Құрастырған: Мукашева А.З.

Таңдалынып алынған курс тақырыбы: «Қоршаған орта»

Вариативтік курстың орны: Мектеп оқушыларына арналған.

Бағдарламаның түсінік хаты:

Таңдаулы пән бойынша 2 сыныпқа арналған «Қоршаған орта» пәні оқушылардың өздерін қоршаған, күнделікті көріп біліп жүрген заттары мен құбылыстарына сүйене отырып, оларды ғылыми тұрғыдан түсінуге , жас ерекшеліктеріне лайықты тұрғыда бақылауға жағдай жасау. Сол арқылы оқушылардың ой-өрісінің дамуына мүмкіндік туғызу. Оқушылардың ақыл-ойын дамытып, дүниенің біртұтастығын түсінуге, олардың байланысын аңғаруға жаттықтыру. Қоршаған дүниеге жеңіл түрде бақылау жасауға, жеке заттармен, оларлың қаситімен танысу үшін тәжірибе жасауға дағдыландыру. Қоршаған дүниемен таныстыру арқылы оқушылардың дамуына, тұлға ретінде қалыптасуына мүмкіндік жасау. Бұл пәннің жоспары дүниетану пәнін басшылыққа ала отырып және табиғатты танып білуге әр түрлі қызықты кітаптарды қолдану негізінде құрылды.

Мақсаты:

Балалардың адам, табиғат және қоғам туралы түсініктерін қалыптастыру;

Қарапайым өлкетану, тарихи, экологиялық түсініктерді бағдарлай алуға үйрету.

Міндеттері:

• Оқушыларда табиғат және қоғам туралы алғашқы түсініктерін қалыптастыру;

• Адам, табиғат және қоғамның қарапайым әрекеттестігін сезіну және түсіну;

• Қоршаған ортаға деген дұрыс қарым-қатынасқа баулу.

Қойылатын талап:

• Суретпен жұмыс істеп, еркін сөйлеу;

• Өз пікірін, не табиғаттан байқағанын жеткізе білу;

• Халық ауыз әдебиеті үлгілерін, тыйым сөздерді сабақ барысында үнемі колдану.

Пәнаралық кіріктіру: Математика, ана тілі, бейнелеу өнері.

Уақыт көлемі, сабақтың жиілігі: 45 минуттан аптасына 1 сағат, жылына 34 сағат берілген.

Курсты ұйымдастыру формасы: Тәжірибе жасау, гербарий жинау, жұмбақ, мақал-мәтел жаттау.

Курсты оқытуды аяқтау формасы:

Гербарий жинақтау, суреттер салу, буклет жасау.

Күтілетін нәтиже: Қоғам және табиғат туралы алғашқы түсінік, қоршаған ортаға деген дұрыс қарым-қатынас; адам, табиғат, қоғам арасындағы байланысты түсіну; қоршаған ортада тәртіп сақтау, экологиялық мәдениеттің алғашқы дағдыларын алу; өзін жеке адам ретінде таниды және өзінің мүмкіндіктерін біледі.

Бағалау жүйесі: Бұл пән бойынша баға қойылмайды. Оқу жылының екінші жарты жылдығында тек «есептелді» деп жазылады.

Қоршаған орта.

Ұсынылған әдебиеттер (мұғалімдерге)

1. «100 жұмбақ» кітапша

2. «Дүниетану» әдістемелік құралы

3. Балаларға арналған танымды энциклопедиялар

4. «Бастауыш мектеп», «Балдырған», «Мөлдір бұлақ» журналдары

5. Жаңылтпаштар, мақал – мәтелдер.

Ұсынылған әдебиеттер (балаларға)

1. «Дүниетану» оқулығы

2. Балаларға арналған танымды энциклопедиялар

а) «Сүтқоректілер» Аруна Ltd” ЖШС

ә) «Ғажайып деректер» Аруна Ltd” ЖШС

б) «Үй жануарлары» Аруна Ltd” ЖШС

3. «Менің алғашқы энциклопедиям»

4. Жұмбақтар

5. Жаңылтпаштар