Автор: Мансұр Үйсінбай

Қазақты әлемге танытатын қандай кино?

Сіз кино көргенді жақсы көресіз бе? Әр адамның көретін киносы, таңдаған жанры ол туралы белгілі бір деңгейде ақпарат бере алады. Дәл қазір кино мен кейіпкер туралы сөз қозғаймыз.

Маған отандық кинолар ұнайды. Себебі мен шетелдің киноларын көп көре бермеймін. Менің сүйікті киноларымның басты кейіпкері – Нұрлан Қоянбаев. Ол 19 шілде 1979 жылы дүниеге келді. Нұрлан аға Қазақстандық продюсер, тележүргізуші және актер. КВН да «Казахи» және «Астана.kz» командаларының капитаны. «Qazaqstan» телеарнасында көрсетілген «Түнгі студия» бағдарламасының жүргізушісі болған.

Оның көптеген жеке сериалдары мен түсірген фильмдері бар. Мысалы "Бизнес по Казахский", "Бизнес по Казахский в Америке", "Бизнес по Казахский в Африке" және былтырғы жылы "Бизнес по Казахский в Корее" шықты. Биыл немесе келесі жылы "Бизнес по Казахский в Турций" шығады. Бұл киноны түсірген себебі: осы кино арқылы қазақты бар әлемге таныту. Сондай-ақ қазақ пен әлемдік деңгейде танымал өзге елдердің мәдениеті мен болмысын ұштастыру. Нұрлан Қоянбаев бұл кинодан басқа "Каникулы в Таиланде" және "My love is Aisulu" атты романтикалық фильмдер түсірді.

Нұрлан ағаның әр бір киносы міндетті түрде комедия жанрында болады. Қазіргі таңда ұтымды ойды сапалы әзілмен жеткізу оңай емес. Нұрлан аға дәл осы тұста басымдылық танытып отыр. Оның әзілдері жастарға да қарт кісілерге де өтімді.

Елімізде кино саласы қарқынды дамып келе жатқаны мені қуантады. Отандық өнімді қолдау үшін жаңа шыққан киноларға міндетті түрде барып тұрамын. Осылайша, ел ағаларының атқарып жатқан ерен еңбегінің ақталуына өз үлесімді қосамын. Сені де шақырамын!