Құқықтық сабақ: "Бала құқығы- Адам құқығы"

Бала құқығы- Адам құқығы.

2019 жылдың 22 қарашасы күні Қостанай ауданы «Білім бөлімі» әкімдігінің Нұржан Наушабаев атындағы мектеп гимназиясында 14-16 жастағы білім алушылардың қатысуымен Бала құқығы Конвециясының қабылданғанына 30-жыл толуына байланысты «Бала құқығы-Адам құқығы» тақырыбымен құқықтық сабақ жүргізілді. Аталған тақырыптағы сабаққа Қостанай ауданы ІІБ ӘПб ЮПт инспекторы полиция капитаны Мадиев Марат Боранбайұлы қатысты. Құқықтық сабақта Бала құқығы Конвенциясына толық мағлұмат беріліп,білім алушылардың қойған сұрақтарына әлеуметтік педагог,құқық магистрі, құқық пәнінің мұғалімі Н.Е. Ахметова жауап берді.

Сондай-ақ, сабақта жаңа оқыту әдістері де қолданылды. Білім алушылар жас ерекшеліктеріне байланысты үш топқа бөлініп,топпен жұмыс жасалынды,жағдаяттар экраннан көрсетіліп оны әрі қарай өрбіту сияқты тапсырмалар да болды. Сабақ соңында полиция капитаны Мадиев Марат Боранбайұлы жасөспірімдерге құқықбұзушылықтың алдын алу мақсатында, «Құқықтық сауаттылық – заман талабы» деген тақырыпта бейнеролик көрсетіп,баяндама жасады. Осы тақырыпта өткізілген сабақтың өте әсерлі және тартымды өткендігі білім алушылардың рефлексия сәтінен байқалды.

Дайындаған: Әлеуметтік педагог Ахметова Назгүл Едресқызы