«Қазақстан халықтарының бірлігі жасасын!»

Барысы:
Айтуар И.: Қайырлы күн, ардақты ұстаздар!
Нұрай: Құрметті қонақтар мен оқушылар! Бірлік күніне арналған «Нұршашу» тобының ертеңгілігіне қош келдіңіздер.
Айтуар И.: Мен қазақпын, мың өліп, мың тірілген,
Жүрегімде таныстым мың тіліммен.
Жылағанда жүрегім күн тұтылып,
Қуанғанда күлкімнен күн түрілген.
Нұрай: Мен – қазақпын, биікпін, байтақ елмін,
Қайта тудым өмірге қайта келдім.
Мен мың да бір тірілдім мәңгі өлмеске,
Айта бергім келеді, айта бергім.
Айтуар И.: Қазақстан Республикасында қазіргі таңда 130 - дан астам ұлттар мен ұлыстар мекендейді.
Ән: «Ағайынбыз бәріміз»
Нұрай.: Құрметті қонақтар! Бүгінгі кешімізде біз 4 ұлт өкілдерінің басын қосып отырмыз.
Түріктер би

Тақпақтар:

Расул:Мамырдың бірі, достық күні
Ән салып, билеген халықтың үні.
Тұтасып, тойлаған ұлттар,
Керемет мереке, мамырдың бірі.

Дінмұхаммед:Әр алуан тірлікпен
Әлемде жатыр мыңдап ел.
Айнымас достық, бірліктің
Аймағын көрсең, мұнда кел!...
Ақжүрек: Теңсіздік терең көмілді,
Шаттықтан шалқып өнді үнім,
Баршасы мұнда көңілді
Ақ, қара, сары өңдінің...
Арлан: Артықша таза моральды
Ақ, қара жігі, қыз қандай!
Махаббат қайта жаралды,
Жүректен жүрек қызғанбай.
Әлмансур:Күндерден ортақ сыбаға,
Күресте дайым біргеміз.
Арада жол жоқ сынаға,
Мәрмәрдай тұтас іргеміз.
Айсана:Өлкемде өлмес тірі аңыз
Қалады жаздан, қыстан да.
Жұрағат жұрттар тұрамыз
Осындай Қазақстанда...

Айтуар И.: Ортақ мекен жер шары,
Төбемізде бір аспан.
Барлық ұлттың баласы,
Достығымыз жарасқан.,
Ән: «Достық»

Нұрай:Ортақ жердің байлығы.
Еңбек ортақ, жыр ортақ,
Ортақ бізге барлығы.
Байлықтың ең үлкені – халықтар достығы,- дей отырып, орыс биін тамашалауға шақырамыз.
Тақпақтар:

Данелия: Сары, ақпыз, қарамыз,
Бәріміз де баламыз.
Бір Отанда тұрамыз,
Бір мектепке барамыз.

Асанали: Алтай, Кавказ ұласып,
Баурайы бұйрат кең жатыр.
Бақыттың әні асқақтап,
Құлаққа даусы кеп жатыр.

Иманали: Қырғыз, қазақ, өзбектер,
Монғол, ұйғыр, дүнгендер.
Армян, тәжік, грузин,
Орыс пенен украин,
Терезесі тең жатыр.

Аңсар: Тыңда, тыңда, тыңда мені
Ұлы жұртым орыс халқым
Сен тербетіп өсіргенсің,
Сенің даңқың, менің даңқым.

Алим: Ақпыз, қара, сарымыз
Ағайынбыз бәріміз
Ортақ болсын асқар тау
Жеміс толы бақша-бау
Болсын жер мен су ортақ
Болсын бізге ну ортақ
Ақпыз, қара, сарымыз
Ағайынбыз бәріміз!

Айтуар И.: Елім менің, жарқыраған, жайнаған,
Бақ біткенде бұлбұл құсы сайраған.
Елім менің биіктігі шарайнам,
Қыран құсы көгінде мың самғаған!
Бүгін біздің кешімізге кәріс ұлтының өкілі келіп отыр.
Корея биін тамашалаңыздар!
Нұрай: Ағайын – туған – бар адам,
Адалдық үшін жаралған.
Бар қымбат туыстық,
Баянды болсын тыныштық!
Ән: « Қазақтың ұлдары» Айтуар И.: Тілегі бір,
Жүрегі бір,
Достармен біз біргеміз.
Туыс барда құрыштан да,
Берік біздің іргеміз!

Тақпақтар:

Назар: Ақ, қара деп алдымен
Елім бөлмес адамды
Дәстүр, өнер салтымен
Таңқалдырған ғаламды.

Адия: Достар болса достық атын ақтаған
Алыс жолда – жақын жол
Қара бала, сары бала, ақ бала
Туыстардай тату бол.

Омар:Қазақ жері – қонақжай төрдің жері.
Қазақ елі қас сақтай ердің елі.
Толқынында тарихтың қуғын көрген
Барша ұлтқа құт мекен болған еді.
Зобалаңда көп шеккен қасіретті
Ұлт ұрпағы өнерлі, өсиетті.
Риза көңілменен елге деген,
Арнайды барша халық ақ тілекті.

Медина: Мамырдың бірі, достық күні
Ән салып, билеген халықтың үні.
Тұтасып, тойлаған ұлттар,
Керемет мереке, мамырдың бірі.
Нұрай: Жер – анамыз жасайды тарлық кімге,
Кетпеу үшін мәңгілік қалқып түнде.
Қайталанып, жаңарып айтылады,
Бейбітшілік деген сөз барлық тілде,- дей отырып, орыс биін тамашалауға шақырамыз.
Айтуар И.: Халқы жомарт, даласы дархан, орманы қарған, таулары қалқан болған ақ бесік Атамекені бар, сол мекенде жусанның жұпар иісін иіскеген, өздігінен ешкімге тиіспеген елміз!

Ән: « Бірлік »

Тақпақтар:

Али: Дос болып түрлі халықтар,
Жасайтұғын ғасырмын.
Бақыт шымын әлемге
Ұмытылмас асылмын. Жасмин: Достық – шырағымыз,
Достық – ұранымыз.
Достық туымыз,
Достық әніміз. Ханарыс: Достықты үлгі санаған,
Бір үйде біз тұрамыз.
Қалған ата-бабадан,
Бірлік асыл мұрамыз. Айтуар О.: Бірінші мамыр той-тойлап,
Қарсылаймыз бәріміз.
Көп ұлтты тату-тәтті халықпыз.
Бізге тәнті қызығады бар әлем,

Мәди: Бірлік достық айырылмас әніміз
Бірге жүріп,бірге оны шырқаймыз
Өзбек,орыс,түрік бол
Дос болудан қашпаймыз.

Нұрай: Қазақстан сияқты жас мемлекеттің өркендеуінің бір кепілі еліміздегі ынтымақтастық пен бейбіт өмір! ,- дей отырып, өзбек биін тамашалауға шақырамыз.
Айтуар И.: Қазақстан халықтарының бірлігі жасасын!
Нұрай: Осымен, бүгінгі мерекелік кешімізді аяқтаймыз.
І - ІІ жүргізуші: Сау - саламатта болыңыздар!