Ұзақ мерзім ді жоспардың тарауы: 5.3C Жиын

Мектеп: ЖОББ Қ.Сәтбаев атындағы мектебі

Күні: 13.03.2018 ж

Мұғалімнің аты-жөні: Ерғали Ж.Т

Сынып: 5 «б» сынып

Қатысқаны: 15

Қатыспағаны: 0

Сабақтың тақырыбы:

Жиындардың бірігуі мен қиылысуы

Осы сабақта қолжеткізетін оқу мақсаттары (оқу бағдарламасына сілтеме)

5.4.1.2

жиындардың қиылысуы және бірігуі анықтамаларын білу;

5.4.1.3

берілген жиындардың қиылысуы мен бірігуін табу, нәтижесін символдарын қолданып жазу;

Сабақтың мақсаты:

Барлық оқушылар орындай алады:

Жиындардың қиылысуы және бірігуінің анықтамаларын біледі.

Оқушылардың көпшілігі орындай алады:

Берілген жиындардың қиылысуы мен бірігуін табады және нәтижесін символдарын қолданып жаза алады.

Кейбір оқушылар орындай алады:

Бірнеше жиындардың қиылысуы мен бірігуін табады және күрделі есептерді талдап, шеше алады.

Бағалау критерийі

- Жиындардың қиылысуы және бірігуі анықтамаларын біледі.

- Берілген жиындардың қиылысуы мен бірігуін табады және нәтижесін символдарын қолданып жазады.

-Бірнеше жиындардың қиылысуы мен бірігуін табады және күрделі есептерді шешіп талдайды.

Тілдік мақсаттар

Жиындардың қиылысу мен бірігуінің анықтамаларын біледі және таба алады.

Лексика мен терминология

- Жиын, бірігу, қиылысу, ішкі жиын. Эйлер-Венн дөңгелегі.

Диалогтік

Жиын дегеніміз не?

Жиындардың бірігуі дегеніміз не?

Жиындардың қиылысуы дегеніміз не?

Құндылықтарға баулу

Ынтымақтастық, бірлік, өмір бойы білім алу,

бір-біріне құрмет пен жауапкершілік.

Пәнаралық байланыс

Бейнелеу, жаратылыстану

Алдыңғы білім

Жиын және элементтері, ішкі жиын туралы біледі.

Сабақтың барысы:

1

Сабақтағы жоспарланған жаттығу түрлері

Ресурстар

Сабақтың басы

( минут)

2 минут

3 минут

Ұйымдастыру бөлімі (оқушылардың сабаққа дайындығына көңіл бөлу).

Ширату жаттығу.

Нұсқау: Оқушыларды шаттық шеңберіне тұруға шақырамын. Оқушылар бір-біріне жақсы лебіздерін арнайды. Алдарына құпия сандықшасын ұсынамын. («Құпия сандықша» деп аталу себебі, балалар үшін ішіндегі тапсырмалар құпия ) Сандықшадан әр түрлі фигураларды суырады. Сол фигура бойынша топқа бөлінеді.

І топ , ІІ топ.

«Сұрақты қағып ал» арқылы

1. Жиын дегеніміз не?

2. Жиындарға мысалдар келтіріңдер.

3. Жиындарға тиісті нәрселер, объектілер қалай аталады?

4. Қандай жиын бос жиын деп аталады?

5. Ішкі жиын дегеніміз не?

6.Тең жиын дегеніміз не?

ҚБ: «Шапалақ» арқылы бағалау.

Фигуралар қиындысы

Сұрақтар салынған қапшықтар

Сабақтың ортасы

(10 минут)

5 минут

10 минут

2 минут

«Жаңа білімді меңгеру».

Ой қозғау

«Елші» әдісін қолдану.

Тақырыпты оқушылар өз бетімен оқып, топта талқылайды. Әр топтан бір оқушы шығып, басқа топқа барып тыңдап, ақпарат жинақтап, өз топтарына келіп түсіндіреді. Топ басшысы шығып постерде қорғайды.

І топқа: Жиындардың бірігуі

ІІ топқа: Жиындардың қиылысуы

ҚБ: «Бағдаршам» арқылы бағалайды.

Топтар бірін бірі бағалағаннан кейін мұғалім тақтадағы слайд арқылы тақырыпты түйіндейді.

А В= - қиылысу

K L={x | x∈K немесе x∈L}

«Ойлан –жұптас - бөліс»

Әр топқа үлестірмелі карточка беріледі. Оқушылар топта орындап талқылайды.

І топ:

1)Дәптерге 5.15-суреттегі жиындардың кескіндерін салыңдар.

1) Жиындардың қиылысуын көк түспен бояп көрсетіңдер.

2) Бірігуін қызыл түспен бояңдар.

2) «Марс» және «Уран» сөздеріндегі әріптерден:

1) А жиынын және В жиынын құрастырып жазыңдар;

2) А және В жиындарының қиылысуын жазыңдар;

3) А және В жиындарының бірігуін жазыңдар.

ІІ топ:

1) 5.16-суретте Эйлер–Венн дөңгелектерімен А

және В жиындары кескінделген.

а) А жиынын; ә) В жиынын; б) A B ; в) A B

элементтерімен жазыңдар.

2) • 56 санының бөлгіштерінің Х жиынын;

• 32 санының бөлгіштерінің Y жиынын элементтерімен

жазыңдар;

• Х және Y жиындарының қиылысуындағы ең үлкен сан 56

және 32 сандары үшін қалай аталады?

ҚБ: «Шапалақ» арқылы бағалайды.

