Шымкент қаласы

Еңбекші ауданы

МКҚК №100 «Тоғжан»

бөбекжай-бақшасы №6 «Қиялшылдар»

МАД тобының тәрбиешісі

педагог-сарапшы Игенбаева У.М.

Қорытынды ұйымдастырылған оқу қызметі.

Білім бөлімі: Сауат ашу негіздері.

Тақырыбы: «Білім еліне саяхат»

Мақсаты: Өткен әріптер мен дыбыстардың жазылуын, оқытылуын пысықтау, байланыстырып сөйлеуге үйрету,жазуға қолдарын жаттықтыруды жалғастыру.Дыбыс, әріп, буын, сөз, сөйлем тақырыптарын қайталау.Тірек сызбалар арқылы сөйлемдер құрастыру, ребус, сөзжұмбақ шешу, дыбыстық талдау жасауды пысықтау.

Дамытушылық міндеті: Дидактикалық ойындар ойнату арқылы ақыл-ойын, сөздік қорларын, байланыстыра сөйлеу дағдыларын дамыту;

Тәрбиелік міндеті: Ұйымшылдыққа, ұқыптылыққа баулу. Таза, ұқыпты жазуға тәрбиелеу.

Көрнекі құралдар: әріп қималары, әр балаға жеке касса, үлестірмелі суреттер,маркер, тірек сызбасы,карточкалар, үн таспа.

Әдіс-тәсілдер:Әңгімелесу, сұрақ-жауап.

Ұйымдастырылған оқу қызметінің барысы:

Ән ұран айтылады .

Сәлемдесу:

Адмирал:

Білер қазақ баласы,

Сәлем сөздің анасы,

Топқа келген қонақтарға,

Әрдайым әдеппен

Ақ көңілмен,ізетпен,

Біздер сәлем береміз!

Мотивациялық-қозғаушылық:

Шаттық шеңберіне дөңгелене тұрғызып,өлең жолдарын айтқызу.
Шаттық шеңбер:
Кел,достарым келіңдер,
Қолдарыңды беріңдер
Шаттық толы шеңберге
Қуанышпен еніңдер!
-Балалар бір жылда неше мезгіл бар? 4
-Қазір жылдың қай мезгілі? Көктем
-Көктем мезгілінің айларын атаңдар? Наурыз,Сәуір,Мамыр
-Қазір қай ай? Мамыр
-Бір аптада неше күн бар? 7
-Бүгін аптаның қай күні?
-Балалар бүгін біз Білім әлеміне саяхатқа шығамыз
-Сендер саяхатқа шығуды ұнатасыңдар ма? Ия
-Саяхаттау үшін барлығымыз оңға қарай бұрыламыз
Саяхаттап келеміз
Туған жердің төрінде
Көкке жетіп төбеміз,
Білім,тәртіп,өнерге
Бейбітшілік өмірге
Ұмтыламыз әрдайым.

Осы кезде музыкалық терапия жүргізіледі,
-Балалар біз қайда келдік?Орманға
-Қандай дыбыстар естіліп тұр?Құстардың,аңдардың,аққан судың дыбысы.
-Дыбыс дегеніміз не?
-Әріп дегеніміз не?Әріп дыбыстың таңбасы
-Дыбыс нешеге бөлінеді? Екіге:дауысты және дауыссыз дыбыстар.
-Білім ханшайымы бізге тапсырмалар дайындап қойыпты.
-Енді, осы тапсырмаларды орындап жіберейік.

1.Балалар мына сөздерді оқып,дыбыстық талдау жасайық.

1 . Сөздерді оқы. Дыбыстық талдау жаса.

Б	а	л	а		П	а	н	а

-Балалар бұл сөз неше әріптен тұрады? 4
-Неше дыбыстан тұрады? 4
-Бала деген сөзді буынға бөліп көрейікші.
-Неше буын? 2
-Балалар енді дыбыстық талдауға кірісейік
-Дауысты дыбыстарды қай түспен белгілейміз? Қызыл
-Дауыссыз дыбыстарды ше? Көк

2.Келесі тапсырмадағы сөздердің жоғалған әріптерін табайық.
Осы кезде тәрбиеші балаларға жұмбақ жасырады(Қой,шаш)

1.Кішкентай ғана бойы бар,
Айналдырып киген тоны бар.

қой

2. Жастық шақта қара орман,

Қартайғанда ағарған.

шаш

Қ

...

й

Ш

...

ш

Балалар тапсырмаларды орындап шаршап қалған сияқтымыз, бойымызды сергітіп алайық.

Сергіту сәті

Жалғыз саусақ тікті де.

Ұстай алмас жіпті де,

Екі саусақ бірікті

Ине қолға ілікті

Үш саусағым орамды

Жүгіртеді қаламды

Өнерлі екен он саусақ

Қала салсақ,жол салсақ

3.Мына буынға қай буынды жалғасақ жаңа сөз шығады?
Буынды тап.

Ба - ... ша - ...

та, са, ра. ға, са, на.

4.Берілген сөздерді оқып шығайық.
Сөздерді оқы.

Аға ата шар да ла

Ар па жа ға ша на ба ға

5.Балалар енді әріптер кассасын пайдаланып,сөздер құрастырайық.
-Ал енді, балалар осымен ұйымдастырылған оқу қызметіміз аяқталды,келген қонақтарымызбен қоштасайық.

Қоштасу:

Қол ұстасып тұрайық,

Шеңберді біз құрайық.

Көріскенше күн жақсы,

Сау-саламат болайық.

Оқу қызметін қорытындылау мақсатында қысқаша сұрақтар арқылы қорытындыланады.

Білім елінде немен айналыстық?

Балалардың жауаптары.

«Жоғалған әріпті тап» ойынын ойнадық.

Дыбыстық талдау жасадық.

Барлығың да — жарайсыңдар.

Осымен саяхатымыз аяқталды.