«Бекітемін»

Қалалық жас туристер

стансасының директоры м.а

_________Жолдаспаева Г.Т «____»________2026 ж.

Ашық сабақ тақырыбы:

«Қобыланды батыр мемориалды кешеніне саяхат»

Құрастырған: Мұсағалиева П.Ж

ҚЖТС қосымша білім беру педагогы

Ақтөбе- 2026 жыл

Сабақтың тақырыбы: : «Қобыланды батыр мемориалды кешеніне саяхат»

Сабақтың мақсаты: Оқушыларды Қобыланды батыр тұлғасымен таныстыру; Батырлар жыры арқылы патриоттық тәрбие беру; Қобыланды батыр мемориалдық кешені туралы мәлімет беру; Оқушылардың сөйлеу, ойлау, шығармашылық қабілетін дамыту

Білімділік: таныстыру, мағлұмат беру.

Тәрбиелік: өз өлкесіне сүйіспеншіліктерін ояту.

Дамытушылық: тұлғалар туралы түсінуге, ізденуге төселдіру.

Сабақтың түрі: аралас

Әдісі: топпен жұмыс, сұрақ-жауап.

Көрнекілігі: карта, суреттер, бейне, тапсырма карточкалары, батырдың суреті

Техникалық құралдар: проектор, экран.

Сабақтың барысы:

І. Ұйымдастыру бөлімі

Сәлемдесу, оқушыларды түгендеу; 
Сабақ барысы:

1. Ұйымдастыру кезеңі

Мұғалім сыныпқа карта және кішкене «саяхат сөмкесі» ұстап кіреді.

Мұғалім:

– Сәлем, зерттеушілер! Бүгін біз ерекше экспедицияға шығамыз.

– Бірақ бұл жай сабақ емес… бұл уақыт машинасы арқылы өткенге саяхат.

(Мұғалім картаны көрсетеді)

– Көз алдарыңа елестетіңдерші…

Кең даланың үстінде тұлпарлар дүбірі естіледі, ал алыстан қарағанда, жас батырлар елін қорғауға аттанып барады.

– Біз олардың ізін басып, Қобда ауданына жетеміз. Және тек жету емес, біздің міндетіміз – Қобыланды батыр кешенін табу және оның тарихын зерттеу.

(Мұғалім сөмкеден «саяхат билетін» шығарады және оқушыларға таратады)

– Әр билет – сендердің саяхатқа кіру кілтіңіз. Бірақ ескертіңіздер: бұл саяхат қарапайым жолмен емес, квест арқылы өтеді.

– Әр бекетте сіздерге тапсырма беріледі, егер топ дұрыс жауап берсе – жұлдызша аласыңдар.

(Мұғалім үзіліс жасап, дауысты төмендетеді)

– Алдымызда далалар, ескерткіштер мен батырлар тарихы бар. Саяхатқа дайынсыздар ма?

Оқушылар:

– Иә!

Мұғалім:

– Жақсы! Сонда бастаймыз. Уақыт машинасын іске қосамыз! ?

(Мұғалім қолын картаға қояды, “уақыт машинасы дыбысы” жасап, интерактивті түрде сабақты бастайды)

Жаңа сабаққа кіріспе:

Бұл Қобыландының жері екен,

Жиренқопа дегені

Қобыланды батырдың

Жылқы салған көлі екен

Қалмақтың бәрін бостырып

Қобыландыдай батырдың

Тамам болған жері екен

(жыршы Көшелек Еламанов)

? САЯХАТ КАРТАСЫ

? 1 бекет

ӨЛКЕ ТАРИХЫ

↓

? 2 бекет

ЗЕРТТЕУШІ

↓

? 3 бекет

БАТЫР ҚАСИЕТІ

↓

? МӘРЕ

ҚОБЫЛАНДЫ БАТЫР КЕШЕНІ

1-бекет: Өлке тарихы – “Қобда ауданының сыры”

Сұрақтар: Ақтөбе облысының батырлар мекені аталған аудан?

Қобда ауданы Ақтөбе облысының қай бөлігінде орналасқан?немесе аумағын картадан көрсетеді.

Қобда ауданындағы сіз білетін тарихи-мәдени ескерткіштер?

Қобыланды батырдың құрметіне салынған кесене қай ауылда?

Жауаптар дұрыс болса – әр бекетте құпия сөз беріледі. (әр дұрыс тапсырмадан әріп алып, соңында сөз құрау) Қалай жұмыс істейді:

Әр топ әр бекеттен дұрыс жауап бергенде әріп алады.

Соңында барлық әріптерді жинап, “БАТЫР” сөзін құрайды.

