: «Отан»

Балалар тақпақ айтады.

Аяжан:

Атам, Әжем, Әкем, Апам,

Төртеуі де «Отан» маған.

Төртеуі де «Ботам» дейді

Мақтанамын Отаныммен

Отаныма «Ботамын» мен.

Айымжан:

Мен оның күнін сүйем,

Түнін сүйем.

Мен оның құдіретті,

Тілін сүйем.

Мағжан:

Отан-әжем,

Отан-анам.

Туған ел деп,

Туған жер деп

Ол бекерге аталмаған.

Нұриман:

Великую землю,

Любимую землю.

Где мы родились и живем

Мы Родиной светлой,

Мы Родиной милой

Мы Родиной нашей завем.

Тәрбиеші:

Байтақ қазақ даласын,

Ақ көгершін шарлады.

Қуаныш, шаттық, жақсылықты,

Халыққа ол сыйлады.

Отан , Туған жер туралы мақал-мәтел айту

«Отан үшін отқа түс, күймейсің»

«Отансыз адам-ормансыз бұлбұл»

«Отан-оттан да ыстық»

«Отан қуат.Отбасы-шуақ»

«Туған жердей жер болмас,

Туған елдей ел болмас»

Тәрбиеші:

Балалар, Қазақстан Республикасы

Ол менің-Отаным,

Ол менің- тілім, отбасым, туған өлкем.

Ал мынау біздің байтақ жеріміз-деп (Қазақстанның жерін картадан көрсетеді)

ӘН. «Туған ел» әнімен сабақ аяқталады.