Қынды оюмен әрлеу

Сабақтың тақырыбы: Қынды оюмен әрлеу, сәндеу

Сабақтың мақсаты: 
Білімділік: Оқушыларға жасаған қынды әрлеуді, сәндеуді үйрету. Былғарыдан жасалатын бұйымдарды еске түсіру. Оқушыларды дайын бұйыммен таныстыру.
Дамытушылық: Оқушылардың ой - өрісін дамыту, алған білімін іс жүзінде пайдалануға ықпал ету. Теріден бұйымдар жасау қабілеттерін дамыту.
Тәрбиелік: Ұқыптылыққа, іскерлікке, сақтыққа, еңбексүйгіштікке, әдемілікке, тазалыққа тәрбиелеу.
Сабақтың түрі: аралас сабақ
Сабақтың әдісі: ұжымдық, сарамандық, шығармашылық
Пәнаралық байланыс: биология, химия, сызу, математика.
Сабақтың құрал – жабдығы: тері материалдар,қын эскиздері, қайшы, сызу құралдары, желімдер «момент» т. б. сызбалар
Сабақтың көркемдігі: мақал – мәтел жазылған көркемдіктер, теріден жасалған бұйымдар, плакаттар, қайшы, сызу құралдары, суреттер.
Сабақтың өту мерзімі:

I. Ұйымдастыру кезеңі:

• Оқушылармен сәлемдесу;

• Оқушыларды түгендеу;

• Оқушылардың құрал – жабдықтарын түгендеу;

• Оқушылардың зейіндерін сабаққа аударту.

II. Үй тапсырмасын тексеру.

1. Қын дегеніміз не?

2. Қынның түрлерін атаңдар

3. Қынды қай жерлерде қолданады?

4. Былғары өңдеу

5. Былғары түрлерін атап көрсетіңдер

III. Жаңа сабақ.

1. Қынды оюмен әрлеу, сәндеу

Пышақ қыны – иленген теріден жасалатын, ежелден келе жатқан бұйым. Одан әр түрлі пішінде пышақтың, қанжардың, бәкінің, кілттер жиынтығының, тіпті кез – келген кілттер жиынтығының қабын тігіп жасауға болады. Ол үшін қынның пішінінің нақты үлгі бойынша пішіп, екі дана етіп әзірлейді. Дайындалған екі бөліктің тігілетін шетін белгілеп алғаннан кейін, екі түрлі әдіспен тігеді. Біріншісі – қайыстан тігілетін арнаулы қынның тігісін ішіне жіберіп аударады. Екіншісі – тігісін сол қалпында сыртында қалдырады. Бұл шалу арқылы тігіледі. Ал көлемді бұйымдардың, мысалы, қоржынды, дорбаны, торсықты т. б. сыртынан салып тігіп, өрнек салады. Мысалы, қоржынды қара қоңыр теріден тігіп, үстіне өрнектеп кесілген ашық сары теріні тіксе, өте сәнді көрінеді. Мұндай бұйымдарды жасау үшін былғары өңдеудің технологиясын білу керек.

ІҮ. Жаңа сабақты бекіту:

1. Пышақ қыны не үшін қажет?

2. Пышақпен жұмыс жасағандағы ТҚЕ айтып бер

3. Қынды оюмен әрлеу, сәндеу үшін қандай оюлар қажет?

4. Қынның жасалу тарихына қысқаша тоқтал

Қорытынды: Міне балалар, теріден неше түрлі бұйымдар жасауға болады екен. Теріні алу, фабрикада химиялық жолмен алуды өткен сабақтардан білесіңдер. Ол теріден қазір біз алқа мен ұялы телефонға қап жасауды да үйрендік. Қажет болған жағдайда теріден өздерің ақбарлық нәрселерді қолдан жасауға дағдыланыңдар.
Оқушыларды бағалау: 
Оқушыларды бағалау парақшасы бойынша екі топ бір – бірлерін бағалау.
• Бағалау парақшасын таратып беру
• Бір - бірін бағалау
• Журналға қою.
Үйге тапсырма беру: дайын бұйымды көрмеге дайындау