"Қоғамдағы педагог мәртебесі"

2019 жылғы 27 желтоқсанда «Педагог мәртебесі туралы» Қазақстан Республикасының Заңы № 293-VІ ҚРЗ.қабылданды.

Мемлекет басшысы Қ.Тоқаев Қазақстан Республикасы Парламенті Мәжілісінің отырысында мәлімдемесінде елімізде жылдар бойы қордаланған әлеуметтік мәселерге, жастарға сапалы білім беру, ұстаздардың қоғамдағы мәртебесін көтеру маңыздылығын атап өтті. Оқушыларға оқу-тәрбие, ұлттық тәрбие, Отанды сүю, еліміздің Тәуелсіздігін қорғау, паториоттық тәрбие беру іргетасы мектептен қалануы жолында мұғалімнің ролі маңызды роль атқарады.

Оқушыларға жастайынан дұрыс оң бағыт бағдар беріп, Отанды қорғау, мейірімділікке баулу, өз еңбегімен адал нанын тауып жеуге үйрету, ешкімге бидайдың түйіріндей де жамандық жасамау, үлкенге ізет, кішіге құрмет көрсете білуді үздіксіз оқу үрдісінде дәнін еге беру –қоғамда педагогтың үлкен көмегін тигізеді.

Ол үшін мұғалім үнемі сабақ кезінде осы игіліктерді оқушыға үнемі үздіксіз үйрете беру керек деп ойлаймын.

Жеке өз пікірімді айтар болсам, 2022 жылдың 5 қаңтарында елімізде болған қиын жағдай, айтуға аузым бармайды, сол соңғы 30 жылда еліміздің тәуелсіздігінде қоғамның әсіресе бәріне топырақ шашпаймын бірақ кей жастардың (морадер) іс-әрекеттерін жаңалықтардан көргенде- бұл біздің әттеген-ай тәрбиеден кеткен қоғамның бір дерті ау деп көзіме жас алдым.

• Барлық мұғалімдер оқушыларға сапалы оқытуда қажетті ресурстарды жаңа технологиямен пайдаланса сол үшін аянбай еңбек етсе, мәртебесі көтерілмек.

• Мұғалім мәртебесі шәкірт деңгейімен өлшенеді, шәкірті нәтиже көрсетсе, мұғалім мәртебесі биіктейді;

Мұғалім өз мәртебесін көтеретін амалдарды өзі қарастыру, оқытуда, тіпті көшеде, қоғамдық орындарда жүрсе де өзіңің мұғалім екенін ұмытпай тәрбие дәнін егіп жүрсе..

Қазір мұғалімдердің мәртебесіне жан-жақты жағдай жасалған десем артық емес. Бір 45 минутта сабағым өтсе болды деп қана емес, пәнімен қатар, оқушыларға тәрбие, Отансүйгіштікке баулыса ертеңгі болашағымыз жарқын болмақ. Сауатты, білікті, тәрбиелі, Отанын қастерлейтін мықты оқушыны тәрбиелеп шығарса мұғалімнің қоғамға қосқан үлесі сол болмақ.

Қазір мұғалімдер мәртебесіне арнайы заң шығарылып, заңды қорғалған. Балабақша, үйге кезек кезектен тыс беріледі екен. Мұғалім өзін үздіксіз шығармашылықпен дамытып, оқушыларын әртүрлі сайыстарға қатыстырып, жүлделі орындарға ие болып, біліктілік санатын- тесттен өту, жетістік портфилиосын жинақтап жоғарылатуға болады.

Мұғалімдік – қоғамға ең қажет мамандық, оның қоғамдағы мәртебесі әрқашан жоғары болуы тиіс.

Мұғалімнің беделі мен мәртебесі ғылыми шығармашылығына (ғылыми жұмыстарға қатысуына), кәсіби шеберлігіне байланысты көтеріліп, дәрежесі жоғарылайды

Қоғамда мұғалімнің өзін-өзі ұстауы, мұғалім екенін әсте шығармауы қажет.

Мәртебе көтеру  – мұғалімнің өз қолында:

Ақырын жүріп, анық бас,

Еңбегің кетпес далаға.

Ұстаздық қылған жалықпас,

Үйретуден балаға- деп, Абай Құнанбайұлы жырлағандай оқушыларға сапалы да саналы тәрбие беріп жүрген ұстаздарымыздың мәртебесі әрқашан биік болсын!

Информатика пәнінің мұғалімі Кожантаева Айгуль Гильмановна