Қош келдің -Наурыз

Тақырыбы: Қош келдің – Наурыз!

Мақсаты:Балаларға ұлыстың ұлы күні туралы мағлұмат беру. 
Отанын, елін, жерін, ұлттық салт-дәстүрлерді дәріптеуге тәрбиелеу. 
Имандылық, инабаттылық, ізеттілік қасиеттерін қалыптастыру. 
Көрнекілігі: Нақыл сөздер, ұлттық бұйымдар, ұлттық тағамдар, т.б. 
Мейрам өтетін жер салт- дәстүрлерге байланысты жабдықталады. Балалар ұлттық киімдерін киіп келеді. 
Ұлатты сөздер жазылады: 
«Наурыз құтты болсын!» 
«Жыл басы – Наурыз!» 
«Құт береке мейрамы- Наурыз жасасын!» 
Залда әсем әуен ойналып тұрады. 

Жүргізуші:  Кәусәр
Армысыздар құрметті қонақтар! Бүгінгі наурыз мерекелеріңіз құтты болсын! 
Әр отбасына бақыт пен байлығын ала келсін! 
Тойға арнап, ән -жырларын айтуға келген балаларды қошеметпен қарсы алыңыздар! 
Жыршы құстар көп келді, 
Гүлдер жапты бөктерді. 
Кел, балалар, әнменен 
Қарсы алайық көктемді. 

Хор Ән «Наурыз Көктем» 
(Ортаға Әжей шығады) 
Әже: 
Бүгінгі мерекеге Астанадан арнайы келдім. Тойларың құтты болсын! Тойларың - тойға ұласа берсін! Мен де, бұл тойға құр қол келмедім, өзіммен шашуымды да ала келдім. 

Жүргізуші: 
Рахмет, әже ! Алыс жолдан шаршап келдіңіз ғой, мына үстелге отырып ,сәл демалып алыңыз! 
(Ортаға жүгіріп Тазша бала шығады.) 

Тазша бала: Аслан
О, халайық, халайық! 
Шырқап әнге салайық 
Көптен күткен ұлы той, 
Құшақты кең ашайық! 
Сүйіншілеп мен келдім, 
Думандата бастайық! 

Жүргізуші: 
Сүйінші сұрап келген, Тазша баламызға көп рахмет! сыйлап, құрмет көрсетелік. Төрлет, Тазша бала қонағымыз бол! 
(Тазша бала жайғасып отырады.) 
Асылжан. Келе жатыр жылымыз, 
Мейрамдаймыз мұны біз. 
Халқы сүйген мейрамды 
Қарсы алайық Наурызды! 
(Музыка ойналып,Наурыз ортаға шығады) 

Наурыз: Ақторғын

Жайнатамын бар гүлді, 
Сайратамын бұлбұлды. 
Шуақты көктем нұрымен, 
Төгілтіп ән мен күй жырды, 
Тіршіліктің бастауы, 
Келіп тұр, міне, жаңадан 
Наурыз айы мен болам! 
(Шашу) 

1-оқушы:Асылай

Тыңдаңыздар! Тыңдаңыздар!

Ұлыс тойы басталды!

Наурыз туын көтеріп,

Жар салайық әлемге!

2-оқушы:Д.Ержан

Көрмегендер көріңдер,

Естімегендер естіңдер!

Дабылын оның қағайық,

Шақырамыз бәріңді,

Ұлыстың ұлы күніне!

3-оқушы.Інжу

Жыр сыйлаған, нұр сыйлаған тірлікке,

Қастерледік, қадіріңді білдік те.

Құтты болсын, Ұлыс күн жұмылдырған,

Бәрімізді ынтымақ пен бірлікке.

4-оқушы:Оразбек

Басы барлық ырыстың,

Басы барлық ұлы істің.

Құтты болсын, Наурыз той ―

Ұлы күні ұлыстың!

Бірге:

Наурыз құтты болсын!

Жыл басы ― Ұлыс тойы жасасын!

Жүргізуші: Рамазан

Ән мен күйді төгілтіп, 
Інжу -маржан шашайық. 
Қонақтарды таңдантып, 
Өнерден күмбез жасайық. 

