Қазақстанның заманауи суретшілері

Қысқа мерзімді сабақ жоспары

Машықкердің аты- жөні: Нұрболатқызы Перизат

Күні: 23.09.20

Мектеп: №3 ЖОББМ

Сынып: 7 «А»

Қатысқандар саны:

Қатыспағандар саны:

Сабақтың тақырыбы:

Қазақстанның заманауи суретшілері

Сабақтың мақсаты:

Білімділік: Тарихи және мәдени шығу тегі әртүрлі өнер, қолөнер мен дизайн туындыларының ерекшеліктерін өз бетінше зерделеу және сипаттау

Дамытушылық: жұмысты орындау барысында қызығушылықтарын, ойлау қабілеттерін дамыту

Тәрбиелік: оқушыларды эстетикалық тұрғыда тәрбиелеу, ұқыптылыққа, іскерлікке, шыдамдылыққа тәрбиелеу.

Бағалау критерийлері:

Оқушылардың бірін-бірі бағалауы , өзін-өзі бағалау және мұғалімнің бағалау.

Күтілетін нәтиже:

Оқушылардың жаңа тақырыпты терең түсінуі.

Көрнекіліктер

Бейнеролик.

Сабақтың Жоспарлаңған кезеңдері:

Сабақтағы жоспарланған іс –әрекет.

Ресурстар

Сабақтың басы

9 минут

Ұйымдастыру кезеңі:

-Амандасу,түгендеу.

-Жаңа тақырып түсіндіру

Қазақстан Республикасында бүкіл әлемге танымал заманауи суретшілер бар.

Атап айтқанда:

Ерболат Тоғысбайұлы Төлепбай - қазақстандық әлемге танымал суретші-кескіндемеші. Қазақстанның жері мен адамдары, даласы мен қаласы, өткені мен қазіргісі, адамға деген сүйіспеншілік пен туған жері үшін жауапкершілік – суретші жұмыстарының басты тақырыптары болып табылады.

Лейла Махат – кәсіби қылқалам шебері, ол Чехиядағы бейнелеу өнер академиясының құрметті мүшесі, Еуропа көркемөнеріне сіңірген еңбегі үшін Франц Кафка медалімен марапатталған. Оның туындылары тек елімізде емес, шетелдегі бірқатар мұражайларда сақтаулы.

Анара Абжанова – авторлық стилі бар қылқалам шебері. Ол тек елімізде емес, АҚШ, Иран, Жапония, Ресей, Франция, Италия және т.б мемлекеттерде өз картиналарымен танылып, жеңіспен оралған. Анара – "100 жаңа есім" жобасының жеңімпаздырының бірі.

Ақжан Абдалиева - Стамбул университетінің өнер докторантурасын тәмамдаған суретші. Оның ерекше қолтаңбасы әр туындысынан көрінеді. Басты ұстанымы – коммерциялық өнерден бас тарту. Яғни, Ақжан тапсырыспен ешқашан сурет салған емес, сол сияқты өз туындысын сатып көрмеген. Оның шығармасынан күрделі оқиғаларды көрмейсіз. Бұл өмірден алынған көріністер. Ақжанның суреттері көбінесе бірлікке бастайды.

Динара Дүкенбаева - сурет өнерінде кәсіби білімі жоқ. Бұл оның талантын көрсетуде ешқандай кедергі келтірмейтіндей. Ол жасаған суреттер иррония мен әзілге толы. Оның кейіпкерлері шынайылығымен ерекшеленеді. «Мен үшін сурет деген – өмір сүру салты мен өз болмысымды көрсетудегі таптырмас құрал. Мені адамдар шабыттандырады. Әр түрлі мінез-құлықты адамдарды суретіме арқау етемін. Тағы бір қызығы, мынау туындым өзіме қатты ұнайды деп біреуін бөліп-жарып айта алмайды екенмін. Әлі үйренуші болғандықтан да шығар» - дейді ол.

https://youtu.be/Bhw_Jia79ZA

Сабақтың ортасы:

20 минут

-Практикалық жұмыс

Қазақстанның заманауи суретшілерінің бір туындысын бейнелеу.

Анара Абжанова Динара Дүкенбаева Лейла Махат

Ақжан Абдалиева Ерболат Төлепбай

Қарындаш, түрлі-түсті бояулар, өшіргіш.

Сабақтың соңы:

10минут

-Қорытынды:

Қазақстан республикасы қысқа тарихи мерзімде өмірдің әр саласына көптеген жетістіктерге қол жеткізді. Бұл жетістктер бейнелеу өнерінде де көрініс тапты. Түрлі бағытта жұмыс істейтін суретшілер көбейді. Қазақстан суретшілерінің жұмыстары этностильдік ерекшеліктерімен көзге түседі.

-Рефлексия:

Сұрақ-жауап:

1.Қазақстанның ең тұңғыш суретшісі атанған кім?

2.Тағы қандай суретшілерді білеміз?

3.Суретшілер шығармалары қандай әсер қалдырды?

Үйге тапсырма беру:

1минут

Қазақстанның заманауи суретшілері, Лейла Махат, Ақжан Абдалиева, Динара Дүкенбаева, Анара Абжанова, Ерболат Төлепбайдың бір суретін бейнелеп, ол сурет туралы қысқаша мағлұмат беру.