Шебер сынып

«Құрақ»

Ұйымдастырылған іс - әрекет: сөйлеуді дамыту,математика негіздері,дене шынықтыру,сурет салу,мүсіндеу,жапсыру,қоршаған ортамен таныстыру.

Мақсаты:

Құрақ түрлерін таныстырып, өздері құрай білуге үйрету, дайындау жолдарын меңгерту.
Үнемділікке, ұқыптылыққа, талғампаздыққа, іскерлікке, ата – бабымыздың салт – дәстүрін білуге тәрбиелеу. Жаңа заман құрақ түрін үйрету.
Құрақ құрауға деген қызығушылығын және өздігінен ойлау қабілетін арттыру.

Міндеттері:Ұлттық мәдениет пен дәстүр арқылы рухани-адамгершілік құндылықтар негізінде баланың жеке қасиеттерін қалыптастыру.

Балалардың шығармашылық , зерттеу іс-әрекетін,коммуникативтік , танымдық және зияткерлік, әлеуметтік-эмоционалды дағдыларын дамыту.

Тәрбиеші: Балалар қонақтармен амандасайық..

Білер қазақ баласы,

Сәлем сөздің анасы,

Алдымызда кезіккен

Көп адамды көреміз.

Бәрінеде ізетпен,

Біздер сәлем береміз!

Шаттық шеңбері

Біз кішкентай баламыз,

Қазақстанда тұрамыз,

Отанды біз сүйеміз

Мақтаныш оны қыламыз!

-Балалар, біз Қазақстан республикасында тұрамыз, қазақ халқының өзіне тән қол өнері, қолдан жасалған ұлттық бұйымдары бар. Әжелеріміз ерте кезден ою ойып, өрнек салып құрақ-көрпелер тіккен. Оюды құстарға, жануарлардың мүйізіне, өсімдіктердің гүліне, жапырақтарына ұқсатып әртүрлі матаға ойып әдемі көрпешелер жасаған . Құрақ көрпені қалдық маталардан пішіндерді үйлестіріп жасаған екен. Құрақ көрпені берекеліктің, үнемділіктің белгісі деп білген

Жұмбақ:

Өрнектеп, сәндеп

Тігістерін бүгетін.

Қиығын жөндеп,

Кім көрпе тігетін?(тігінші)

Балалар үйімізде осындай құрақ көрпелер бар ма?

-Балалар біздің осы ауылда жақын маңда бір өнерлі, тігінші әже тұрады екен, сол әжейдің үйіне қонаққа барғыларың келеме?

- Біз құрақ көрпенің қандай болатынын, оны не үшін пайдаланатынын білетін боламыз.

Ғажайып сәт: «Әженің үйінде қонақта»

- Сәлеметсіз бе, әже! Біз сізді өнерлі, оң қолыңыздан өнер тамған тігінші, әдемі көрпелер тігеді деп естідік. Әжей, балаларға құрақ көрпенің неден жасалатынын, не үшін қажет екенін айтады.

- Сау болыңыз, сізге көп рахмет! біз құрақ көрпенің қандай болатынын, оны неден жасаланатынын, көрпенің бізге не үшін қажет екенін білдік, иә балалар.

Қонаққа барады.Геометриялық пішіндерді және оның түстерін атайды.

- Балалалар, енді жұмысымызға оралайық.

- Ал, балалар әжейдің көрсеткеніндей бізде оюлы көрпеше құрастырып көрейікші.

Ойын: «Оюлы көрпе құрау»

Үлкен көк түсті фетр үстіне балалар бір-бір оюдан қойып көрпе құрайды.

Мақсаты: көзбен қабылдау және ойлау қабілетін дамыту.

Слайд: геометриялық пішіндерді көрсету.

• Балалар, енді осы пішіндерден біз құрақ көрпе жасайық. Балаларға қызыл, сары, жасыл түсті үшбұрыш, дөнгелектерді әр балаға таратады. Қағаз бетіне геометриялық пішіндерді орналастырады. Балалардың пішіндерді дұрыс пайдалана білуіне назар аударады, балаларға жеке нұсқа беріп, көмек көрсетеді, іс-әрекет барысында бақылау жасайды.

Сергіту сәті: музыка әуенімен бірге,қимылмен бірге қайталайды.

Атам менің күйші,

Апам менің биші.

Асқар шебер жанұямда

Анам бар тігінші,

Әкем болса ұста.

Балалар жұмысын мадақтау.

Қорытынды:

1.Балалар біз кімнің үйіне қонаққа бардық?

2.Әже бізге не туралы айтты?

3.Біз пішіндерден нені құрастырдық?

4.Көрпе не үшін керек екен?

5.Құрастырған көрпені не деп айтамыз?

- Балалар, сендер бүгінгі ұйымдастырылған іс –әрекетіне өте жақсы қатыстыңдар.Сендердің жасаған құрақ көрпелерің маған өте ұнады.

Сондықтан мен сендерге мына жарқыраған күндей өте жақсы деген баға беремін. Осы күндей жарқырап,бір-біріңе деген шуақтарың молынан болсын!