Топтардағы жұмыстан көріністер

Постерлер

Сабаққа рефлексивті есеп

«Үзілді – кесілді пікір емес,тыңдаушы танымын оятатын болжамдарды айтатын ұстаз ең үздік болып табылады.»

Роберт Бульвер - Литтан

Дәрменсіз, Мазасыз, Қорғанатын, Риза болған, Өте сақ оқушылар кіші мектеп жасындағы балалардың арасында да жетерлік. Олардың жас ерекшеліктері, жеке психологиялық даму жағдайына мән беру қажеттігі тағы бар. Дегенмен жоғарыдағы қасиеттері бойынша сипатталған балалардың сабақтарда бүкіл уақыт аралығында белсенді жұмыс істеуіне түрткі болатын оқытудың жаңа әдіс - тәсілдерінің орны ерекше. Әр сабақты жоспарлауда сынып жетекшісі Ричард Даранттың“Үздік” сабақтың алты белгісіне сүйенемін. Ең алдымен, сабақты керемет қылатын идеялардың негізгі айқын, анықталған мақсаттарды табу деп санаймын. Өйткені сәтті сабақтарға тән ерекшеліктердің бірі – олардың іс – әрекеттерінің мақсатпен сәйкестілігі. Керемет сабақтарда оқушылар пән бойынша кең және жан – жақты білім беретіндей ақпарат алып шығады. Сонымен, менің сабағымды керемет қылатын идеялардың бәрі оқытудың жаңа әдістерінің бірі – “Диалог негізінде оқытуға”, топтың жұмыстарды орындауға тоқталамын. Кейбір сабақтарымда диалогтың қаншалықты оқушының білім алуына әсері болғанын зерделейтін ақпараттарды тәжірибемен байланыстырып отырмын.

Сабақты өткізуге даярлық кезінде Мемлекеттік стандартқа, оқу бағдарламасына, оқулыққа, жеке тәжірибеме, жаңа формация мұғалімдерінің деңгейлік курсында оқыған «Мұғалімге арналған нұсқаулық» теориясының негіздерінесүйендім. Сабақта жеті модульді енгізу идеясын жүзеге асырудың әдіс-тәсілдерін таңдадым.

Сыныпты 4 топқа бөлу сәтінен- ақ оқушыларды сыни ойлай алуға бағыттадым. Анығырақ тоқталсам, топтарға Күн, Жер, Ай, Темірқазық сынды аспан денелерінің басты белгілерін анықтау арқылы бөліну кезінде оқушылар ойларын дәлелді түрде жеткізе алды. Осылайша, әр топ өз топтарының атауларын қорғау кезінде бұрын игерген білімдерін сын тұрғысынан ойлау арқылы жаңғыртуға мүмкіндік алды. Бұл өз кезегінде сабақтың қызығушылықты ояту кезеңінде сынып ішінде жағымды ахуалдың орнауына ықпалын тигізді. Үй тапсырмасы тест сұрақтарына жауап беру арқылы пысықталып қана қоймай, оқушылардың бір- бірін бағалау жағдайында өтуі сабақтағы ынтымақтастық атмосфераны жетілдіре түсті.

Жаң сабаққа кіріспе үшін қойылған сұрақтар Блумның сұрақ қою өлшеміне сәйкес келді. Сұрақтарға жауап қысқа қайырылды, келтірген болжамдары да қысқа болды.

Мәселе жауаптардың қысқа я болмаса бірдей немесе әртүрлілігінде емес, Мерсер мен Литлонның (2007) еңбектерінде атап көрсеткендей, диалог сабақта оқушылардың қызығушылығын арттырумен қатар, олардың білім деңгейінің өсуіне үлес қосатындығында/Нұсқаулық, 39– бет/.

Сабақтың «Ой толғаныс» кезеңінде жүргізілген топтық жұмыстар сын тұрғысынан ойлау технологиясының стратегияларына негізделді. Жаңа сабақты оқу, топта талдау кезінде бақылауға алған А, В, С оқушылардың іс- әрекетіне төмендегідей сипаттама бере аламын.

А оқушы оқу озаты, көшбасшылыққа ұмтылуға бейім тұрады. Бұрынғы сабақтарда топ басшысы болып сайланбағандықтан ба, белсенділігі байқалса да, топ мүшелерінің алдында басымдылығын көрсетпейтін. Осы ретте А оқушының көшбасшылығының басымдылығының әсерінен топ тапсырмалардың бәрін өзге топтарға қарағанда бірінші орындап отырды.

А оқушының тобында болған С оқушы әдеттегіден біршама белсенділік танытып отырды. Сыныпты топқа бөлу, топпен жұмысты ұйымдастыруда бір- біріне ықпал ететін балаларды дұрыс тану және олардың бірге жұмыс жасауына жағдай тудыру үрдісін жетілдіру тиімді болатынын іс- тәжірибе бірнеше мәрте көрсетіп отыр. А және С оқушылар болған топта небәрі 4 оқушы болды. А және С оқушылар Байқоңыр сөзіне құраған ассоциацияларын бірге қорғауы көрінісі Мерсердің (2005) құрдастар тобындағы өзара қарым- қатынас оқуда оқуда маңызды рөл атқаратынын көрсеткеннің дәлелі дер едім.Сабақта байқалған екі көрініс Мерсердің(2005) құрдастар тобындағы өзара қарым–қатынас оқуда маңызды рөл атқаратынын көрсеткенінің дәлелі дер едім. /Нұсқаулық, 29бет/

Бақылауға алынған В оқушыға келсек, топ басшысы рөліндегі көшбасшылығы айқын болды. Топ мүшелері алдындағы өзіне жүктелген жауапкершілікті терең сезінгені сабақ бойы жасаған іс

- әрекетінен анық байқалып тұрды. В оқушы қасындағыларға нұсқау беріп отырды, топ мүшелерімен жағымды байланысқа түсіп отырды. Топ басшысы ретінде өзге топ басшыларымен бәсекеге түсуге қабілетті екендігін байқатты.

