Құм салынған қапшықты жәшікке лақтыру.Таяқшалар арасымен қос аяқпен секіру

Ұйымдастырылған оқу қызметінің конспектісі

1-ші кіші топ

Тәрбиеші: Муканова Д.Д.

Күні: 26.04.19

Білім беру саласы: Денсаулық.Денешынықтыру

Тақырып Құм салынған қапшықты жәшікке лақтыру.Таяқшалар арасымен қос аяқпен секіру.

Мақсаты:

Тәрбиелік: Ептілікке және ұқыптылыққа тәрбиелеу.

Оқыту: Балаларды құм салынған қапшықты жәшікке лақтыру және таяқшалар арасымен қос аяқпен секіру кезіндегі қауіпсіздік ережелерін сақтауға үйрету.

Дамытушылық Кеңістікті бағдарлай білуге дағдыландыру. Жаттығулардың ережесі дұрыс орындалуын дамыту Сөздік жұмыс: торға лақтыру, төбесіне қойып жүру

Көптілдік: секіру-прыгать

Технологиялар: ойын,деңгейлеп оқыту,дамыту

Ресурстармен қамтамасыз ету: доптар, себеттер, қапшықтар, тақтай және т.б. ойынға қажетті заттар.

Ұ.О.Ә.барысы:

1.Бір қатар сапқа тұру.

2.Сәлемдесу

(Нұсқалауларды орындау).

Бір тізбекпен жүру.

Тербеледі ағаштар,

Алдымнан жел еседі.

(Қолдарын жоғары көтеріп, алға созу ағашардай тербелу).

Кіп- кішкентай ағаштар,

Биік болып өседі.

(Қолдарын жоғары көтеріп, аяқ ұшымен жүру).

Құлпыра берші кең дала,

Өскен ағашты көрейін.

(Қолдары белде, аяқ ұшымен жүреді).

Жапырағыңмен жасыршы,

Қойыныңа мен енейін.

(Баяу жүгіру).

Шеңберге тұрғызу.

Негізгі бөлім

Жалпы дамыту жаттығулары:

(Доптар).

«Допты жоғары көтер!»

Б.қ.: аяқ иық көлеміндей алшақ қою, допты екі қолмен ұстап тұру.

1.Допты алға созу.

2.Жоғары көтеру.

3.Алға созу

4.Б.қ. келу.

«Аяғынды бүк!»

Б.қ. аяқ арасы иық көлеміндей алшақ, қол төменде.

1.Қос қолдағы доп кеуде тұсында.

2.Оң аяқты бүгіп, көтерген тізеге допты тигізу.

3.Аяқты түсіріп, допты кеуде тұсына әкелу.

4.Сол аяқты бүгіп, көтерген тізеге допты тигізу.

5.Б.қ. келу.

«Алға иілу»

Б.қ.: аяқ алшақ, қол төменде.

1.Допты кеуде тұсында ұстау.

2.Допты жоғары көтеру.

3.Алға иілу.

4.Жоғары көтеру.

5.Б.қ. келу.

«Аласа- биік»

Б.қ.: тізерлеп тұру, доп кеуде тұсында.

1.Допты жоғары көтеру, тізрлеп денені тік көтеру.

2.Өкшеге отыру, қолды кеуде тұсына қою.

3.Б.қ. келу.

Тыныс алу:

-Аяқ арасы алшақ, допты қос қолмен жоғары көтеру, ауа жұту;

-допты кеуде тұсына әкеліп, мұрынмен дем шығару.

Негізгі қимыл жаттығулары:

1 Құм салынған қапшықты 50см жоғарырақ қойылған жәшікке лақтыру.

(Құм салынған қапшықты жәшікке лақтыру).

2.Таяқшалар арасымен қос аяқпен секіру. (арасы 25- 30 см қатар қойылған таяқшалардан секіру).

«Ұшақтар» ойыны:

1.Ойын шартымен таныстыру.

2.Балалармен бірлесе ойнау.

Қорытынды

1.Балаларды мақтап, мадақтау.

2. доғаның астынан еңбектеудің,допты себетке лақтырудың дұрыс орындалуын бақылау.

3.Қауіпсіздік ережесін сақтау