Құрама және жай есеп

Жай есептерді шығару арқылы математиканың бастауыш курсының негізгі ұғымдарының бірі арифметикалық амалдар туралы ұғым қалыптасады. Жай есептерді шығара білу оқушылардың құрама есептерді шығара білуді меңгеруіне дайындық кезеңі болып табылады, өйткені құрама есепті шығару бірқатар жай есептерді шығаруға келіп тіреледі. Есепті шығарғанда қалыптасатын ұғымдарға байланысты үш топқа бөлуге болады.

Бірінші топқа мынадай түрдегі жай есептер жатады, ол есептерді шығарғанда балалар арифметикалық амалдардың әрқайсысының нақты мәнін ұсынады, яғни балалар қандай арифметикалық амалдар жиындарға қолданылатын қандай да операцияға сәйкес болатындығын ұсынады.Тақырыбы: Құрама есептер шығару

Мектеп:

Күні:

Машықкердің аты-жөні:

3-сынып

Қатысқандар саны:

Қатыспағандар саны:

Осы сабақта қол жеткізілетін оқу мақсаттары (оқу бағдарламасына сілтеме)

2.5.1.8 барлық амалдарға берілген қарапайым есептердің шешуін сандық өрнек түрінде модельдеу; құрама есептердің шешуін сандық өрнек және жеке амалдар түрінде модельдеу

Сабақ мақсаттары

Барлық оқушылар: құрама есептердің шешуін санды өрнектер және жекелеген амалдар түрінде модельдеу және шығаруды біледі.

Көптеген оқушылар: екі амалмен орындалатын есепті кесте, сызба, қысқаша жазба түрінде модельдеуді үйренеді.

Кейбір оқушылар: құрама есептерді шығаруды біледі

Бағалау критерийлері

• жай есепті құрама есептерден ажырата алуды;

• құрама есептерді құрастыруды және шығара

алуды;

• құрама есептерге сызба сызуды меңгереді.

Тілдік мақсаттар

Құрама есеп

Құндылықтарды дарыту

Жұмыс барысында өзара жауапкершілік, сыйластық, өзара түсіністік құндылықтары қалыптасады.

Пәнаралық байланыстар

Дүниетану, қазақ тілі

АКТ қолдану дағдылары

Презентация https://yadi.sk/i/8zZ7-WGZcB_i7w

Бейне ролик https://youtu.be/PU53YhtMEV4

Бастапқы білім

Оқушылар құрама есептер шығаруды біледі

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурс-тар

Сабақтың басы

Амандасу.

Психологиялық ахуал:

Математика сырлары,

Қызықтырды біздерді.

Сабаққа бірге қатысуға,

Шақырамыз сіздерді!

Өткен сабақты қайталау, тақырыпты жалғастыру.

Бүгінгі біздің сабағымыздың тақырыбымен оқу мақсатымен таныстыру.

Балалар бүгінгі сабағымыз күндегі сабағымыздан өзгеше. «Мозайка» әдісі арқылы әр тапсырманы орындаған сайын, суретті құрастыратын боламыз.

Бейне ролик

Сабақтың ортасы

1.Тапсырма

Өрнектердің мәнін тап. Дұрыстығын тексер. Өрнектердің мәнін өсу ретімен қойып, қандай мақал жазылғанын анықта. Мақалдың мағынасын түсіндір.

Жауабы:

«Ана алақанының ақ аясы шынардың саясы»

ҚБ мадақтау

Мозайканың бір бөлігі ашылады.

2.Тапсырма

Есептерді шығару.

Аналар мерекесіне арналған концертке сахнаны безендіру үшін әрқайсысында 25 данадан 8 қорап шар үрленді. Әрқайсысында 15 данадан 5 қорап жалау пайдаланылды. Безендіруге барлығы неше шар мен жалау пайдаланылды?

Ш ар – 25-тен 8

Жалау – 15-тен 5 ? ш,ж

Шешуі:

25 * 8 = 200 (ш)

15 * 5 = 75 (ж)

200 + 75 = 275 (ш, ж)

Жауабы: Безендіруге барлығы 275 шар мен жалау пайдаланылды.

Көркем еңбек сабағында сыныптағы 30 оқушының әрқайсысы 3 ашықхаттан және 1 қобдишадан жасады. Оқушылар барлығы неше сыйлық жасады?

А шықхат – 30-дан 3

Қобдиша – 30-дан 1 ? сыйлық

Шешуі:

30 * 3 = 90 (a)

30 * 1 = 30 (қ)

90 + 30 = 120 (c)

Жауабы: Оқушылар барлығы 120 сыйлық жасады

ҚБ мадақтау

Мозайканың екінші бөлігі ашылады.

3.Тапсырма

Теңдеулерді шеш.

ҚБ мадақтау

Мозайканың үшінші бөлігі ашылады.

4. Тапсырма

Бірінші, екінші, үшінші сынып оқушылары бір апта аналарына сыйлау үшін әшекейлер жасады. Әрбір сынып өздерінің жасаған әшекейлерін санады. Олардың әр күнде бәрі бірге неше әщекей жасағаның тиімді есептеуге көмектес.

ҚБ мадақтау

Мозайканың төртінші бөлігі ашылады.

5. Тапсырма

Есептерді шығар.

Анасы дүкеннен 130 теңгеден 4 кг картоп және 150 теңгеден 3 кг сәбіз сатып алды. Анасы қанша теңге жұмсады?

К артоп – 130-дан 4

Сәбіз – 150-ден 3 ? тг

Шешуі:

130 * 4 = 520 (тг)

150 * 3 = 450 (тг)

520 + 450 = 970 (тг)

Жауабы: Анасы 970 теңге жұмсады.

А насы 2 литрлік алма шырынынан 14 қорап, ал өрік шырынынын одан 4 есе кем сатып алды. Анасы барлығы неше литр шырын сатып алды?

Алма шырыны – 2-ден 14

Өрік шырыны - ?, 4 есе кем ? литр

Шешуі:

2 * 14 = 28 (л)

28 : 4 = 7 (л)

28 + 7 = 35 (л)

Жауабы: Анасы барлығы 35 литр шырын сатып алды.

ҚБ мадақтау

Мозайканың бесінші бөлігі ашылады.

6. Тапсырма

Заңдылықты анықта. Әрбір жағына екі цифрдан жазып, қатарды анықта.

А) ……, ……, 6, 8, 10, ……, …….

Ә) ……, ……, 6, 7, 10, 11, ……, …….

Б) ……, ……, 31, 27, 23, ……, …….

Жауабы: a)2, 4, 12, 14 ә)2, 3, 14,15 б)39, 35, 19, 15

ҚБ мадақтау

Мозайканың соңғы бөлігі ашылады.

Сабақтың соңы

Суретімізді құрастырып болдық. Суретте не бейнеленген? Неліктен?

Дұрыс айтасыңдар, халықаралық әйелдер мерекесі 8 наурыз мейрамы келе жатқандықтан.

Енді «Бағдаршам» әдісі арқылы өзімізді осы сұрақтарға жауап беру арқылы бағалайық.

Балалар, бүгінгі сабақ сіздерге ұнады ма?

Құрама есеп дегеніміз не?

Жай есеп пен құрама есептің қандай

айырмашылығы бар?

Балалар, 8 наурыз мерекесімен аналарымызды, әпке сіңілеріміз құттықтауды ұмытпайық.

Назарларыңызға рахмет.