Ән: Оңалбай Аружанны «Көңілді күн»

Жүргізуші: Айымжан

Уа, халайық, халайық, 
Шырқап әнге салайық. 
Наурыз тойын көңілді, 
Бірге қарсы алайық! 

Би «Батырлар» 

Жүргізуші: Димаш

Наурыз тойы-береке, 
Наурыз тойы- жыр аңыз. 
Қызып дулы мереке, 
Қызық думан құрамыз. 
Ортада Арап Асылайдың орындауында ән «Әдемі ай» 

1 бала: Дәурен

Қош келіпсің Наурыз! 
Арман тойы халықтың. 
Қуанышы халықтың, 
Құтты болсын қадамың! 

2 бала: Аңсарым

Би биледік бәріміз! 
Егін өңін толқытқан, 
Елдің көңілін шалқытқан. 
Бас иеміз Наурыз! 

3 бала: Бақдаулет

Сені тойлап қарсы алып, 
Бар әлемге жар салып, 
Сәлем бердік,біз сізге! 
Хош келдіңіз Наурыз! 

4бала: Жасмин

Күн менен түн теңелді,
Жер шуаққа кенелді,
Қуанышта ел енді.
Наурыз келді салтымыз:
Көгерсін деп халқымыз
Көшеге тал егеді.
Наурыз тойы - береке,
Наурыз тойы – жыр – аңыз

Би: «Қамажай»

5 бала:Е.Ержан
Жаңа ағытқан қозыдай, 
Жамырасып өрістен. 
Ұлыс күні кәрі жас, 
Құшақтасып көріскен. 

6 бала: Айдана

Ата- бабам тойлаған, 
Наурызым, армысың! 
Қызығына тоймаған, 
Дарқан дала, қарлы шың. 

Айтыс: Арзанбек Рамазан мен Оңалбек Аружан

Жүргізуші: Аружан
Наурыз тойға арналған, 
Балалардан тарту бар. 
Тамсандырып тамашалап, 

Би билесін балалар

Би «Сарбаздар»

7 бала: Ержігіт

Қауыша алмай қанша жыл, 
Қалдық сенен адасып. 
Сағындырып сен келдің, 
Төрлет, есіктің бәрі ашық! 

8 бала: Жанерке

Қыс өтіп қар кетті,
Жырлайық жаз жетті.
Мейрамы ежелден
Құтты болсын Наурыз!

Ән: Қарабай Айымның«Туған жер»

Би; Арап Асылай «Үнді биі»

Би: «Айгөлек»

Қызыр баба: Қалмаханбет Әліжан
Армысыңдар, жамағат.
Ұлыс оң болсын,
Ақ мол болсын,
Қайда барсақ жол болсын!
Ұлыс бақты болсын!
Төрт түлік ақты болсын,
Ұлыс береке берсін,
Бәле-жала жерге енсін!
Ұлы халқым тоқ болсын!
Көйлектерің көк болсын!
Қайғы уайым жоқ болсын!
Қуаныштарың көп болсын! Әумин! !

Қызыр баба: Ой, рахмет, айналайындар! Өркендерің өсіп, талаптарыңа нұр жаусын!
Тазша бала: 
Өнерлі балалар екенсіңдер, менің де сендермен бір ойын ойнағым келіп тұр. 
Ұлттық ойынымыз «Қамшы алу» -деп , аталады. 
Ойын шарты: Балалар шеңбер етіп байлаған арқан ішінде тұрады. Екі жаққа қамшылар қойылады. Белгі берілгенде балалардың біреуі шапшаң қамшыны алуы керек. 

Жүргізуші: 
Наурыз құтты болсын! 
Дендеріміз сау, мықты болсын! 
Наурыз тойы келе берсін! 
Барлық халық бақытты болсын, 
Қош, сау болыңыздар, халайық! 
Көріскенше күн жарық болсын! 

С.Сейфуллин атындағы жалпы орта мектебі

коммуналдық мемлекеттік мекемесі

Тақырыбы: Қош келдің- Наурыз!

Сыныбы: 1 «Ә»

Сынып жетекші: Кузерова Мейіркүл

2017-2018 оқу жылы