Қосымша :

Мұғалім топқа қысқа мәтін береді, бірақ кейбір сөздері бос қалдырылған.

Қобыланды батыр мемориалды кешені –*****облысының жергілікті маңызы бар тарих және мәдениет ескерткіштерінің тізіміне енген сәулет өнері ескерткіші. Қобыланды батыр (XV ғ.) – шынайы тарихи *****және халық мақтанышы. Қобыланды батырдың ерліктері «*********» халық эпосында мәңгіленген. Қазірде бұл эпостық жырдың **нұсқасы бар. Ұзақ уақыт бойы Қобыланды батыр ойдан шығарылған фольклорлық кейіпкер ретінде қабылданды, алайда бірнеше рет жүргізілген ғылыми зерттеулер негізінде батырдың ***********құлдырауы заманында өмір сүргені дәлелденді. Кесене батырдың дулығасы тәріздес күмбезделген. Кесененің жалпы биіктігі – 17,5 м.

Топтар дұрыс сөздерді орналастырады.

Штамп немесе стикерлердің көрінісі:

Бекет Символ Стикер/штамп нұсқасы

1-бекет ? ☐ (көк квадрат)

2-бекет ? ☐ (жасыл квадрат)

3-бекет ⚔ ☐ (қызыл квадрат)

4-бекет ? (сары квадрат)

Қорытынды (күлгін квадрат)

Стикерлерді оқушылар әр бекеттен өткен сайын өз билеттеріне қояды.

2-бекет: Зерттеуші – “Кешенді аш”

Сұрақтар:kahoot

Қобыланды батырдың кесенесі не тәрізді?

Кешеннің ескерткіш пен күмбезден ерекшелігі неде?

Тапсырма:

Оқушыларға бірнеше сурет беріледі: кесене, тұлпар, батырдың мүсіні, карта.

Топқа: “Бұл суреттерді хронологиялық түрде орналастыр”

Балалар өз аргументін түсіндіреді: мысалы, “Батырдың өмірі → тұлпар → кешен салынуы → қазіргі күндегі келушілер”.

3-бекет: Батыр қасиеті – “Қобыландыны таны” Сұрақтар:learningaps

“Жасырын орын”

Әріптерді реттеу:

ЛІДӘ

Оқушыларға берілген әріптерден сөз құрап батырға тән қасиеттерді табу:

батыл

әділ

ержүрек

қорқақ

жалқау

Дұрыс қасиеттерді белгілейді.

4-бекет: Кешенге жету – “Экскурсовод” Топқа кешеннің суреті мен қысқаша түсіндіру беріледі.Әр топ 1 минут ішінде “гид сияқты таныстыру” жасауы тиіс: Кешеннің орналасқан жері?Неліктен құрметке ие? Бір қызықты факт.Топқа «қате ақпарат» қосылады, мысалы: “Кешен Оңтустик шығыста орналасқан” → топ оны түзетуі керек. Бұл оқушылардың зерттеуші қабілетін дамытады.

Сергіту сәті: “1 сөз – 1 қимыл”

Мұғалім сөз айтады, оқушылар бір қимылмен көрсетеді:

Өлке – кең даланы көрсету

Батыр – күш көрсету

1️⃣ Карта ашу – қолмен карта ашқандай қимыл

2️⃣ Бағытты анықтау – компас қарау

3️⃣ Таудан өту – орнында жүру

4️⃣ Виноклмен бақылау – алысты қарау

5️⃣ Кешенге жету – қолды жоғары көтеру

Қорытынды:

Мұғалім:

– Бүгін біз қай жерге саяхат жасадық?

Оқушылар:

– Қобда ауданына.

– Қобыланды батыр кешеніне.

– Балалар біздің саяхат аяқталды. Енді әр топ өзінің саяхатын картада көрсетеді.

– Картадағы бекеттерге жеткен реттілікті көрсетіп, әріптерді біріктіріп құпия сөзді жазасыздар.

“Құпия сөзді ашу”

Әр топ өз билетіндегі әріптерді жинап, құпия сөзді құрастыру керек:

Құпия сөз: Қобда, Батыр, Кешен,

Дұрыс құрастырған топқа “Батыр экспедициясының зерттеушісі” сертификаты беріледі

Рефлексия: “Менің саяхатым”

Әр оқушы немесе топ стикерге үш нәрсе жазады:

Бүгінгі сабақта ең қызықты нәрсе......

Жаңа білдім......

Келесі саяхатта не білгім келеді.....

Үй тапсырмасы: «Батырлар мекеніне саяхатым» эссе жазу.