Әз Наурыз

Наурыз- ежелгі заманнан қалыптасқан, санамызға сіңген жыл бастау мейрамы. Наурыз сөзі парсы тілінен енген,яғни, «жаңа күн», «жаңа жыл» деген мағына береді. Наурыз мейрамын дүниежүзі халықтарының көпшілігі тойлайды. Бір қызығы «Наурыз» сөзі әр елде әр түрлі аталады екен. Мысалы, Тәжіктер «Гүл гардан» десе, Татар бауырларымыз «Нардуган» деп атайды.

Наурыз мейрамы- достықтың, бейбітшілік пен татулықтың мерекесі. Осы бір ұлыстың Ұлы күні адамдар бір-біріне деген ренішін ұмытып, өзіне де, өзгеге де жақсылық тілейді. Наурыз мейрамының басты маңыздылығы- «Наурыз көже». Жеті түрлі дәмнен жасалған наурыз көже тоқшылықтың белгісі. Дана халқымыз «Наурыз көжені тойып ішсең, жыл бойы тоқ жүресің» деген сенім қалыптастырған. Наурыз мейрамының тағы бір ерекшелігі «Наурыз айтысы».

Наурыз мейрамын қазақтың ұлттық ойындарынсыз елестету мүмкін емес. Наурыздың көңілді және ұмытылмастай өтуі үшін «Қыз қуу», «Бәйге», «Аударыспақ», «Теңге ілу», «Жамбы ату», «Көкпар» сынды ұлттық ойындар аса маңызды.

Наурыз мейрамы- адамзат бойына қан жүгірген, достығы жарасқан көпұлтты мемлекетіміздің ортақ мерекесі.

Қош келдің НАУРЫЗ!