Ересек топ: «Ботақан»

Ұйымдастырылған іс-әрекет тақырыбы:

«Қыс кереметі» (Сөйлеуді дамыту)

Мақсаты:

Балалардың қыс мезгілі туралы білімдерін кеңейту.

Тіл байлықтарын молайту.

Қысқы табиғат құбылыстарын бақылауға үйрету.

Шығармашылық қабілеттерін дамыту.

Қолданылатын материал:Қар ,су,мұз,түрлі-түсті карандаштар,желім,қысқы табиғат көріністерінің суреттері.

Балалар «Ерке сылқым»күйімен топқа кіреді.

Шаттық шеңбер:

Көтеріліп шаңырақ,

Уықтары шаншылар

Керегелер керіліп,

Өрімдей боп өрілер

Бәріміз жүрсек айналып,

Киіз үй боп көрінер.

Тәрбиеші:Балалар,бір жылда неше мезгіл бар?(төрт,қыс,көктем,күз,жаз)

Тәрбиеші:Балалар,сендер балабақшаға келе жатқанда ауа-райы қандай болды?(суық,аяз)

Сендер қалай киініп келдіңдер?(жылы,шапка,шарф,қолғап,жылы куртка)

Қыста қандай ойындар ойнайсыңдар?(қар атысып,шаңғы,шана тебеміз,аққала жасаймыз)

Тосын сәт:Хат тасушы(амандасады)

Хат тасушы:Балалар бұл «Ботақан»тобы ма екен?

Мен сендерге хат алып келдім.

Тәрбиеші:Рахмет.Бұл хат кімнен болды екен?Ашып .оқып көрейік .

Сәлеметсіңдер ме,достар!Мен Қыс ханшайымы боламынМен өте суық қарлы жерде өмір сүремін,бірақ түлкі мені алдап орманға алып келді.

Мен бұл жерде ұзақ тұра алмаймын.Сендердің маған көмектерің керек.Ол үшін түлкі сендерге тапсырма жібереді,сендер соны орындауларың керек.(Көмектесеміз бе?)

Ғажайып сәт:

Балалар қараңдаршы бізге кім келді?(Аққала)

Түлкі тапсырманы Аққаладан беріп жіберіпті.

1-ші тапсырма:Қардың қасиетін анықта.

Қар дегеніміз не?

Қар жауын-шашын түрі,бұлттан жауады.

Кіп-кішкентай мұз кристалдардан тұрады.

Аязды күндері қиыршық,жылы күндері жапалақтап жауады.

Енді қардың қасиетін анықтау үшін тәжірибе жасаймыз,ол үшін біз зертханаға барамыз.

Бізде столдың үстіндестаканда су,қар,мұз тұр.

Қар аппақ,суық,жеңіл,иісі жоқ осы қарды суға салсақ еріп кетеді,ол суды ішуге болмайды(суық,лас)

Суды тоңазытқышқа салса мұзға айналады.Мұз қатты,суық,суға салса еріп кетеді.Тек суық жерде қалпын сақтап тұрады.

Біз 1-ші тапсырманы орындадық.

Сергіту сәті:Боран даусы

Боран соғар оң жақтан

Боран соғар сол жақтан

Қар атысып ойнасақ

Су болады қолғаптар.

2-ші тапсырма Аққаланың бейнесін құрастыру немесе балпанақ(пингвин)суретін бояу.

Ол үшін біз « Өнер»орталығына баруымыз керек.

(Жасанды интелект технологиясын пайдаланып суреттерге

жан бітіру)

3-ші тапсырма «Қысқы серуен» суреттерге қарап әңгіме құрастыру. Ол үшін біз «Көркем әдебиет» орталығына баруымыз керек

Суретке қарап қыс туралы әңгіме құрастырамыз.

Балалар біз үш тапсырманы да орындап шықтық.Біз Қар ханшайымына көмектестік.Ендеше балалар біз аққаламен қоштасайық.

Бүгінгі іс-әрекетімізді қорытындылайық.

Қорытынды:Сұрақ-жауап.

Марапаттау.