2. Саралау тәсілі. «Тапсырма».

Деңгейлік тапсырмалар.

А деңгейі

24 264 санындағы цифрлардың Е жиынын және 45 695

санындағы цифрлардың F жиынын элементтерімен жазыңдар:

1) Е және F жиындарының қиылысуын элементтерімен жазыңдар;

2) Е және F жиындарының бірігуін элементтерімен жазыңдар.

ҚБ: «Бағдаршам» әдісі арқылы бағалайды

В деңгейі

F – 4 санына еселік болатын алғашқы алты натурал сандар жиыны; K – 6 санына еселік болатын алғашқы бес натурал сандар жиыны. F және K жиындарының қиылысуын белгілеп, оны элементтерімен жазыңдар. F K-дағы ең кіші сан 4 және 6 сандары үшін қалай аталады?

ҚБ: «Бас бармақ» арқылы бағалайды.

С деңгейі

Есепті Эйлер-Венн диаграммасын пайдаланып шешіңіз:

32 оқушының барлығы спортпен шұғылданады. Олардың 20-сы футбол ойнағанды, ал 18-і волейбол ойнағанды ұнатады. Кейбір оқушылар спорттың екі түрімен де айналысады. Қанша оқушы: тек қана футбол ойнағанды, тек қана волейбол ойнағанды, ал қаншасы футбол ойнағанды да, волейбол ойнағанды да ұнататынын анықтаңыз.

ҚБ: «От шашу» арқылы бағалайды.

Сергіту сәті. « Бірге қайтала».

Интербелсенді тақтадан видеоролик жіберіледі. Оқушылар орындарынан тұрып бірге қайталап,билейді.

Флипчарт, маркерлер.

0

Интербелсенді тақта

Сабақ соңы

( минут)

10 минут

3 минут

Қалыптастырушы бағалау тапсырмалары.

Ойлау дағдыларының деңгейлері: білу, түсіну, қолдану, талдау, жинақтау.

Бағалау критерийлері: Жиындардың қиылысуы мен бірігуін анықтайды.

1-тапсырма

Суреттерді пайдаланып анықтаңыз:

1) А және В жиындарының бірігуін

2) А және В жиындарының қиылысуын.

Дескриптор:Білім алушы

• Екі жиынның бірігуін көрсетеді;

• Екі жиынның қиылысуын көрсетеді ;

Бағалау критерийлері: Берілген жиындардың қиылысуы мен бірігуін табады және нәтижесін символдарын қолданып жазады.

2 -тапсырма

?={?,?,?,?,?,?},?={?,?,?,?},?={?,?,?,?,?},?={?,?,?,?,?,?} жиындары берілген. Табыңыз:

a) A және D жиындарының бірігуін;

b) В және С жиындарының бірігуін;

c) А және В жиындарының қиылысуын;

d) С және D жиындарының қиылысуын

.

Дескриптор: Білім алушы

- берілген жиындардың қиылысуын анықтайды;

- берілген жиындардың бірігуін анықтайды;

- нәтижесін , символдарын қолданып жазады.

Бағалау критерийлері: Бірнеше жиындардың қиылысуы мен бірігуін табады және күрделі есептерді шешіп талдайды

3-тапсырма

5 сынып оқушыларының арасында олардың нені: балмұздақ немесе шоколадты көбірек жақсы көретіні жөнінде сауалнама жүргізілді. Сауалнама нәтижесі төмендегі суретте көрсетілген.

Келесі сұрақтарға жауап беріңіз:

a) Неше оқушы балмұздақты жақсы көреді?

b) Неше оқушы шоколадты жақсы көреді?

c) Балмұздақты да, шоколадты да жақсы көрмейтін оқушылар бар ма?

d) Тек қана балмұздақты жақсы көретін оқушылар саны?

e) Тек қана шоколадты жақсы көретін оқушылар саны?

f) Сауалнамаға барлығы неше оқушы қатысты?

Дескриптор. Білім алушы

- әр жиын үшін мәліметтерді анықтайды;

- жиындардың қиылысуында көрсетілген мәліметтерді қолданады;

- сауалнамаға қатысқан оқушылардың санын анықтайды. Кері байланыс:

Оқушылар сабақтан алған әсерін «Портфель, Еттартқыш, Себет» арқылы сабақтан алған әсерін білдіреді.

Портфель: бүгінгі сабақтан алған құнды мәліметтерім көп.

Еттартқыш: ... ұқтым, ... қажет деп алдым, әлі де ізденем, ....білгім келеді.

Себет: әдіс-тәсілдерді істей алмадым,сабақ барысында оқушылардың жауабы ұнаған жоқ, әлі де жақсарсын деген бағытта себетке салып қояды.

Саралау

Бағалау

Денсаулық пен қауіпсіздік техникасын сақтау

Тақырыпты меңгеру үшін оқушыларға топтық, жеке жұмыстарын жүргіздім.

Белсенді оқу тәсілдері "Ой қозғау" “Елші”, саралау тәсілінде “Тапсырма”,

Есеп шығаруда есептердің деңгейін(А,В,С) қадағалаймын

Қалыптастырушы бағалауды ұйымдастыру үшін деңгейлік тапсырмалар беремін.Белсенді оқу тәсілдеріне-«бағдаршам», «шапалақ», «басбармақ», «от шашу», «бағдаршам» секілді бағалау тәсілдерін қолдандым

Сергіту сәті: «Бірге қайтала» пайдаланамын. Оқушылардың партада орналасуын, техникалық қауіпсіздігін қадағалаймын