"Құстар, құстар сызылтып ән салады.." мақала

«Құстар, құстар сызылтып ән салады...»

Құстар – Алла Тағаланың ерекше жаратылған мақұлықтары, аспан әлемінің көркін кіргізуші ғажайып туындыларының бірі. Табиғатта да адам өмірінде де құстардың мәні өте зор. Құстар әуезді сайрағыштығымен, сымбатты да сұлу, алуан түрлі сыртқы көрінісімен ормандарды, саябақтарды, шалғындарды және табиғаттың сәнін келтіру арқылы адамдарды эстетикалық ляззатқа бөлейді.Адам құстарды спортқа және әр түрлі мақсатта қолға үйретіп, баптайды. Құстар атаулының бәрі пайдалы. Құстардың –қайсысын болса да қорғау керек.

Сол мақсатпен Үшқарасу негізгі мектебінде сәуір айында құстар күніне арналған «Құстар, құстар сызылтып ән салады...» атты сыныптан тыс – іс шара аталып өтті. Мақсаты: Оқушыларға жалпы құстардың пайдасы туралы, олар жөнінде мағлұмат беру, қамқор болуға, құстарға аялауға бейімдеу.Әлем құстарымен таныстыру.Оқушылардың құстар туралы ой өрістерін, түсініктерін дамыту. Отанын, жерін, орманын, көлін, табиғатын сүюге баулу.

Аталған іс шара дөңгелек үстел түрінде яғни пікірлесу,әңгімелесу, ой өрістерімен бөлісу түрінде өткізілді. Барлық сынып оқушылары белсенді түрде атсалысып, қатысты. Дөңгелек үстелдің ашылуы құстар жайында бейнерөлік көрсетілумен басталды. Оқушылар алған әсерлерін ортаға салып талқылады. Сонымен қатар құстар жайында сұрақтар, болжамдар, тыйым сөздер, мақал- мәтелдер, жұмбақтар, қызықты мәліметтер айтылды. Құстарды қорғау мақсатында көріністер қойылды. Бастауыш сынып оқушылары өздері ұнататын құстардың суретін салып, тақпақтар шығарды. Барлық оқушылар хормен «Құстар қайтып барады» әнін орындады. Еңбек сабақтарында оқушылар құстарға ұя жасады.

Құстардың ұясын бұзып, жұмыртқасын жарудан аулақ болыңыздар!

Қостанай облысы Әулиекөл ауданы Үшқарасу ауылы

Үшқарасу негізгі мектебінің биология пәні мұғалімі

Барсакбаева Маржан Булатовна

.