Ақтөбе облысы, Қобда ауданыҚобда гимназиясының 5-класс оқушысы Түменбай Әлібек.Мұғалімі: Сатыбай П.Т.Қобда - шежірелі өлке Менің туып өскен жерім – Қобда. Туған өлкеммен мақтанамын, туған жерімді мақтан етемін. Шежірелі өлкемнің ұлы да, қызы да батыр қасиетті жер. Туған жерімнің қасиеттілігі тарихынан танып білуге болады. Отан үшін от кешкен ұл, қыздары өте көп. Қазіргі таңда Кеңес Одағының Батыры атанған 8 батыр ел есінде. Сондықтанда, Қобда жері «Батырлар елі» деп те аталады. Құтты мекен екені, көк майса шөбінен де білінеді. Түгін тартсаң майы шыққан, тоғыз жолдың торабында шалқыған Рухты Қобда. Сонау жылдары, түрлі ұлт өкілдерін жатсынбай қарсы алғандығы, қонақжай халық екендігін көрсетіп, көлі, шөлі өткеніннен ән сап тұрғандай көрінеді. Бұл топырақта аунап өскен жандардың, ерлік,елдік істерін барлық әлем тамсанып айтады. Соңғы демі сарқылғанша, елі үшін жанын арнаған бабаларымыздың сақтап қалған жері, Еуропа м ен Азияны жалғап жатыр. Құнды дерек пен сырлы тарих жасырылғанын, көнеден қалған кесенелер ерте кезден күй шертетініне көз жеткізуге болады. Қобыланды мен Абат батырдың ерлігі тастарда алтын әріппен таңбаланған. Алтай батыр, Исатай батырлар жатқан жер, Көпжасаров Иса байыз тапқан жер екеніде баршаға мәлім. Өтек батыр елін қорғап жауға садақ тартқан жер. Сапура Мәтенқызы бас болып, қарулы жасақ жинап, еліне рух беріп, жігерлендіріп, жауға қарсы аттанған. «Көрінбес аулие» атанып жауын мезі етіп қинап, жерін қорғай білген. Ұл – қыздары елін қорғап қана қоймай, елін, жерін жырға қосып жырлаған ақынның бірі Байтабанов Айса. Жыршылығымен елге танылған. Осындай батыр бабаларымыздын есімі мен рухы мәңгілікке жас ұрпақтың жадында жаңғырады. Асыл мұрасы мен көз тартар көркімен Қобда жері күнен күнге көркеюде. Ер жетіп, білім алып еліме оралғанда елімнің көркеюіне өз үлесімді қосамын деп нық сеніммен айтамын.