Топ басшылары болған А, В оқушылар бағалау критерийлері арқылы өз топтарындағы оқушыларды объективті түрде бағалауға қиналды.Оқушылар да кері байланыс кезінде өздерін жоғары бағалауға ұмтылды.

Осы жерде түйгенім, оқушылардың өзіндік сыни ойларына сүйену арқылы бағалау дағдысын қалыптастыруды жетілдіруге көңіл бөлу керек сияқты.

Балалар бұл сабақта үйренді:

• Болжау жасауға;

• Жұппен, топпен жұмыс істеуге;

• Көшбасшылық жасауға;

• Ақпараттарды салыстыра білуге;

• Бір-бірін тыңдауға, толықтыруға;

• Өз ойларын білдіруге;

• Регламент сақтауға

Сыныптағы диалогтің маңызын оқушылармен бірге түсінуге педагогикалық-психологиялық тұрғыдан жағымды ахуал тудыруға әрекет етуді жетілдірудемін. Диалог негізінде оқушыларды сындарлы сөйлеуге ынталандыруға, сыни тұрғыдан ойлауға ықпал ету міндеттерін ұсынамын. Кемшіліктер де жоқ емес. Оқушыларды байланыстыруын сөйлеудің қарапайым дағдыларына ғана үйретіп қоймай, оқу үрдісінде оң нәтижеге жету үшін оқушылардың ойлау қабілетін ашатын, айқындайтын және кеңейтетін сауалнамалардың әсерін саралап отырамын. Оқытудың әдіс – тәсілдері мақсатқа жетудің әдіс тәсілдері, бірақ мақсаттың өзі емес екендігіне баса назар аудару керектігін жеке тәрбиелерден көзімді жеткіздім.

Математика пәнінен өткен сабақтың рефлексивті есебі

2015-2016 оқу жылының 1- тоқсанында 2 «Ғ» сыныбында математика пәнінен әріптестеріммен тәжірибе алмасу мақсатында « 18- түріндегі азайту» тақырыбында ашық сабақ өткіздім. Бұл сабақты «Сын тұрғысынан ойлау» негізінде құрып өткіздім. Сабақтың жалпы мақсаты: Сандардың ондық құрамы негізінде 18- айырмасының мәндерін табуды үйрену. Түйінді идеялары: Математикалық материалға алгоритмдік ұйғарымдар мен ережелерді қолдану білігін қалыптастыру ; әр түрлі қарапайы есептерді шығару білігін жетілдіру; салыстыру және орнына қою білігін дамыту. Сабақтың соңында оқыту нәтижесі көрсеткендей оқушылар топтық, жұптық, өздік жұмыстар негізінде 18- түріндегі азайтуды орындау дағдысы меңгерілді. Бұл сабаққа берілген тапсырмаларда аспан денелері туралы мағлұматтар берілгендіктен аймақтық компонент ретінде сабақтың Қызығушылықты ояту кезеңінде оқушылардың «Байқоңыр» ғарыш айлағы, қазақстандық ғарышкерлер туралы білімдері қысқаша пысықталды. Үй тапсырмасын тексеру жекелей жұмысқа негізделді. Өйткені алдыңғы сабақтарда қарастырылған ондықтан аттап қосу, азайту жағдайларына сәйкес оқушылардың ауызша есептеу дағдысы қаншалықты деңгейде екендігін анықтау қажеттілігі туындаған болатын. Үй жұмысын тексеру көрсеткендей, сынып оқушыларының көпшілігі ондықтан аттап қосу, азайту жағдайларын тәп- тәуір меңгергендіктерін байқатты. Сабақтың Мағынаны тану кезеңінде ширату тапсырмалары ретінде граф арқылы орындалатын логткалық жаттығулар берілді. Оқушылар бұл жұмысты топпен орындады. Топтық жұмыстар ары қарай оқулықтағы тапсырмаларды орындау кезінде де жалғасын тапты. Топпен сызбалар бойынша теңдеулер құрылып, шешілді. Берілген есептер шығарылды. Топ болып құрған теңдеулерін тексерді. Сабақта негізгі бағалау мұғалімнің бағалауы болды. Міне, балалар, көзді ашып-жұмғанша жерге де оралдық. Рефлексияда оқушылар сабақта көрсеткен білімдерін түрлі-түсті адам сұлбасын ағашқа орналастыру арқылы өздерін бағалады .

«№38 жалпы орта білім беретін мектеп-лицей» КММ

Пәні: математика

2-сынып

Т ақырыбы: 18- түріндегі азайту

Өткізген: №38 жалпы орта білім беретін мектеп-лицейдің бастауыш сынып мұғалімі Кудайбергенова Жанар Калиевна

Семей қаласы

29.10.2015ж.

2 «Ғ» сынып. 26.10.15ж.

Математика: 18-□ түріндегі азайту