Д.А.Қонаев атындағы жалпы білім беретін мектебі

Қазақстан-біртұтас жер, біртұтас халық және біртұтас болашақ

Т Ә Р Б И Е С А Ғ А Т

Жіңішке ауылы 2023ж

Тақырыбы: Қазақстан-біртұтас жер, біртұтас халық және біртұтас болашақ

Мақсаты : 
1. Оқушылардың бойында Қазақстанның өткені мен бүгінгі өмірін салыстыра отырып, өз еліміздің даму тарихы туралы танымдарын қалыптастыру. Ұлттық сана сезімін, саяси сауаттылығын ояту. 
2.Қазақстанның болашақ дамуына өзіндік үлес қосатын жеке тұлға екендерін ұғындыру. Оқушы бойында саналы тәртіп,сапалы білім алуға дұрыс көзқарас қалыптастыру. Қоғамның бір мүшесі ретінде адам өмірі мен жақсы тұрмыстық құндылықтарын ұғындыру, жауапкершілік сезімдерін ояту. 
3. Оқушылардың ізденімпаздық қасиеттерін қалыптастыру, өткен тарихқа деген қызығушылығын ояту. 

Әдісі: Баяндау, түсіндіру. 

Көрнекілігі: Еліміздің рәміздерінің суреттері, нақыл сөздер, тірек-сызбалар 
Барысы: Амандасу, түгелдеу. 
І. Ұйымдастыру. 

ІІ. Кіріспе. 
Отанымыздың бақытты болашағы тек бірлікте.

* * * Отаны бірдің – тілегі бір, жүрегі бір.

* * * Көпұлтты ел болуымыз – біздің байлығымыз, мақтанышымыз.

* * * Қазақстан – бұл ортақ жер, біртұтас халық және ортақ келешек.

* * * Ассамблея – еліміздегі бірлік пен келісімнің киелі бесігі, тұтастық пен тұрақтылықтың құтты шаңырағы.

* * * Ұлтаралық татулық пен келісім көктен түскен бірдеңе емес. Ол мемлекет пен баршамыздың күнделікті саясатымыз бен практикамыздың нәтижесі.

* * * Ұлтаралық татулық пен келісім – қазақстандық ұлттық идеяның басты өзегі. * * * Ұлттар арасындағы сенім мен бірлік – әділ әлемдік тәртіптің негізі.

* * * Татулық пен келісім – еліміздің табысты дамуының базалық факторы.

* * * Біздің басты байлығымыз – халықтар мен діндер арасындағы татулық пен келісім. * * * Қазақстан халқы біртұтас, бірлігі мызғымас кемел елге айналды.

* * * Қазақстан – көпұлтты мемлекет. Мәдени тұрғыдан алғанда мұның өзі демократиялық мемлекеттің алдына қатаң талаптар тартады деген сөз.

* * * Біз тыныштық арқылы – тұрақтылыққа, татулық арқылы – тұтастыққа қол жеткіздік.

* * * Қазақтың ертеңін, өзінің, бала-шағасының ертеңін ойлаған адам алдымен осы елдегі тыныштықты ойлауы керек.

* * * Ұлтаралық және конфессияаралық қарым-қатынастардың саясаттануына жол бермегеніміз – біздің маңызды жетістігіміз.

* * * Халық бірлігі дегеніміз, бұл ең алдымен мемлекеттік институттардың бірлігі. * * * Біздің ең басты байлығымыз – берекелі бірлігіміз.

* * * Мен ауызбіршіліктен айнымайтын ақжүрек жұртымның қуатты ұлтқа, шуақты ұлысқа айналуына кәміл сенемін.

* * * Ырыс – ынтымаққа жолығады, дәулет – бірлікпен толығады.

* * * Қазақ халқының ынтымағы мен бірлігі болмайынша, мемлекетіміздің тұтастық келбетін сақтау мүмкін емес.

* * * Ел бірлігі – ең асыл қасиет.

* * * Бірлік – біздің қасиетті туымыз.

* * * Үдеудің сыры – бірлікте, жүдеудің сыры – алауыздықта.

* * * Бірлігі жақсының тірлігі тапшы болмайды.

* * * Ауызбіршілік жоқ жерде ешқашан да ұлттық идеялар жүзеге асқан емес.

* * * Бабаларымыз өзгелердің төріне шығу үшін өзі де меймандарына қақ төрінен орын беріп, құрмет көрсеткен.

* * * Еңсесі биік елдікке есі кеткен ғана топырақ шашады.

* * * Өз халқын сүйетін адам, өз жұртына жақсылық тілеген кісі өзге халықтарды ашындырмайды, өз ұлтын ешкімге қарсы қоймайды.

* * * Қазақстандағы ұлтаралық жарастықтың негізгі ұйытқысы болу міндетін алдымен осы Атамекеннің иесі – қазақ халқы өз мойнына алуы керек.

* * * Дүниеде өзара сенім мен ынтымақтастық негізінде шешуге болмайтын проблемалар жоқ екеніне сенімдімін. Мұны ұғыну үміт ұялатып, болашаққа деген сенімді нығайтады.
Біз көппіз және бәріміз – бір Елміз, бір халықпыз. 
Біз осы құндылықтарды қазақстандықтардың әрбір болашақ буынына аялай ұсынуымыз керек. 
Бейбіт күндегі белестерді бағындырып, алдағы сындардан сүрінбей өтеріміз, ең алдымен, өзімізге, бірлігіміз бен берекемізге байланысты. 
Біз бәріміз бір атаның – қазақ халқының ұлымыз. 
Бәріміздің де туған жеріміз біреу – ол қасиетті қазақ даласы. 
Бұл дүниеде біздің бір ғана Отанымыз бар, ол – тәуелсіз Қазақстан. 
Біз болашаққа көз тігіп, тәуелсіз елімізді «Мәңгілік Ел» етуді мұрат қылдық. 
III. Сұрақ-жауап 
2.Мемлекеттік рәміздерді атаңыз. 
3.Тудың авторын атаңыз. 
4.Елтаңбаның авторы кім? 
5.Әнұранның сөзі мен әнін кімдер жазған? (Сөзі:Жұмекен Нәжімеденов, Нұрсұлтан Назарбаев. Әні: Шәмші Қалдаяқов) 
6.Қазақстан қашан тәуелсіз ел болды? (1991 жылы 16 желтоқсан) 
7.Ұлттық валютаны айтыңыз? (теңге) 
8.Ата заңымыз қашан қабылданды, биыл неше жыл?(1995ж.30тамызда,16 жыл) 
10.Алматының орталық алаңындағы «Тәуелсіздік монументі» ескерткіші қай жылы, кім үшін қойылған, ол туралы не білесіз?(1996ж. 16 желтоқсанда). 
IV. Сөзжұмбақ «Жолдау» сөзі шығу керек. 
1. Әлемдік сөзінің синонимі (Жаһандық) 
2. Отағасының антонимі (Отанасы) 
3. Ата-ана тәрбиелейді? (баЛа) 
4. «…-біздің табысты болашағымыздың негізі» (Ұлт Денсаулығы) 
5. Тіл дамуы, сақталуы үшін қандай қаріпке көшпекпіз? (лАтын) 
6. Ел ертеңі жарқын болу үшін не істеу керек? (Білім алУ) 
(ЖОЛДАУ сөз шықты) 

V. Қорытынды.