Тақырыбы: Құстарға қамқорлық

Мақсаты:1. Табиғат пен адам үйлесімділігі, оның адам өміріндегі маңыздылығын түсіндіру;

2. Табиғатқа қамқор бола білу ге үйрету;

3. Табиғатқа, өсімдіктерге күтіммен қарауға тәрбиелеу.

Түрі: Жаңа сабақ

Әдіс - тәсілі:Әңгіме, түсіндіру, сұрақ - жауап, ойын, слайд.

Көрнекілігі: Суреттер, интереактивті тақта.

Шаттық шеңбері:

Балалар үлкен шеңбер құрып тұрып, бір-бірін құстарға теңейді. Үнтаспадан құстардың сайраған дауысын тыңдатамын.

Ұйымдастыру:

Балалар, қазір қай мезгіл?

Күзде мезгіліндегі қандай ерекшеліктерді білесіңдер?

Сендер бақтардан, орманнан қандай дыбыстарды естідіңдер?

Құстардың қандай пайдасы бар?

Сендер құстарға қандай қамқорлық жасаушы едіңдер?

Жаңа сабақ:

Слайд арқылы балаларға құстардың суретін көрсетемін. Құстардың тіршілігі туралы әңгімелеймін.

Балалар, қыс мезгілі келгенде күн суытып, жәндіктердің көпшілігі қырылып қалады, кейбір жәндіктер ағаштардың қуыстарына тығылады. Осылайша құстардың жемі азаяды. Өзен көлдерде су қатып қалады. Осыған байланысты құстар жылы жаққа ұшып кетеді.

Көктем мезгілінде құстар өз мекеніне орала бастайды. Біз ол құстарға ұя, жемшашар жасап қарсы алуымыз керек. Жыл құстарына: үйрек, тырна, көкек, ұзақ, қарлығаш, қараторғай т.б құстар жатады. Құстардың бір бөлігі күзде ұшып кетіп, сол жерде қыстап қалады. Оларды қыстап қалатын құстар деп атайды.

Отырықшы құстарға: қарға, көгершін, торғай, көк шымшық, тоқылдақ, т.б жатады.=Құстың тұмсығы, қанаты, екі аяғы, құйрығы, мойны, құлағы бар.

-Құстар жұмыртқалайды.

- Олар дәнмен, жәндіктермен, зиянкес құрттармен қоректенеді.

Үкі- түнде ғана ұшатын имек тұмсық, үлпілдек майда жүнді жыртқыш, отырықшы құс.

Бүркіт- таулы, далалы жерлерді мекендейтін имек тұмсық жыртқыш, отырықшы құс.

Тоқылдақ-орман құсы. Қыстап қалатын құстар тобына жатады.

Сергіту сәті:

Қане қанат созайық,

Қарлығашқа ұқсайық,

Ұшып, ұшып алайық,

Орнымызды табайық.

Дәптермен жұмыс: Дайын үлгідегі суреттерді балаларға боятамын.

Құстардың дыбысын балаларға тыңдатамын.

Д/ о: «Мынау қандай құс?»

Қорытынды: Тыйым сөздер:

• Құстардың ұясын бұзба.

• Құстардың балапанына тиіспе.

• Құсқа тас лақтырма.

Шыр – шыр еткен торғайды,

Қорғамасақ болмайды,

Кіп-кішкене торғайлар,

Ағаштарды қорғайды.

Таспен атып торғайды,

Ұя бұзған оңбайды.

Құс өкпелеп кетеді,

Бақшамызға қонбайды.

Башмашын жалпы білім беретін орта мектебі

Үлгі сабақ

«Құстарға қамқорлық»

Орындаған:Тулебаева Мадина Абдисадыкқызы

2019 жыл