Қазақстаннан шыққан алғашқы әнші: Yenlik-тің әлемдік COLORS SHOW сахнасына бастапқы қадамы.

Yenlik-тің әлемдік сахнаға жолы өте сәтті басталды. Қазақ музыкасы соңғы жылдары жаңа тыныс алып, заманауи бағытта қарқынды дамып келеді. Қазақ тілін сақтай отырып, әлемдік трендермен үйлесім табу бүгінгі жас орындаушылардың басты ерекшелігі. Сол жаңа толқынның айқын өкілі – Yenlik. Оның шығармашылығы тек отандық тыңдарманмен шектелмей, халықаралық аудиторияның да назарын аударып отыр. Бұл оңай жетістік емес, жетістіктін артында шын мәнінде қаншама еңбек пен шыдамдылық, нақты стратегия жатыр. Бұл жайлы Yenlik-тің өзі әлеуметтік желіде: « Бірнеше жыл бұрын COLORS жобасына қатысуға өтініш бердім, бірақ жауап алмадым », - деп бөліскен болатын.

Әлемдік сахнаға шығу – әрбір орындаушы үшін үлкен сынақ. Yenlik үшін маңызды кезең COLORS SHOW жобасына қатысумен айқындалды. Берлинде негізі қаланған бұл платформа заманауи музыкалармен, әрбір елдегі талантты адамдарды іріктеп, халықаралық аудиоторияға ұсынады. Бұған дейін Billie Eilish, Doja Cat, Jorja Smith сынды әлемдік жұлдыздар өнер көрсеткен сахнада Yenlik-тің пайда болуы – Қазақстандық музыка индустриясы үшін жетістік. Бұл жетістік орындаушы Yenlik-тің ғана емес, тұтас бір елдің мәдени әлеутін танытатын маңызды қадам болды. Бұл жетістік қазақстанның жаңа бір қырын көрсетті.

Ал Yenlik-тің алдағы шығармашылық жолы қазақ музыкасының халықаралық деңгейде әлі талай биікті бағындыратыны сөз емес.